Small Road Side Vendor Success Story ; रस्त्याच्या कडेला दुकान अन् वर्षांची सरासरी कमाई 30 लाखांहून जास्त; समजून घ्या, लहानश्या व्यापाऱ्याचं वार्षिक गणित

सामान्य घरातून येणाऱ्या प्रत्येकाला व्यवसाय क्षेत्रात झेप घेण्याची इच्छा कधीना कधी नक्कीच झाली असेल. कधी कधी दिवसाढवळ्या पाहिलेले हे स्वप्न जिद्द आणि परिश्रमाने पूर्ण होऊन जातात. पण कधी कधी कौटुंबिक तसेच इतर जबाबदाऱ्यांचा ढिगाऱ्याखाली हे स्वप्न गाडले जातात. व्यवसाय करण्यासाठी हिम्मत लागते ही बाब तर निश्चितच खरी आहे. आज जगभरात नावाजणाऱ्या कंपन्यांची सुरुवातही कुठे तरी लहानापासूनच झाली आहे आणि या कंपन्यांचे मूळ आखणारे संस्थापकही आधीपासूनच कोणत्या श्रीमंत घरातून येत नाहीत.

सध्या सोशल मीडियावर एक व्यवसाय चांगलाच चर्चेत आला आहे. ब्रेड पकोडे विकून एखादा व्यक्ती इतकी वार्षिक कमाई करतो, जितकी रक्कम कमावण्याठी नोकरी करणाऱ्या व्यक्तीला अर्ध आयुष्य द्यावं लागतं. रस्त्याच्या कडेला असणाऱ्या या लहानश्या दुकानातही इतका नफा असू शकतो हे अनेकांना थक्क करणारे असेल.

अंकित पांडे यांनी त्यांच्या X हँडलवर शेअर केलेली पोस्ट सध्या चर्चेत आहे. या पोस्टमध्ये त्यांनी एका लहानशा दुकानाचे फोटो शेअर केले आहे. महत्वाचे म्हणजे त्यांनी त्या दुकानदाराची मुलाखत घेऊन संपूर्ण आर्थिक गणित सोशल मीडियावर शेअर केले आहे.

वार्षिक कमाई लाखांमध्ये!

अंकित पांडे यांनी त्यांच्या पोस्टमधून एका लहानशा ब्रेड पकोडा सेंटरचे संपूर्ण आर्थिक गणित शेअर केले आहे. दुकानदाराची भेट घेऊन त्यांनी दररोजच्या खर्चासंबंधित तसेच नफ्या संबंधित प्रश्न केला आहे. दुकानदाराने सांगितले आहे की दिवसाला त्याच्या दुकानात किमान 400 ग्राहक तरी येतात. अशामध्ये त्याने ब्रेड पकोड्याची एकूण किंमत 15 रुपये ठेवले आहे तसेच गुलाबजामूनची किंमत 15 रुपये अशी ठेवली आहे. म्हणजेच एका ग्राहकाकडून तो साधारण 30 रुपयांची कमाई करतो.

जास्त द्याल तर जादा कमवाल; 10000 ची SIP बनवेल 2 कोटींचा मालक; कमाईचा सोपा फॉर्म्युला ठरेल पैसा छापायची मशीन400 ग्राहक आणि त्यांच्यापासून होणारी कमाई प्रत्येकी 30 रुपये याचे गणित पाहिले तर दिवसाला तो साधारणपणे 12,000 रुपयांची कमाई करतो. अंकित पांडे यांच्या पोस्टच्या मते दुकानदाराच्या दैनंदिन कमाईतील 70% भाग हा त्याचा नफा असतो. एकंदरीत, दररोजची कमाई 12,000 असली तर त्यातील दुकानदाराचा नफा 8,400 रुपये आहे. वजा रक्कम म्हणजेच गॅस, कच्चा माल, तेल यामध्ये लागणारे खर्च.

जर दुकानदाराचा एका दिवसाचा नफा 8,400 असेल तर महिन्याला होणार दुकानाचा नफा हा 2,52,000 रुपये इतका असेल. तसेच त्या दुकानाचा वार्षिक नफा 30,24,000 रुपयांपर्यंत असू शकतो. एका रस्त्याच्या कडेला ब्रेड पकोडे विकणारा माणूस वर्षाला तीस लाखांहून जास्त कमावतो, हे पाहून अनेकांनाआश्चर्याचा धक्का बसला आहे. परंतु, याच गोष्टीने अनेकांच्या मनात व्यावसायिक क्षेत्रात उतरण्याचे बळही दिले आहे.

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा