Sachin Deshpande On Industry Casting System : अभिनेता सचिन देशपांडेने नुकतीच महाराष्ट्र टाइम्सच्या सेलिब्रिटी कॉर्नरला मुलाखत दिली. यामध्ये त्याने इंडस्ट्रीत त्याला आलेले वाईट अनुभव शेअर केले. इन्स्टाग्रामवरील फॉलोवर्सचा फटका कामाला कसा बसतो याचे वास्तव त्याने या मुलाखतीत दर्शवले.
अभिनेता सचिन देशपांडे हा होणार सून मी या घरची या झी मराठीवरील मालिकेतून प्रेक्षकांच्या मनात स्थान मिळवले. मालिकेतील जान्हवीचा जवळचा मित्र त्याने साकारला होता. पुढे माझ्या नवऱ्याची बायको या मालिकेतही त्यांनी उत्तम काम केले. गाठीशी उत्तम अनुभव असूनही बरेचदा instagram वरील फॉलोवर्समुळे हातात काम निसटते अशी खंत त्याने सेलिब्रिटी कॉर्नरला दिलेल्या मुलाखतीमध्ये व्यक्त केली.
Kangana Ranaut On Hrithik Roshan : हृतिक रोशनची कमेंट कंगना रणौतच्या जिव्हारी लागली! राग व्यक्त-आगीत तेल ओतणं कमी कर अन् गर्लफ्रेंडला फसवू नको; काय घडलं नेमकं?
सचिन देशपांडे यांनी सांगितले की, आजकाल ऑडिशन्सची पद्धत फार बदलली आहे. पूर्वी कलाकारांचे नाव सुचवण्याचं काम दिग्दर्शक करायचा. त्यावेळी डिरेक्टर हाच कॅप्टन ऑफ द शीप असायचा. सिनेमाला दिग्दर्शकाचे फार महत्त्व असते पण त्यावेळी टीव्हीवर सुद्धा दिग्दर्शकाला तितकेच महत्त्व दिले जायचे. पण आता तसे राहिलेले नाही. आता कास्टिंग ही पूर्णपणे वाहिनीच्या हातात गेलेली आहे. चॅनलवर बसलेली लोकं असतात ती तुमचं कास्टिंग लॉक करतात. पूर्वी आम्ही फोन द्वारे किंवा प्रत्यक्षात दिग्दर्शकापर्यंत पोहोचू शकत होतो. पण आता जी लोक तुम्हाला काम देणारी आहेत त्यांच्यापर्यंत पोहोचू शकत नाही.
अभिनेता सचिन देशपांडेने या मुलाखतीमध्ये त्याला याबाबत आलेल्या अनुभवाबद्दल सांगितले. तो म्हणाला की, मला नंबर वन चॅनेलच्या एका मालिकेत कॅमियो रोलसाठी बोलावले होते. मी त्यांना होकार कळवला, मानधनाबद्दलही बोलणं झालं. माझं ज्या प्रोडक्शनवाल्यासोबत बोलणं चालू होतं त्याचा मला काही वेळाने मेसेज आला की दादा तुझा इन्स्टा आयडी पाठवतोस का? मी त्याला यामागचं कारण विचारलं तर तो म्हणाला- तुझे फॉलोवर्स बघायचे आहे. मग मी त्याला माझा इन्स्टा आयडी पाठवला पण पुढे काहीच रिप्लाय आला नाही.
CID Daya On TMKOC : गुण्यागोविंदाची सोसायटी हा फक्त दिखावा! CID च्या दयाकडून तारक मेहताच्या सेटची नाव न घेता पोलखोल, कलाकारांचं खरं वागणं भलतंच
अचानक दोन दिवसांनी मला कळलं की माझ्याजागी त्या मालिकेत दुसऱ्याच एका अभिनेत्याला तिथे रिप्लेस केले गेले आहे. ज्याचे इन्स्टा फॉलोवर्स जास्त होते. आज-काल इंडस्ट्रीमध्ये हाच फॉर्म्युला झाला आहे ज्यामध्ये तुमचे फॉलोवर्स किती आहेत यावर तुमची कास्टिंग ठरते.
सचिन देशपांडेची संपूर्ण मुलाखत येथे पाहा
सचिन देशपांडेच्या कामाबद्दल बोलायचे झाल्यास त्याने पदार्पण स्टार प्रवाहवरील राजा शिवछत्रपती या मालिकेतून केलेली. या मालिकेत त्याने शिवरायांच्या अष्टप्रधान मंडळातील एकाची भूमिका साकारली होती. त्यापूर्वी त्याने काही सिनेमांसाठी असिस्टंट दिग्दर्शकाची भूमिकाही साकारलेली. पुढे होणार सून मी या घरची, माझया नवऱ्याची बायको, अजूनही बरसात आहे, पारू यांसारख्या मालिकांमध्ये काम केलेले. सध्या तो सन मराठीवरील मालिकेत पाहायला मिळतोय.
लेखकाबद्दलआकांक्षा तळेकरआकांक्षा तळेकर महाराष्ट्र टाइम्स ऑनलाइनमध्ये कन्सल्टन्ट या पदावर कार्यरत आहे. फेब्रुवारी 2023 मध्ये मटा ऑनलाइनमध्ये काम करण्यास सुरूवात केली. तेव्हापासून मनोरंजन, फिल्म इंडस्ट्री विषयक बातम्या लिहिण्यात हातखंडा आहे. तसेच कलाकारांच्या मुलाखती घेणे, वेगवेगळ्या इव्हेंटला उपस्थित राहून तेथील महत्वाच्या बातम्या करणे, सेट व्हिजिट देऊन त्यावर आर्टिकल बनवण्याचा अनुभव आहे.
पत्रकारितेतील अनुभव
आकांक्षा तळेकर यांचा पत्रकारितेच्या अनुभवाची सुरुवात सामना या वृत्तपत्रापासून झाली. तिथे इंटर्नशीप करताना बातम्यांचा पाया काय असतो इथपासून ते अचूक बातम्यांची निवड कशी करावी या गोष्टी शिकून घेतल्या. त्यानंतर लोकशाही वाहिनीवर दुसरी इंटर्नशीप केली आणि मग तिथेच 6 महिने टिकर ऑपरेटर म्हणून काम केले. यावेळी ब्रेकिंग न्यूज करताना प्रेक्षकांना वाचण्यासाठी कोणते शब्द महत्वाचे असतात, किंवा पत्रकारितेमधले शब्द आणि सामान्य आयुष्यातले शब्द यांच्यातील तफावत शिकता आली. लोकशाही वृत्तवाहिनीमध्ये व्हायरल शोसाठी स्क्रिप्ट लिखाणही केले आहे. हे करत असताना विविध व्हायरल व्हिडिओंपाठी नेमकं सत्य काय हे शोधण्याची सवय लागली. त्यामुळे एखादी बातमी करताना त्याचा ठोस पाठपुरावा करावा हे शिकण्यात आले.
लोकशाहीनंतर मुक्तपीठ या वेबपोर्टलसाठी काही काळ काम केले. तिथे व्हिडिओ बनवणे, कॅमेऱ्यासमोर वृत्तवाचन करणे आदी काम केली. या सर्व गोष्टी करत असताना मेघा मराठी या मनोरंजन विषयक वेबपोर्टलसाठी रोज आर्टिकल लिहिण्याचे काम सुरू होते. त्यामध्ये बॉलिवूड किंवा मराठी इंडस्ट्रीमध्ये लेटेस्ट घडणाऱ्या घडामोडी आर्टिकल स्वरुपात दिल्या.
करोनाच्या काळात बृहन्मुंबई महानगरपालिकेच्या व्हॅक्सिन सेंटरमध्ये डेटा ऑपरेटर म्हणून दीड वर्ष कार्य केले. त्यावेळी सर्वसामान्य व्यक्ती, त्यांचे स्वभाव आणि अडीअडचणी जवळून जाणता आल्या. हे काम करत असताना विविध राजकिय पक्षांसंबंधित लोकांशी सतत संपर्क होत होत्या. त्यामुळे राजकारणात काय चालू असते याची थोडीफार जाण झाली ज्याचा उपयोग पुढे पत्रकारितेमद्ये झाला.
त्यानंतर हेमा मालिनी संपादक असलेल्या मेरी सहेली या मासिकाची मराठी आवृत्ती माझी सहेली मध्ये 3 वर्षे काम केले आहे. माझी सहेलीमध्ये मनोरंजन विषय कोलम लिहिणे तसेच पॉडकास्टमध्ये वेगवेगळ्या विषयांचे संशोधन करणे, मुलाखतींसाठी प्रश्न तयार करण्याचे काम केले. सध्या महाराष्ट्रा टाइम्स ऑनलाइनध्ये मनोरंजन सिनेसृष्टीविषय बातम्या करणे, गाजलेल्या मालिकांचे अपडेट्स देणे, कलाकारांच्या महत्वाच्या सोशल मीडियावर पोस्टबाबत बातमी तयार करुन ती वाचकांपर्यंत पोहचवण्याचे काम करत आहेत. तसेच मालिका किंवा सिनेमांच्या प्रेस कॉन्फरन्समध्ये जाऊन कलाकारांच्या मुलाखती घेण्याचा अनुभव आहे. मनोरंजन विषयाशिवाय क्राइम आणि व्हायरल व्हिडिओवरुन बातम्या करण्याचीही आवड आहे.
शैक्षणिक माहिती
आकांक्षा तळेकर यांनी पार्ले टिळक विद्यालयातून शालेय शिक्षण पूर्ण केले. त्यानंतर साठ्ये महाविद्यालयात विज्ञान शाखेतून 12 वी दिली. पुढे साठ्ये महाविद्यालयातच BMM हा स्पेशल कोर्स केला आणि त्यात पत्रकारितेची पदवी मिळवली.… आणखी वाचा
