पावसाळा अनेकांना आवडणारा ऋतू असला, तरी या काळात घरातील दैनंदिन कामांमध्ये काही अडचणी निर्माण होतात. त्यापैकी एक महत्त्वाची अडचण म्हणजे धुतलेले कपडे लवकर न वाळणे. सतत पडणारा पाऊस, सूर्यप्रकाशाचा अभाव आणि वातावरणातील वाढलेला ओलावा यामुळे कपडे बराच वेळ ओले राहतात. त्यामुळे कपड्यांना दुर्गंधी येणे, बुरशी तयार होणे किंवा त्यांची स्वच्छता टिकवणे कठीण होते. अशा परिस्थितीत योग्य पद्धतीने कपडे वाळवणे गरजेचे ठरते. काही सोप्या टिप्स आणि घरगुती उपायांचा अवलंब केल्यास पावसाळ्यातही कपडे लवकर सुकू शकतात आणि त्यांचा ताजेपणा कायम राहू शकतो.
कपडे वेळेवर सुकले नाहीत तर त्यांना कुबट वास येऊ लागतो. एवढेच नाही तर ओलसर कपड्यांमध्ये बुरशी, जीवाणू आणि बुरशीजन्य डाग तयार होण्याचा धोका वाढतो. अशा कपड्यांचा वापर केल्यास त्वचेच्या समस्या, अॅलर्जी किंवा खाज येण्याची शक्यता देखील निर्माण होऊ शकते. त्यामुळे पावसाळ्यात कपडे धुण्याइतकेच त्यांना योग्य पद्धतीने वाळवणेही महत्त्वाचे ठरते.
अनेक जण कपडे घरातच वाळत घालतात, पण योग्य हवा न मिळाल्यामुळे ते लवकर सुकत नाहीत. काही छोट्या चुका, जसे की कपडे एकमेकांना चिकटवून टांगणे किंवा धुतल्यानंतर अतिरिक्त पाणी न काढणे, यामुळेही सुकण्यास जास्त वेळ लागतो. मात्र काही सोप्या सवयी, योग्य नियोजन आणि घरगुती उपाय अवलंबल्यास पावसाळ्यातही कपडे लवकर, स्वच्छ आणि दुर्गंधीमुक्त सुकवता येतात.(फोटो सौजन्य :- @iStock)
डीह्युमिडिफायर किंवा एअर कंडिशनरचा वापर
हवेत जास्त आर्द्रता असल्यामुळे कपडे उशिरा सुकतात. घरात डीह्युमिडिफायर असल्यास तो वापरल्याने वातावरणातील ओलावा कमी होतो. एअर कंडिशनरमधील ‘ड्राय मोड’ देखील यासाठी उपयुक्त ठरतो.
पंख्याचा वापर करा
घरात कपडे वाळत घालताना छतावरील किंवा टेबल फॅन सुरू ठेवावा. सतत वाहणाऱ्या हवेचा प्रवाह कपड्यांवरील ओलावा कमी करण्यास मदत करतो. शक्य असल्यास कपड्यांच्या दिशेने पंखा ठेवावा, त्यामुळे सुकण्याचा वेग वाढतो.
कपड्यांमध्ये योग्य अंतर ठेवा
अनेकदा जागेअभावी कपडे एकमेकांना चिकटून टांगले जातात. त्यामुळे हवा व्यवस्थित फिरत नाही आणि कपडे सुकण्यास अधिक वेळ लागतो. प्रत्येक कपड्यामध्ये थोडे अंतर ठेवल्यास हवा सर्व बाजूंनी खेळते आणि कपडे तुलनेने लवकर सुकतात.
हवेशीर जागेत कपडे वाळत घाला
पाऊस असल्यामुळे कपडे घरातच वाळत घालावे लागतात. अशावेळी खिडकीजवळ, गॅलरीत किंवा जिथे हवा चांगली खेळते अशा ठिकाणी कपडे टांगावेत. नैसर्गिक हवा मिळाल्यास कपड्यांतील ओलावा लवकर कमी होतो.
जाड आणि पातळ कपडे वेगळे धुवा
टॉवेल, जीन्स, ब्लँकेट किंवा जाड कपडे सुकण्यासाठी अधिक वेळ घेतात. हे कपडे पातळ कपड्यांपासून वेगळे धुतल्यास आणि स्वतंत्रपणे वाळत घातल्यास दोन्ही प्रकारचे कपडे अधिक चांगल्या प्रकारे सुकतात.
हँगरचा वापर करा
शर्ट, टी-शर्ट, कुर्ते किंवा ड्रेस हँगरवर टांगल्यास त्यामध्ये हवा सर्व बाजूंनी फिरते. त्यामुळे कपड्यांना घड्या पडत नाहीत आणि ते तुलनेने लवकर सुकतात. शिवाय इस्त्री करण्याचे कामही कमी होते.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
