Supriya Sule On FCRA Bill: आमची सरकारला विनंती आहे की हे विधेयक घाईघाईत मंजूर करू नका, ते मागे घ्या. अन्यथा ते संयुक्त संसदीय समितीकडे पाठवा,’ असेही सुळे म्हणाल्या.
‘सध्या ज्या स्वरूपात हे विधेयक आहे, त्याला आमचा विरोध आहे. सरकारला आमची विनंती आहे की, हे विधेयक घाईघाईत मंजूर करू नये. ते मागे घ्यावे किंवा संयुक्त संसदीय समितीकडे पाठवावे,’ असे सुळे यांनी सांगितले. सुळे म्हणाल्या, ‘अमली पदार्थ किंवा दहशतवादाशी संबंधित पैशांवर नक्कीच कारवाई झाली पाहिजे. मात्र, परदेशातून गरीब मुलांच्या शिक्षणासाठी किंवा पोलिओ लसीकरणासाठी निधी येत असेल, तर त्याला ‘डर्टी मनी’ कसे म्हणता येईल?’ दरम्यान, राष्ट्रवादी काँग्रेस ‘शप’चे सर्व आठ खासदार राज्याच्या प्रश्नांसाठी पंतप्रधान मोदी यांची रीतसर वेळ मागून भेट घेणार असल्याचे सुळे यांनी सांगितले.
Tukaram Mundhe: आता मोर्चा मद्य, चायनीज पदार्थांकडे! ‘एफडीए’च्या पुढील कारवाईबाबत तुकाराम मुंढे यांचे सूतोवाचराज्याच्या प्रश्नांवर मोदींची भेट
एनडीएमधील सहयोगी पक्षांच्या खासदारांना पंतप्रधान मोदी यांनी नुकतीच भेट दिली. त्या पार्श्वभूमीवर पक्षाचे लोकसभेतील सर्व आठही खासदार महाराष्ट्राच्या प्रश्नांसाठी आणि विकासकामांसाठी रीतसर वेळ मागून देशाच्या पंतप्रधानांची भेट घेणार आहोत. ते केवळ एका पक्षाचे पंतप्रधान नाहीत, तर संपूर्ण देशाचे पंतप्रधान आहेत. त्यांना भेटून राज्याचे प्रश्न मांडणे हा आमचा अधिकार आहे. असेही सुळे यांनी स्पष्ट केले.
Amit Shah : अमित शाह यांचं महाराष्ट्राला गिफ्ट, राज्यात होणार राष्ट्रीय शहरी सहकारी वित्त व विकास महामंडळाचे मुख्यालयते काँग्रेसचे मत नाही …
‘उपमुख्यमंत्री सुनेत्रा पवार यांच्याबद्दल महाराष्ट्र काँग्रेसचे वक्तव्य अयोग्य होते. याबाबत मी काँग्रेस नेतृत्वाशी बोलले. त्यानंतर अर्ध्या तासातच त्यांनी भूमिका स्पष्ट केली. काँग्रेसच्या महाराष्ट्र आयटी सेलकडून हा प्रकार झाला असून ते काँग्रेसचे अधिकृत मत नाही,’ असे सुळे म्हणाल्या. ‘काँग्रेसच्या केंद्रीय नेतृत्वाने याबाबत स्पष्ट भूमिका घेतली आहे. महाराष्ट्र काँग्रेस व देशातील काँग्रेसमध्ये काही मुद्द्यांवर वेगवेगळी मते असू शकतात. मात्र, कुणाचाही अपमान होईल, असे कोणी बोलू नये. काँग्रेस नेतृत्वाने याप्रकरणी मनाचा मोठेपणा दाखवला,’ असेही सुळे यांनी नमूद केले.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
