Tax on Beer; 100 रुपयांच्या बिअर कॅनवर सरकार किती टॅक्स वसूल करते? प्रत्यक्ष किंमत आणि छुप्या कराचे गणित धक्कादायक

अनेक लोकांप्रमाणेच तुम्हीपण कदाचित या गोष्टीचा विचार केला नसेल पण, एका परदेशी कंपनीने आपल्या अहवालात उघड केलेली आकडेवारी जाणून घेतल्यावर तुमचं बिअरचं व्यसन नक्कीच नाहीसं होईल.

Stock Market Selloff: बेअर अटॅकचा तडाखा! AI ची जादू ओसरली? लक्ष्मीची पावले ​घेऊन येणारा कोरियन बाजार मंदीच्या गर्तेत; 40.47 लाख कोटी पाण्यात

100 रुपयाच्या बिअरवर किती टॅक्स लागतो ?

ॲमस्टरडॅम येथील कन्सल्टिंग फर्म – स्टीवर्ड रेडक्वीन – ने अलीकडेच एक अहवाल जारी केला ज्यामध्ये त्यांनी दावा केला की भारतातील ग्राहकांनी बिअरवर खर्च केलेल्या प्रत्येक 100 रुपयांपैकी अंदाजे 63 रुपये राज्य सरकारांच्या तिजोरीत जातात. म्हणजे समजा तुम्ही 100 रुपयांची बिअर विकत घेतली, तर त्याची खरी किंमत फक्त 37 रुपये असते आणि उर्वरित रक्कम कर म्हणून राज्य सरकारांकडे जमा होते. मात्र, या पैशांचा वापर सरकार सार्वजनिक सेवा आणि पायाभूत सुविधांच्या विकासासाठी करते.

Stock Market Crash : ट्रम्प यांच्या विधानाने बदलला बाजाराचा टोन; पत्त्यासारखा कोसळला शेअर बाजार, सेन्सेक्समध्ये 1600 अंकांची आपटी

एका कंपनीने दिला 43 हजार कोटींचा महसूल

भारतातील लोकप्रिय मद्य उत्पादन कंपनी HEINEKEN ची उपकंपनी, युनायटेड ब्रुअरीज लिमिटेडने 2024-25 या आर्थिक वर्षात भारतीय अर्थव्यवस्थेत 43000 कोटींचे योगदान दिल्याचे अहवालातून समोर आले आहे.

स्टीवर्ड रेडक्वीनच्या एका अहवालानुसार, UBL च्या भारतीय अर्थव्यवस्थेतील योगदानात संपूर्ण मूल्य साखळीत भरलेल्या 30,600 कोटींच्या टॅक्सचा समावेश आहे, जी एकूण राज्य कर महसुलाच्या 1.3% आणि GDP च्या 0.1% आहे.

Pakistan Crisis: पाकिस्तानात मृत्यूही महाग! कबर, कफन, फुला-फळांसाठी सामान्यांचा संघर्ष; महागाईच्या भस्मासुरचे पाकिस्तान थैमान!

शेतकऱ्यांनी केली 700 कोटींची कमाई

त्याचप्रमाणे आर्थिक वर्ष 2024-25 मध्ये UBL देशांतर्गत पुरवठादारांकडून 6,900 कोटींच्या वस्तू आणि सेवा खरेदी केल्या तर, यापैकी 700 कोटी कृषी क्षेत्र, म्हणजेच भारतीय शेतकऱ्यांकडून खरेदीवर खर्च केला गेला. अशाप्रकारे, देशातील शेतकऱ्यांनी शेकडो कोटींचे उत्पन्न कमावले. याव्यतिरिक्त UBL ने थेट 9,368 रोजगार निर्माण केले, ज्यापैकी 2,910 यूबीएल कर्मचारी, कंत्राटी कंपन्यांमध्ये 400 नोकऱ्या आणि 6,058 कंत्राटी कर्मचाऱ्यांचा समावेश आहे. तसेच, संपूर्ण मूल्य साखळीत 2.86 लाख अप्रत्यक्ष रोजगाराच्या संधी निर्माण झाल्या.

यूबीएल कोणकोणते ब्रँड बनवते?

यूबीएलचा ब्रँड बिअर पिणाऱ्या 100 पैकी 99 लोकांना कदाचित परिचित नसेल, पण या कंपनीचे ब्रँड इतके लोकप्रिय आहेत की केवळ नावे ऐकूनच तुम्हाला कंपनीचे मूल्य आणि भारतीय बाजारातील लोकप्रियतेचा अंदाज येईल. UBL सध्या देशातील आघाडीच्या बिअर कंपन्यांपैकी असून किंगफिशर, कल्याणी ब्लॅक, बुलेट आणि ताजमहाल यांसारख्या ब्रँड्सची विक्री करते. तसेच कंपनी देशांतर्गत बाजारात HEINEKEN, ॲमस्टेल बिअर आणि सोल यांसारखे आंतरराष्ट्रीय ब्रँड्स देखील विकते.