वृत्तसंस्था / चेन्नई
तामिळनाडू सरकारच्या भरीव आर्थिक पाठिंब्यामुळे, प्रतिष्ठित ‘sंऊA 250 चेन्नई ओपन3Q टेनिस स्पर्धा या नोव्हेंबरमध्ये पुन्हा एकदा मोठ्या उत्साहात आयोजित केली जाणार आहे. यामुळे टेनिसप्रेमींना ‘हार्ड कोर्ट’वरील रोमांचक सामने पाहण्याची संधी मिळणार आहे.
तामिळनाडू सरकारने मंगळवारी या ‘डब्ल्यूटीए 250’ स्पर्धेसाठी 10 कोटी रुपयांचा निधी मंजूर केल्यामुळे, या वर्षी नोव्हेंबरमध्ये ‘चेन्नई ओपन‘चे आयोजन निश्चित झाले आहे. हा निर्णय तामिळनाडूचे मुख्यमंत्री सी. जोसेफ विजय आणि टेनिस असोसिएशन‘चे अध्यक्ष विजय अमृतराज यांची मुख्यमंत्र्यांच्या कार्यालयात झालेल्या बैठकीत घेण्यात आला.
‘चेन्नई ओपन‘साठी निधी आणि स्थळाची माहिती
चन्नई ओपन स्पर्धा आयोजित करण्यासाठी आवश्यक असलेल्या 10 कोटी रुपयांपैकी उर्वरित रक्कम आयोजक प्रायोजकत्वाच्या (स्पॉन्सरशिप) माध्यमातून उभी करतील. ही स्पर्धा 2 ते 8 नोव्हेंबर दरम्यान नुंगमबक्कम येथील टेनिस स्टेडियम‘मध्ये खेळवली जाईल. या स्पर्धेची पहिली आवृत्ती 2022 मध्ये झाली होती; त्यानंतर 2023 आणि 2024 मध्ये ती आयोजित केली गेली नव्हती. इंडोनेशियाची जॅनिस जेन ही या ‘हार्ड कोर्ट’ स्पर्धेची विद्यमान विजेती आहे.
