Pune Two Lady Police Officer Marriage in Alandi Cancelled abruptly; सुट्टी काढली, पत्रिकाही छापल्या; पुण्यातील महिला पोलिसांचा समलिंगी विवाह अचानक रद्द, ब्रेकमागील कारणांची चर्चा

एकत्र भरती आणि नियुक्तीही

पोलिस भरतीच्या काळात दोघींची ओळख झाली होती. पोलिस होण्याचे स्वप्न घेऊन पिंपरी-चिंचवडमध्ये दाखल झाल्यानंतर भरती प्रक्रियेतील सर्व टप्पे पूर्ण करुन दोघी पोलिस शिपाई म्हणून सेवेत रुजू झाल्या. प्रशिक्षणानंतर काही काळ दोघींची मुख्यालयात नियुक्ती होती. त्यानंतर शहरातील मध्यवर्ती भागातील एकाच पोलिस ठाण्यात त्यांची नियुक्ती झाली.

जवळीक अन् एकत्र राहण्याचा निर्णय

याच काळात दोघींमध्ये जवळीक निर्माण झाली आणि त्यांनी आयुष्यभर एकत्र राहण्याचा निर्णय घेतल्याची माहिती समोर आली होती. त्यांच्या नात्याला एका महिला पोलिस कर्मचाऱ्याच्या कुटुंबीयांकडून विरोध असल्याचीही चर्चा होती. कुटुंबीयांनी याबाबत पोलिस दलातील वरिष्ठ अधिकाऱ्यांकडेही धाव घेतल्याचे सांगितले जात होते.

दरम्यान, दोघींनी विवाहासाठी अधिकृतपणे सुट्टीचा अर्ज सादर केला होता. विशेष म्हणजे या अर्जासोबत लग्नपत्रिकाही जोडण्यात आली होती. त्यामुळे त्यांच्या प्रस्तावित विवाहाची पोलिस दलासह परिसरात मोठी चर्चा झाली होती.

Pune Accident : PhD करण्याचं स्वप्न अधुरं, सिंहगड रोडवर PMP बसमधून उतरताना घसरली, स्कूल बसने चिरडलं, 25 वर्षीय तरुणीचा चटका लावणारा अंत

विवाह रद्द होण्याचे कारण अस्पष्ट

आता अचानक हा विवाह रद्द झाल्याने विविध प्रश्न उपस्थित झाले आहेत. कुटुंबीयांचा विरोध, वैयक्तिक कारणे किंवा अन्य कोणते कारण यामागे आहे का, याबाबत अद्याप कोणतीही अधिकृत माहिती उपलब्ध झालेली नाही.

लिंगबदलाशी संबंधित एकीचे वैद्यकीय उपचार

दरम्यान, या दोघींपैकी एका महिला पोलिस कर्मचाऱ्याकडून लिंगबदलाशी संबंधित वैद्यकीय उपचार सुरू असल्याची माहिती यापूर्वी समोर आली होती. या पार्श्वभूमीवरही त्यांच्या प्रस्तावित विवाहाबाबत चर्चा रंगली होती. मात्र विवाह रद्द होण्याचे कारण याच्याशी संबंधित आहे का, हे अद्याप स्पष्ट झालेले नाही.

भारतामध्ये सज्ञान समलैंगिक व्यक्तींमधील परस्पर संमतीने असलेले संबंध गुन्हा मानले जात नाहीत. मात्र, समलैंगिक विवाहाला सध्या कायदेशीर विवाहाचा दर्जा मिळालेला नाही. त्यामुळे या प्रकरणाकडे पोलिस दलासह कायदेशीर आणि सामाजिक दृष्टिकोनातूनही पाहिले जात होते.

Amravati Fire : बाळ गेल्याचं आईला कुठल्या शब्दात सांगू? अमरावतीत अर्भकमृत्यू, बापाचा काळीज चिरणारा सवाल; आमचं लेकरु आहे तसं द्या, पोस्टमार्टम नको, कुटुंबांचा टाहोआता विवाहच रद्द झाल्याने त्यामागचे नेमके कारण काय, याची उत्सुकता निर्माण झाली आहे. पोलिस प्रशासन किंवा संबंधित महिला कर्मचाऱ्यांकडून अधिकृत भूमिका समोर आल्यानंतरच याबाबतचे चित्र स्पष्ट होणार आहे.