Dhule Double Murder : महिलेवर जबरदस्ती करण्याचा प्रयत्न केला असता तिने आरडाओरड केल्याने भोंदूबाबाने तिचा खून केला, तर तिचा ठावठिकाणा विचारणाऱ्या तिच्या मित्राचाही जीव घेतला.
महिलेची बॉडी आणि मोबाईल
साक्री तालुक्यातील रायपूर ते वर्धाने रस्त्यालगत एका दुचाकीजवळ महिलेची बॉडी आढळली. निजामपूर पोलिसांनी घटनास्थळाची पाहणी केली असता शेजारी एक मोबाइल आढळला. या मोबाइलच्या आधारे पोलिसांनी मृत महिलेची ओळख पटविली. जयश्री रजनीकांत काकुस्ते-हिरे (रा. कासारे ता. साक्री) असे मृत महिलेचे नाव निष्पन्न झाले.
Dhule Crime : बायकोसमोर अपमान केल्याचा राग, मुलाने जन्मदात्या आई-वडिलांचा जीव घेतला, लेकीच्या लग्नाचा आनंद विरला
भोंदूबाबाकडून फसवणूक
जयश्री काकुस्ते या पूजा विधीसाठी जैताणे शिवारात गेल्याची माहिती पोलिसांना मिळाली. पोलिसांना तपासांती योगेश बापू खैरनार (रा. जैताणे) याला ताब्यात घेतले. परिसरात पूजा, विधी, अंधश्रद्धेच्या गोष्टी आणि तथाकथित धार्मिक उपायांच्या नावाखाली योगेश भोंदूगिरी करीत होता. पोलिसी खाक्या दाखवून कसून चौकशी केली असता, त्याने हत्येची कबुली दिली.
Manoj Jarange यांनी पैसे देऊन लोकं जमवलीत, अमोल खुणेंचा गौप्यस्फोट
जयश्री काकुस्ते आणि तिचा मित्र अक्षय गंगाधर सोनवणे (रा. जैताणे ता. साक्री) हे दोन्ही घरात दोष असल्याने पूजा विधीसाठी त्याच्याकडे गेल्याचे समोर आले. अक्षय हा स्थानिक ग्रामपंचायतीमध्ये शिपाई पदावर कार्यरत होता. भोंदू योगेशकडे हत्यार आढळले आहे. भोंदू योगेश गेल्या काही वर्षांपासून निरनिराळ्या पूजा विधी करून नागरिकांकडून पैसे उकळत होता, अशी माहिती समोर आली आहे.NEET Paper Leak : ज्युनिअर कॉलेज-कोचिंग क्लासचे लागेबांधे तोडा, ‘नीट’ पेपरफुटीनंतर विद्यार्थी-पालक संतप्त, पीव्ही कुलकर्णी-मोटेगावकर सरांवर गंभीर आरोप
जबरदस्ती करण्याचा प्रयत्न
जयश्री व अक्षय यांचा विधी संपल्यानंतर भोंदू योगेश हा जयश्रीला घेऊन गेला. त्याने जयश्रीवर जबरदस्ती करण्याचा प्रयत्न केला. मात्र, जयश्री यांनी जोरदार प्रतिकार करत आरडाओरडा केला. त्यामुळे योगेशने त्यांचा गळा आवळून खून केला. अक्षयने जयश्रीबाबत विचारणा केली असता, भीतीने भोंदूने अक्षयच्या डोक्यावर आणि बरगड्यांवर लोखंडी टॉमीने वार केले. यात अक्षयचा जागीच मृत्यू झाला. त्यानंतर त्याने अक्षयचंं शव जंगलातील काटेरी झुडपात फेकून तो जाळण्याचाही प्रयत्न केला.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
