Bhandara Nagar Parishad : तिसऱ्या प्रभागाची मतमोजणी सुरू होताच प्रभाग क्रमांक ३ ‘अ’मधील राष्ट्रवादी काँग्रेस (शप)च्या उमेदवार करुणा राऊत यांचे नाव ईव्हीएममध्ये नसल्याचे दिसून आले
टेकेपार उपसा सिंचन उपविभाग आंबाडीचे उपविभागीय अधिकारी मोहम्मद इसरार, चांदोरीचे तलाठी ए. एन. मळघने, भंडारा नगर परिषदेचे लिपिक पीयुष शक्करवार, जे. एम. पटेल महाविद्यालयाचे प्राध्यापक के. एच. लांजेवार, विकास माध्यमिक शाळा खरबी नाकाचे शिक्षक जी. एस. नागदेवे, प्रधानमंत्री ग्रामसडक योजनेचे अधिकारी महेश दुर्गाडे आणि नूतन कन्या शाळेच्या शिक्षिका लीनादेवी चिचमलकर अशी निलंबित केलेल्या अधिकारी, कर्मचाऱ्यांची नावे आहेत.
Shrikant Shinde : अंबरनाथ-बदलापूरच्या बालेकिल्ल्यातच शिवसेनेला फटका कशामुळे बसला? भाजपच्या रणनीतीपेक्षाही दुसऱ्या कारणाची चर्चा
भंडारा नगर परिषदेच्या निवडणुकीची मतमोजणी रविवारी पोलिस बहुउद्देशीय सभागृहात झाली. सुरुवातीच्या दोन प्रभागांची मतमोजणी सुरळीत झाली. यानंतर तिसऱ्या प्रभागाची मतमोजणी सुरू होताच प्रभाग क्रमांक ३ ‘अ’मधील राष्ट्रवादी काँग्रेस (शप)च्या उमेदवार करुणा राऊत यांचे नाव ईव्हीएममध्ये नसल्याचे दिसून आले. संपूर्ण १७ प्रभागांची मतमोजणी संपल्यानंतर या प्रभागाची मतमोजणी करण्यात आली. यात राऊत यांना ५८ मते मिळाल्याचे जाहीर करण्यात आले. राष्ट्रवादी काँग्रेस (शप)चे जिल्हाध्यक्ष तथा माजी आमदार चरण वाघमारे यांनी राज्य निवडणूक आयुक्तांकडे तक्रार करीत दोषींवर कारवाईची मागणी केली.Pune News : आंबेगाव-कात्रजमध्ये भाजपने ‘मोठा मासा’ हेरला, अजितदादांचा तीळपापड, वचपा काढण्यासाठी राष्ट्रवादीने थेट भाजपच्या…
मतमोजणीदरम्यान ही गंभीर तांत्रिक चूक निदर्शनास आल्यानंतर जिल्हा निवडणूक अधिकारी तथा जिल्हाधिकारी सावनकुमार यांनी संबंधित केंद्रातील सर्व सात अधिकारी, कर्मचाऱ्यांना तत्काळ प्रभावाने निलंबित केले आहे. निलंबन आदेशात नमूद केल्यानुसार, प्रभाग क्रमांक ३ ‘अ’ मध्ये एकूण पाच उमेदवार व एक नोटा असे सहा पर्याय असणे आवश्यक असताना मतदान यंत्र तयार करताना उमेदवार क्रमांक पाच आणि सहा (नोटा) ची नावे झाकली गेल्यामुळे प्रत्यक्ष मतदान केवळ चार उमेदवारांसाठीच उपलब्ध करून देण्यात आले. संबंधित केंद्रावरील अधिकारी, कर्मचाऱ्यांनी आपल्या कर्तव्यात कसूर केला. त्यामुळे सदर कर्मचाऱ्यांना निलंबित करण्यात आले असून त्यांच्याविरुद्ध विभागीय चौकशी सुरू करण्यात येणार आहे.
फडणवीसांनी मोहिते पाटलांचा नाद केला, पण वाया गेला, भाजपला 3 मोठे धक्के!
४० अतिरिक्त मते, उमेदवारांचा आक्षेप
दुसरीकडे, गोंदिया नगर परिषदेच्या प्रभाग क्रमांक ११ मध्ये ४० अतिरिक्त मते पडल्याची तक्रार उमेदवारी शकील मन्सुरी, श्वेता पुरोहित, अहमद मनियार यांनी निवडणूक निर्णय अधिकाऱ्यांकडे केली आहे. या प्रभागातील सहा मतदान केंद्रांवर ३ हजार ९०१ मतदान झाले होते. मतमोजणीवेळी ३ हजार ९४१ मते दिसून आली. त्यामुळे अतिरिक्त ४० मते कुठून आली, असा आक्षेप उमेदवारांनी नोंदविला आहे. परंतु, निवडणूक निर्णय अधिकाऱ्यांनी आक्षेप अमान्य करीत पराभूत उमेदवाराला विजयी केल्याचा आरोप शकील मन्सुरी यांनी केला आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा