टेक विश्वात खळबळ माजवण्यासाठी AI+ कंपनीचे दोन नवीन स्मार्टफोन ‘Nova 2 Neo 5G’ आणि ‘Nova 2 Pro 5G’ बाजारात येत आहेत. कंपनीने या दोन्ही अपकमिंग फोन्सची अधिकृत लॉन्च डेट जाहीर केली आहे. भारतीय ग्राहकांसाठी हे दोन्ही बजेट-फ्रेंडली 5G स्मार्टफोन फ्लिपकार्टवर विक्रीसाठी उपलब्ध केले जातील. चला तर मग याविषयीची माहिती जाणून घेऊया.
AI+ ने आपल्या दोन उत्कृष्ट स्मार्टफोन, AI+, Nova 2 Neo 5G आणि Nova 2 Pro 5G च्या लाँचिंगची तारीख जाहीर केली आहे. स्पेसिफिकेशनबद्दल बोलायचे झाले तर अपकमिंग फोनचे अनेक फीचर्स समोर आले आहेत. मात्र, या किंमतीबाबत अद्याप कोणतीही माहिती देण्यात आलेली नाही. यापूर्वी Nova 2 5G आणि Nova 2 ultra 5G लाँच करण्यात आले होते. यासोबतच फ्लिप फोन नोव्हा फ्लिप 5G चे अनावरण देखील करण्यात आले.
Nova 2 Neo आणि Nova 2 Pro 5G
कंपनीने दिलेल्या माहितीनुसार, AI+ Nova 2 Neo आणि Nova 2 Pro 5G स्मार्टफोन 22 जून रोजी सादर केले जातील. या दोघांच्या आगमनामुळे बजेट आणि मिड-रेंज सेगमेंटमधील स्पर्धा अनेक पटींनी वाढेल. यामुळे लावा, टेक्नो आणि इन्फिनिक्स सारख्या ब्रँडच्या मोबाइल फोनला जोरदार स्पर्धा मिळेल.
Nova 2 Neo चे फीचर्स
अधिकृत टीझरनुसार, Nova 2 Neo 5G 48MP कॅमेऱ्यासह आणला जाणार आहे. यात Sony IMX582 सेन्सर देखील मिळेल. यात 6000mAh ची बॅटरी असेल. हे फास्ट चार्जिंगसह सुसज्ज असेल. याचा डिस्प्ले 120 हर्ट्ज रिफ्रेश रेटसह 6.745 इंच असेल. कनेक्टिव्हिटीसाठी फोनमध्ये सिम कार्ड स्लॉट, Wi-Fi, GPS, ब्लूटूथ, USB टाइप-C-पोर्ट आणि ऑडिओ जॅक सारखे फीचर्स दिले जातील.
Nova 2 Pro चे स्पेसिफिकेशन
Nova 2 Pro बद्दल बोलायचे झाले तर, या डिव्हाइसच्या बॅक पॅनलमध्ये लाइट देण्यात आली आहे, जी गेमिंगपासून नोटिफिकेशन आणि कॉलपर्यंत चमकते. यात 6.9 इंचाचा FHD+ डिस्प्ले मिळेल. याशिवाय हँडसेटमध्ये मोठी बॅटरी, मजबूत चिपसेट आणि कॅमेरा यासारखे स्पेक्स मिळू शकतात.
किंमत किती असू शकते?
आतापर्यंत AI+ कडून Nova 2 Neo आणि Nova 2 Pro 5G च्या किंमतीबद्दल कोणतीही माहिती देण्यात आलेली नाही, परंतु लीकवर विश्वास ठेवला तर Nova Neo 5G ची किंमत 11 ते 15 हजार रुपयांच्या दरम्यान ठेवली जाऊ शकते. त्याच वेळी, Nova 2 Pro ग्राहकांसाठी 20 हजारांपेक्षा कमी किंमतीत उपलब्ध असेल.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा