UPSC Success Story: दोन वेळा यूपीएससी परीक्षा उत्तीर्ण करत आधी आयपीएस (भारतीय पोलीस सेवा) आणि आता आयएएसला (भारतीय प्रशासकीय सेवा) गवसणी घातली आहे.
राहुल रमेश आत्राम असे त्या यशस्वी युवकाचे नाव आहे. यूपीएससी परीक्षेत राहुल यांनी ४८१व्या रँकने हे यश गाठले. हे कुटुंब मूळचे देसाईगंज येथील आहेत. पोलीस शिपाई असलेल्या आजोबांनी त्यांच्या मुलाला अर्थात रमेश आत्राम यांना चांगले शिक्षण दिले. त्यामुळे रमेश आत्राम हे समाजकल्याण अधिकारी म्हणून शासकीय सेवेत रुजू झाले. त्यानंतर सहायक आयुक्त, संशोधन अधिकारी, प्रादेशिक उपायुक्त अशा विविध पदांवर काम करत सहआयुक्त म्हणून ते निवृत्त झाले. त्यांचा जास्तीत जास्त कार्यकाळ नागपुरात गेल्याने त्यांचे पूत्र राहुल यांचे शिक्षण नागपुरातच झाले. 
ऑटोचालकाच्या लेकीनं यूपीएससीत मारली बाजी; यवतमाळची आदिबा अहमद बनली महाराष्ट्रातील पहिली मुस्लिम महिला IAS
नागपूरच्या डॉ. आंबेडकर कॉलेजमधून बारावी केल्यानंतर त्यांनी आयआयटी खडगपूर येथून बी.टेक., एम.टेक.ची पदवी घेतली. पण भारतीय प्रशासकीय सेवेत जाण्याची त्यांची इच्छा कायम होती.आधी लगीन कोंढाण्याचं! यूपीएससीत ६ वेळा अपयश, लग्नाआधी नम्रताचं UPSC Crack करण्याचं स्वप्न, अखेर यश खेचून आणलंच
कोरोनाकाळात त्यांनी यूपीएससी परीक्षेच्या तयारीवर लक्ष केंद्रित केले. २०२३मध्ये यूपीएससी परीक्षा उत्तीर्ण केली. त्यांचा भारतीय पोलीस सेवेत नंबर लागला. त्याचे प्रशिक्षण सुरु असतानाच राहुल यांनी आयएएस होण्याचे स्वप्न पूर्ण करण्यासाठी पुन्हा परीक्षा दिली. यावेळी आयएएस कॅडर मिळेल असा विश्वास त्यांना आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा