सोनम वांगचुक यांना राज ठाकरेंचा पाठिंबा; भाजपविरोधात मनसे मैदानात – raj thackeray stands with sonam wangchuk, slams bjp

सोनम वांगचुक यांच्या प्रकृतीविषयी मनसे अध्यक्ष राज ठाकरे यांनी चिंता व्यक्त केली आहे. वांगचुक यांच्या आमरण उपोषणाचा आज 19 वा दिवस आहे. महाराष्ट्रातूनही त्यांच्या आंदोलनाला मोठा पाठिंबा मिळत असतानाच आता स्वतः मनसे अध्यक्ष राज ठाकरे हे सुद्धा मैदानात उतरले आहेत. आम्हाला कोणी प्रश्न विचारायचे नाहीत हा एक वेगळाच माज सध्या भाजपला आलाय, असं म्हणत राज ठाकरेंनी भाजपवर जोरदार टीकास्त्र डागलंय. वांगचुक यांच्या तब्येतीची दृश्य काळजीत टाकणारी असल्याचं त्यांनी म्हटलं. सरकारने सोनम वांगचुक यांचा आणि पर्यायाने या देशातील आंदोलनाची म्हणून एक जागा आहे तिचा बळीच घ्यायचा ठरवलाय याचं प्रचंड वाईट वाटतंय, असंही राज ठाकरेंनी म्हटलं.