शिवसेना ठाकरे गटाचे सर्व १५ नगरसेवक पक्षासोबत ठामपणे उभे असल्याचे सांगत शिंदे गटाकडून आमिषे, दबाव आणि अफवांचे राजकारण सुरू असल्याचा आरोपही त्यांनी केला. पत्रकार परिषदेला १५ पैकी १३ नगरसेवकांनी हजेरी लावून शिंदेसेनेचा दावा खोडून काढला. ऑपरेशन टायगर अंतर्गत ‘उबाठा’चे सहा खासदार फुटल्यानंतर नाशिकमध्ये शिवसेनेकडून निवडून आलेले १५ पैकी १२ नगरसेवक शिंदेसेनेच्या संपर्कात असल्याचा दावा शिंदे गटातील काही पदाधिकाऱ्यांनी केला आहे. यावर ‘उबाठा’कडून पोरजे यांनी तातडीने पत्रकार परिषद घेऊन शिंदेसेनेच्या दाव्याचे खंडन केले. यावेळी पोरजे यांनी शिंदे गटावर जोरदार निशाणा साधला.
शिंदेसेनेकडून ऑफर, ठाकरेंच्या नगरसेवकांनी ताकद दाखवली, नाशिकमध्ये घडामोडींना वेग
अधिकाऱ्यांशी संपर्क साधूनही प्रतिसाद मिळत नाही. नगरसेवकांना त्रास देऊन पक्षांतरासाठी दबाव टाकण्याचा प्रयत्न होत आहे. नगरसेविका सीमा पवार यांनी शहरातील पावसामुळे निर्माण झालेली परिस्थिती, सिंहस्थ कामांवरील टीका आणि गोदावरी नदीच्या प्रदूषणाच्या प्रश्नावरून सरकारवर होत असलेली टीका झाकण्यासाठीच नगरसेवक फुटीच्या अफवा पसरवल्या जात असल्याचा आरोप केला. राम मंदिरातील चोरीच्या घटनेवरूनही जनतेचे लक्ष विचलित करण्यासाठी अशा चर्चा रंगविल्या जात असल्याचे नगरसेवकांनी यावेळी स्पष्ट केले.
नगरसेवकांनी निधीचे अमिष
काही मध्यस्थांमार्फत नगरसेवकांना पक्षांतरासाठी आमिषे दाखविली जात असून, दहा नगरसेवक आणल्यास उपमहापौरपद आणि विकासकामांसाठी पाच कोटी रुपयांचा निधी देण्याचे आश्वासन दिले जात असल्याचा आरोप पोरजे यांनी पत्रकार परिषदेत केला. या संपूर्ण प्रकाराची माहिती खासदार संजय राऊत यांनाही देण्यात आल्याचे त्यांनी सांगितले. योगेश गाडेकर यांनीही निवडणुकीत विविध राजकीय डावपेचांना तोंड देत जनतेने ठाकरे गटाला साथ दिल्याचे सांगितले. त्यामुळे कोणताही नगरसेवक पक्ष सोडणार नसल्याचा विश्वास त्यांनी व्यक्त केला.
Chandrashekhar Bawankule: रिंगरोड चौकशी फेऱ्यात! अलाइन्मेंट बदलप्रकरणी महसूलमंत्री चंद्रशेखर बावनकुळे यांचे आदेश
‘उबाठात काहीही घडू शकते’
उबाठा गटनेते पोरजे यांनी शिवसेनेवर केलेले आरोप हास्यास्पद आहेत, यातून त्यांच्या पक्षातील अस्वस्थता समोर येत असल्याचा पलटवार शिवसेना शिंदे गटाचे उपनेते अजय बोरस्ते यांनी केला. आमच्यावर जे आरोप केले जात आहेत ते चुकीचे आहेत. कोण एजंट आहे, कोण आमची वकिली करतो हे आम्हालाही कळू द्या, आम्ही शोध घेऊ. आम्हाला कोणत्याही एजंटची गरज नाही. एकनाथ शिंदे यांच्या कामांकडे बघून कोणीही आले तर सांगता येत नाही. आमच्यावर आरोप करून त्यांची अस्वस्थता बाहेर येत आहे. राज्यभरात प्रवेश होत आहेत, त्यात नाशिकमध्ये काही प्रवेश झाले तर आश्चर्य वाटायला नको. गोकुळ गिते यांनी यांना ‘उबाठा’ने मतदान केले ते आता शिंदेंसोबत आहेत, त्यामुळे ‘कुछ भी हो सकता है’ असेही ते म्हणाले.Suhas Kande On Bhujbal: भुजबळांच्या खात्यात घोटाळा! आमदार सुहास कांदेंचा गंभीर आरोप, विधिमंडळाच्या पायऱ्यांवर आंदोलन
तेरा नगरसेवकांची उपस्थिती
दाव्यादाखल १५ पैकी १३ नगरसेवक पोरजे यांनी माध्यमांसमोर आणत फुटीच्या चर्चेचे खंडन केले. यावेळी पक्षाचे महानगरप्रमुख तथा नगरसेवक प्रथमेश गिते यांच्यासह योगेश भोर, वैशाली दळवी, माधुरी ढेमसे, रुचिरा साळवे, वैशाली दाणी, योगेश गाडेकर, शैलेश ढगे, भारती ताजनपुरे, संजीवनी हांडोरे, प्रमिला मैंद आणि सीमा पवार हे नगरसेवक उपस्थित होते. कौटुंबिक कारणामुळे मुरलीधर भामरे, मंगला आढाव अनुपस्थित होते. मात्र, भामरे यांच्या वतीने त्यांचे चिरंजीव तेजस भामरे उपस्थित राहिल्याने शिंदेसेनेचा दावा यावेळी खोडून काढण्यात आला.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
