Adinath Kothare And Urmila Kothare Take Divorce ; Adinath And Urmila Kothare Divorce : चर्चा खऱ्या ठरल्या; मराठी सिनेइंडस्ट्रीतील स्टार कपल आदिनाथ आणि उर्मिला कोठारे यांचा घटस्फोट

मराठी सिने इंडस्ट्रीतील स्टार कपल अभिनेता आदिनाथ कोठारे आणि अभिनेत्री उर्मिला कोठारे या दोघांच्या वैयक्तिक आयुष्याबद्दल गेल्या काही वर्षापासून चर्चा सुरू होत्या, आता या दोघांनी अधिकृतपणे घटस्फोट घेत असल्याचे जाहीर केले. सोशल मीडिया पोस्ट द्वारे त्यांनी ही वैयक्तिक आयुष्यातील मोठी अपडेट चाहत्यांसोबत शेअर केली आहे.

आदिनाथ कोठारे याने उर्मिला कोठारे सोबत संयुक्तपणे एक पोस्ट शेअर केली आहे ज्यामध्ये लिहिले आहे की, “आमचे मित्र, मीडिया आणि हितचिंतकांनो, खूप विचार केल्यानंतर, आम्ही, आदिनाथ म. कोठारे आणि ऊर्मिला कानेटकर यांनी एकमेकांच्या संमतीने आणि सामंजस्याने पती-पत्नी म्हणून वेगळे होण्याचा निर्णय घेतला आहे. जोडीदार म्हणून आमचा प्रवास इथे संपत असला, तरी आमची मुलगी जिज़ा हिच्यासाठी आम्ही नेहमी एकत्र आहोत. ती आमचं सर्वस्व आहे. तिला भरपूर प्रेम, सुरक्षितता आणि पाठिंबा मिळावा, यासाठी आम्ही आनंदाने आणि पूर्ण जबाबदारीने एकत्र येऊन तिचे संगोपन करत आहोत.

Saorabh Choughule : वरच्या लेव्हलच्या राजकरणात प्रत्येक मंत्री या पक्षातून त्या पक्षात जातो अन् कार्यकर्ता एकनिष्ठ म्हणून फक्त पाहत राहतो! सोनम वांगचुक प्रकरणी सौरभ चौघुलेची पोस्ट
आमच्या मनात एकमेकांबद्दल आणि एकत्र घालवलेल्या वर्षांबद्दल नेहमीच आदर राहील.
गेल्या काही वर्षांत मीडिया आणि तुम्हा सगळ्यांनी आम्हाला जे भरभरून प्रेम आणि साथ दिली आहे, त्यासाठी आम्ही मनापासून आभारी आहोत. आयुष्याच्या या नव्या टप्प्यावरही तुमचे हे प्रेम आणि आशीर्वाद आमच्या पाठीशी अगोच राहतील, अशी आम्हाला आशा आहे.

म्हणूनच, आमच्या या खाजगी प्रवासात मीडिया आणि जनतेने आमच्या प्रायव्हसीचा (Privacy) आदर करावा, अशी आमची नम्र विनंती आहे. या विषयावर आमचे हेच एकमेव वक्तव्य असेल आणि यापुढे आम्ही यावर कोणतीही कमेंट किंवा चर्चा करणार नाही. तुमचं प्रेम आणि समजूतदारपणाबद्दल मनापासून धन्यवाद.
आदिनाथ आणि ऊर्मिला

आदिनाथ आणि उर्मिला यांच्या घटस्फोटाबाबत माहिती मिळताच अनेकांना धक्का बसला. गेले काही दिवस हे जोडपे वेगळे राहत असल्याची चर्चा होती. आदिनाथच्या कुठल्याही सिनेमाच्या प्रमोशनला उर्मिला दिसायची नाही त्यामुळे अनेकांना त्यांच्या नात्याबाबत संशय आलेला. पण दोघांपैकी कोणाकडूनही अधिकृत माहिती समोर आली नव्हती. पण आता त्यांनी ही बाब उघडपणे जाहीर केली आहे.

उर्मिला आणि आदिनाथ यांच्या नात्याबद्दल बोलायचे झाल्यास महेश कोठारे यांच्या काही वर्षांपूर्वी गाजलेल्या शुभमंगल सावधान या सिनेमात उर्मिला प्रमुख भूमिकेत दिसली होती. तर आदिनाथ त्याच्या करिअरची सुरुवात करत होता. तो या सिनेमात महेश कोठारे यांना असिस्ट करत होता. त्यावेळेस या दोघांच्या भेटीगाठी वाढल्या आणि ते एकमेकांच्या प्रेमात पडले होते. काही काळाने त्यांनी लग्न केले. त्यांना एक मुलगी देखील झाली जिचं नाव जिजा असं ठेवले. पूर्वी बरेचदा हे जोडपे एकत्र दिसून यायचे. लेकीचा बारसा सुद्धा अगदी जंगी केला होता. पण नंतर नंतर त्यांचे एकत्र दिसणे कमी झाले त्यामुळे त्यांच्या चाहत्यांचा सुद्धा हिरमोड झाला. अशातच आता ही बातमी समोर आल्यामुळे अनेक आणि नाराजी व्यक्त केली आहे.