Kushal Badrike : ‘शुटिंगदरम्यान प्रवीण तरडेंनी खरंच माझ्या कानशिलात लगावली’, कुशल बद्रिकेनं सांगितला किस्सा

कुशल बद्रिकेनं सांगितला किस्सा

मुलाखतीदरम्यान कुशल बद्रिके म्हणाला की, ‘प्रवीण तरडेनं एक टिचकी जरी मारली तरी उडून जाणारा माझा देह. त्यामुळे सिनेमात त्यांनी माझ्या कानाखाली मारणं हे विजू माने यांच्यामुळे झालंय. प्रवीण आधी खूप सावरून-सावरून कानशिलात मारण्याचा सीन शूट करत होता. पण विजू माने म्हणाले की, खरं वाटत नाहीये. ते खरं वाटायच्या नादात प्रवीणनं मला खरंच वाजवली आहे. सीन शूट करताना मला प्रवीण म्हणालेला, ‘तू काळजी नको करुस, बाजूने जाईल.’ पण, तो बाजूने नाही गेला, भाजून गेला.’ ‘इट्स मज्जा’ला दिलेल्या मुलाखतीमध्ये कुशल बद्रिके बोलत होता.

‘मामाच्या गोव्याला जाऊया’ सिनेमाबद्दल

‘मामाच्या गोव्याला जाऊया’ या सिनेमाबद्दल सांगायचं तर या सिनेमात कुशल बद्रिकेसोबत अंकुश चौधरी, अभिजित चव्हाण, संतोष जुवेकर हे अभिनेतेही मुख्य भूमिकेत आहेत. सिनेमाबद्दल बोलताना दिग्दर्शक विजू माने म्हणाले होते की, ”स्ट्रगलर साला’ सिनेमातील संत्या, बाबा आणि कुश्यावर प्रेक्षकांनी भरभरून प्रेम केलं. यावेळी त्यांच्या आयुष्यात मामा येतो आणि त्या चौघांचा प्रवास पूर्णपणे बदलून जातो. हा प्रवास जितका मजेशीर आहे तितकाच अनपेक्षितही आहे. प्रत्येक पात्राची स्वतःची एक वेगळी मजा आहे आणि प्रत्येक प्रसंग प्रेक्षकांना हसवतानाच पुढे काय होणार? याची उत्सुकता कायम ठेवतो. ही गोव्याची ट्रिप प्रेक्षकांच्या नक्कीच पसंतीस उतरेल.’
Prashant Damle On Ashok Saraf : ‘अशोक सराफ यांच्याकडून कौतुक ऐकण्यासाठी १८ सिनेमे करावे लागले’, प्रशांत दामलेंनी सांगितला किस्सा
दरम्यान, ‘मामाच्या गोव्याला जाऊया’ या सिनेमामध्ये प्रवीण तरडे, संजय जाधव, महेश मांजरेकर, मकरंद अनासपुरे, अवधूत गुप्ते, मकरंद देशपांडे आणि प्रवीण तरडे यांच्याही महत्वपूर्ण भूमिका आहेत.