प्रदीप रावत यांनी मुंबईतील कोकिळाबेन रुग्णालयात उपचारादरम्यान अखेरचा श्वास घेतला.मिळालेल्या माहितीनुसार त्यांची कर्करोगाशी सुरू झुंज सुरू होती. रक्ताचा कर्करोग झाल्यानंतर त्यांच्यावर उपचार सुरू होते.उपचारादरम्यान त्यांची प्रकृती चिंताजनक झाली आणि रुग्णालयातच त्यांची प्राणज्योत मालवली.
‘लगान’ चित्रपटातील प्रदीप रावत यांचे सहकलाकार यशपाल शर्मा यांनी सोशल मीडियाद्वारे त्यांच्या निधनाची धक्कादायक माहिती देत शोक व्यक्त केला.
‘महाभारत’ मधील ‘अश्वत्थामा’ ते ‘गजनी’ मधील खलनायक
प्रदीप रावत यांनी आपल्या अभिनय कारकिर्दीत अनेक वेगवेगेळ्या छाटणीच्या भूमिका साकारल्या.बी. आर. चोप्रांचे ‘महाभारत’ या मालिकेत त्यांनी अश्वत्थामा ही महत्त्वपूर्ण भूमिका साकारून घराघरांत ओळख मिळवली.
बॉलिवूड चित्रपट
आमिर खानच्या ‘लगान’मधील देवा, ‘सरफरोश’मधील सुल्तान या भूमिका आजही प्रेक्षकांच्या आठवणीत आहेत. प्रदीप रावत यांच्या कारकिर्दीतील सर्वात मोठा टप्पा ठरला तो म्हणजे ‘गजनी‘ चित्रपट. ए. आर. मुरुगदोस दिग्दर्शित २००५ मधील तमिळ ‘गजनी’ (ज्यात सूर्या मुख्य भूमिकेत होता) आणि २००८ मधील हिंदी रीमेक ‘गजिनी’ (ज्यात आमिर खान होता) या दोन्ही चित्रपटांत त्यांनी ‘गजिनी धर्मात्मा’ हा मुख्य खलनायक साकारला. आजही त्यांना गजनी म्हणूनच ओळखलं जात असे.
दक्षिण भारतीय चित्रपट
हिंदीप्रमाणेच त्यांनीतेलगू आणि तमिळचित्रपटांतही आपल्या खलनायकी भूमिकांनी प्रेक्षकांची मने जिंकली. ‘साय’ आणि ‘छत्रपती’ यांसारख्या चित्रपटांतील त्यांच्या भूमिकांचे विशेष कौतुक झालं होतं.
चित्रपटसृष्टीतून श्रद्धांजली
प्रदीप रावत यांच्या निधनानंतर हिंदी, तेलगू आणि तमिळ चित्रपटसृष्टीतील अनेक दिग्गज कलाकारांनी व दिग्दर्शकांनी त्यांना श्रद्धांजली अर्पण केली आहे. अभिनेता सोनू सूदनं देखील रावत यांना श्रद्धांजली वाहिली आहे.
आपल्या दमदार आवाजासाठी आणि स्क्रीन प्रेझेन्ससाठी ओळखले जाणारे प्रदीप रावत भारतीय चित्रपटसृष्टीतील एक अष्टपैलू अभिनेते म्हणून नेहमी लक्षात राहतील, अशा प्रतिक्रिया चाहते सोशल मीडियावर व्यक्त करत आहेत.
