Todays’ Gold and Silver Rates 14 July 2026: सोने आणि चांदीच्या दरांना पुन्हा एकदा अमेरिका-इराण यांच्यातील वाढत्या तणावाची झळ बसताना दिसत आहे. पश्चिम आशियात अलीकडच्या हालचालींच्या उलट मंगळवार, 14 जुलै रोजी, सोन्याच्या किमतींनी पलटी मारली, तर चांदीच्या दरानेही महागाईचा बिगुल फुंकला. अमेरिका आणि इराण यांच्यातील वाढता तणाव आणि व्याज दरांबाबत वाढत्या अपेक्षा, ही कारणे मौल्यवान धांतूंच्या अलीकडच्या घसरणीला कारणीभूत ठरले आहेत.
सोन्या आणि चांदीच्या दरांवर गेल्या काही दिवसांपासून पुन्हा एकदा दबाव पाहायला मिळत आहे. गेल्या महिन्यातील सततच्या घसरणीनंतर जुलैच्या पहिल्या आठवड्यात दोन्ही मौल्यवान धातूंनी तेजीची उभारी घेतलेली ज्यामुळे गुंतवणूकदारांना दिलासा मिळालेला, पण गेल्या आठवड्यात अमेरिका आणि इराण यांच्यात होर्मुझ सामुद्रधुनीवरून पुन्हा बिनसलं ज्याचा परिणाम सोने-चांदीच्या दरांवर दिसून आल्यावर मंगळवारी दोन्ही मौल्यवान धातूंनी यु-टर्न घेतला.
सोने-चांदीच्या किमतीत पुन्हा स्वस्ताईचा धमाका
जुलै महिन्याच्या पहिल्या 13 दिवसांत चांदीची किंमत 13000 रुपयांपेक्षा जास्त स्वस्त झाली असून अलीकडच्या दबावामुळे सोन्यावर घसरणीचा दबाव कायम राहिला आणि देशांतर्गत बाजारात सोन्याचा भाव 1.40 लाख रुपयांपर्यंत खाली आला आहे. यासोबतच चांदीचा वायदा दर उच्चांकावरून सातत्याने कोसळत असताना जुलै महिन्यातील केवळ 13 दिवसांत चांदीचा भाव 2.30 लाखांवरून 13,107 रुपयांनी तब्बल 2.17 किलोपर्यंत घसरला आहे.
सोने-चांदीचा आजचा दर काय
जागतिक बाजारात मौल्यवान धातूंच्या बुलियन किमतीत झालेली वाढ आणि गुंतवणूकदारांनी कमी दरांवर केलेली खरेदी यामुळे मंगळवारी MCX वर सोने आणि चांदीच्या किमती वाढीसह व्यवहार करत आहेत. सकाळी 9.15 वाजता MCX वर सोन्याचा वायदा 668 रुपायांनी वाढून 1,40,977 रुपयांवर वाढला तर, चांदीचे फ्युचर्स 732 रुपयांनी वाढून 2,18,450 रुपये किलोवर पोहोचले आहेत.
आंतरराष्ट्रीय बाजाराबद्दल बोलायचे तर मंगळवार, 14 जुलै रोजी, दोन्ही मौल्यवान धातूंच्या किमतीवर दबाव कायम राहिला. सुरुवातीच्या सत्रात COMEX वर सोन्याची किंमत 0.04 टक्क्यांनी किंचित घसरून 4,004 डॉलर प्रति औंसवर खाली आली, तर चांदीचा भाव 1.06 टक्क्यांनी कमी होऊन 57.355 डॉलरवर उतरला. मध्यपूर्वेतील तणावाच्या परिस्थितीमुळे गुंतवणूकदारांची चिंता नक्कीच वाढली असेल, पण तरीही मौल्यवान धातूंची खरेदी फिकी पडताना दिसत नाही.
सोन्या-चांदीवरील दबावाचे कारण काय
सामान्यतः युद्ध, लष्करी तणाव किंवा भू-राजकीय संकटाच्या काळात गुंतवणूकदार सोन्याकडे वळतात. म्हणूनच सोन्याला एक सुरक्षित मालमत्ता मानले जाते पण, सध्या दोन भिन्न शक्ती बाजारावर परिणाम करत आहेत. एकीकडे पश्चिम आशियामधील अमेरिका-इराण तणाव सोन्यासाठी सकारात्मक घटक ठरत आहे तर दुसरीकडे, अमेरिकेत व्याजदर वाढण्याच्या शक्यतेमुळे सोन्याच्या किमतींवर दबाव वर्चस्व गाजवत आहे.
ट्रम्प यांच्या पोस्टनी वाढवली नवीन चिंता
इराणवर क्षेपणास्त्र हल्ल्यांच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी इराणी बंदरांवर पुन्हा सागरी नाकेबंदी लागू करण्याची घोषणा केली. तसेच होर्मुझ सामुद्रधुनीतून जाणाऱ्या मालवाहू जहाजांवर त्यांनी 20 टक्के शुल्क लावण्याचा प्रस्तावही मांडला. यामुळे मध्य-पूर्वेतील तणाव आणखी वाढला, ज्याचा परिणाम कच्च्या तेलाच्या किमतींवरही झाला असून ब्रेंट क्रूडने 1 महिन्यातील उच्चांक गाठला. अशा परिस्थितीत, तेलाच्या किमतीतील वाढल्यामुळे जागतिक महागाई वाढण्याची भीतीही निर्माण झाली.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
