Sushant Singh Rajput Was Disturb After Ex Manager Disha Salian Death ; Sushant Singh Rajput : आता ते मला सोडणार नाहीत! मॅनेजर दिशा सालियनच्या मृत्यूनंतर घाबरलेला सुशांत सिंह राजपूत,सख्ख्या बहिणीचा दावा

‘सुपरटॉक्स बाय द मुव्हिंगशिप’ या युट्यूब चॅनेलशी संवाद साधताना श्वेता सिंग कीर्तीने सांगितले की, सुशांतच्या निधनानंतर तिला त्याच्या अस्तित्वाची जाणीव झाली होती. स्वप्ने आणि मेडिटेशनच्या माध्यमातून तिला कधीकधी त्याच्या अस्तित्वाची जाणीव व्हायची, असे तिने सांगितले. तसेच, सुशांतची अस्थी विसर्जनापूर्वी पटणा येथे ठेवलेल्या तेव्हा तिला एका विशिष्ट प्रकारची अनुभूती आली होती, असेही तिने सांगितले.

सुशांत सिंग राजपूत मृत्यूनंतर आपल्या बहिणीला भेटायला आला

श्वेताने सांगितले, “त्या रात्री तो माझ्याशी बोलायला आला होता. त्याने कुर्ता घातला होता. त्याने मला मिठी मारली आणि माझ्याशी तासनतास गप्पा मारल्या. मला त्याला खूप काही विचारायचे होते. मी विचारले, ‘भैया, हे का घडले?’ मी त्याला अनेक गोष्टींबद्दल विचारले आणि त्याने मला सर्व काही समजावून सांगितले. हळूहळू माझ्या मनातील गोंधळ आणि अस्वस्थता दूर होऊ लागली. शेवटी, त्याने मला मिठी मारली आणि माझ्या कपाळाचे चुंबन घेतले. मला त्याचा सुगंध, त्याचा श्वास सर्व काही जाणवत होते.”

Jui Gadkari Song video: ठरलं तर मग फेम सायलीनं गायलं ‘जैसे तू है पास मेरे’ गाणं, अभिनयासोबतच ही आवडही जपतेय जुई गडकरी; व्हिडिओ व्हायरल

सुशांतच्या मृत्यूशी संबंधित बाबींवर पुन्हा प्रश्नचिन्ह

श्वेताने सुशांतच्या मृत्यूशी संबंधित अनेक बाबींवर, विशेषतः शवविच्छेदन आणि त्याची खोली आतून बंद असणे या गोष्टींवर प्रश्न उपस्थित केले. श्वेता म्हणाली, “सहा वर्षे उलटून गेली आहेत, तरीही नक्की काय घडले हे आम्हाला अजूनही माहित नाही. शवविच्छेदनाची इतकी घाई का करण्यात आली? तो कधीच आपली खोली आतून बंद करत नसे. मग त्याची खोली त्यावेळी आतून बंद कशी होती? अनेक प्रश्नांची उत्तरे अजूनही मिळालेली नाहीत. काहीतरी चुकीचे घडले होते. काहीतरी गडबड होती.”

दिशा सालियनच्या मृत्यूनंतर सुशांत अस्वस्थ होता

श्वेताने असाही दावा केला की, आपली एक्स मॅनेजर दिशा सालियनच्या मृत्यूनंतर सुशांत सिंग राजपूत अत्यंत अस्वस्थ झाला होता. मुंबईतील एका निवासी इमारतीच्या 14 व्या मजल्यावरून पडून दिशाचा मृत्यू झाला होता. श्वेता सिंग कीर्ती म्हणाली, “दिशा सालियनच्या मृत्यूनंतर तो खूप अस्वस्थ झाला होता. तो सतत म्हणायचा की ‘ते’ त्यालाही सोडणार नाहीत. मला माहित नाही. कदाचित त्याच्याकडे अशी काही माहिती असावी जी तो उघड करणार होता. तसे काहीतरी असावे.” जेव्हा विचारले गेले की ‘ते’ सुशांतचा रोख बॉलिवूडमधील लोकांकडे होता का, तेव्हा श्वेताने उत्तर दिले, “त्याबद्दल आम्हाला काहीच माहित नाही.”

Anupama Parameswaran : कधी चांगला वागायचा तर कधी हैवान, बॉयफ्रेंडकडून शारीरिक, मानसिक छळ; लोकप्रिय अभिनेत्रीचा धक्कादायक खुलासा

‘सीबीआय हे प्रकरण दाबण्याचा प्रयत्न करत असावे’

श्वेताने असेही स्पष्ट केले की तिला आता सीबीआयकडून कोणत्याही अंतिम निष्कर्षाची गरज नाही, कारण तिला आणि तिच्या कुटुंबाला नेमके काय घडले होते हे आधीच माहित आहे. ती म्हणाली, “आम्हाला आता सीबीआयकडून कोणत्याही निष्कर्षाची अपेक्षा नाही; काय घडले होते हे आम्हाला माहित आहे. कदाचित हे प्रकरण दाबण्याचा प्रयत्न असू शकतो पण सत्य काय आहे हे आमच्या मनाला ठाऊक आहे. हे प्रकरण दाबण्याचा प्रयत्न नक्कीच झाला होता.” श्वेताने पुढे सांगितले की, आता तिला तिच्या भावाच्या मृत्यूच्या दुःखात अडकून न राहता, त्याच्या आयुष्याचा आणि त्याने मागे ठेवलेल्या वारशाच्या त्याच्या आठवणी जपत पुढे जायचे आहे.

सुशांत सिंह राजपूतचा मृत्यू आणि सीबीआयचा तपास

सुरुवातीला सुशांत सिंह राजपूतचा मृत्यू ही आत्महत्या आहे असे म्हटले गेलेले. चाहते, कुटुंबीय आणि विरोधी पक्षांकडून निर्माण झालेला प्रचंड दबाव तसेच हत्येच्या विविध शक्यतांची चर्चा यामुळे हे प्रकरण सीबीआयकडे सोपवण्यात आले. आपल्या ‘क्लोजर रिपोर्ट’मध्ये, सुशांतचा मृत्यू आत्महत्येमुळे झाल्याचा निष्कर्ष सीबीआयने काढला. या एजन्सीने 6 ऑगस्ट 2020 रोजी या प्रकरणी एफआयआर दाखल केला होता, परंतु साडेचार वर्षांनंतर अंतिम अहवाल सादर केला. या अहवालात सीबीआयने नमूद केले की, आत्महत्येस प्रवृत्त केल्याचा कोणताही पुरावा त्यांना आढळला नव्हता.