Pravin Tarde On Aadesh Bandekar : पंढरीच्या वारीत प्रवीण तरडे यांची भेट आदेश बांदेकर यांच्याशी झाली असून वारीत प्रवीण यांनी आदेश यांचं कौतुक केलं आहे.
आता आदेश बांदेकर यांनी त्यांच्या युट्युब चॅनलवर प्रवीण तरडे यांच्या भेटीचा व्हिडिओ शेअर केला आहे. आदेश बांदेकर म्हणाले की, ‘प्रवीण तरडे, या आमच्या मित्रानं इतक्या छान पद्धतीने ‘देऊळ बंद २’ हा सिनेमा साकारला. त्याच्या सिनेमानं १०० कोटींचा टप्पा पार केला. मला त्याचा खरंच खूप अभिमान आहे. सर्वात महत्त्वाचं म्हणजे, त्याच्या सिनेमाला जो काही नफा झाला तो त्याने दान केलेला आहे. हे दातृत्व आमच्या जिगरबाज मित्राकडे आहे याचा मला खरंच खूप अभिमान आहे.’
Pravin Tarde दिग्दर्शित देऊळ बंद २ ची टीम कोल्हापुरात, देवीला काय घातलं साकडं?
यावर प्रवीण तरडे म्हणतायत की, ‘खरंतर आज आदेशजी भेटणं हे मला माऊली भेटण्यासमान आहे. कारण, मी या क्षेत्रात साधारण २५-२६ वर्षांपूर्वी सुरुवात केली, त्यावेळी आदेशजींनी मला खूप साथ दिली. अक्षरश: संघर्षाच्या दिवसांत आम्ही आदेशजींच्या घरी राहिलो आहोत. आता सोहम हे सगळं वारीचं शूट करतोय. त्यावेळी सोहम अगदी लहान होता. आम्ही सरांकडे जायचो, त्यांच्याकडे राहायचो. त्यामुळे आदेशजी आज तुमच्या रुपाने मला या वारीत माऊलीच भेटलीये. ‘देऊळबंद’ सिनेमाच्या पहिल्या भागात ‘स्वामी समर्थ लय भारी’ या गाण्यात आदेशजी होते. काहीही मानधन घेतलं नाही. दिवस वाढले, तरीही शूटला आले. फक्त स्वामींच्या भक्तीपोटी, माऊली अजून काय हवं? तुमचे खूप खूप आभार.’
Dharmendra Pradhan Resignation : आता मागे हटायचं नाही! धर्मेंद्र प्रधान यांच्या राजीनाम्यानंतर मराठी कलाकार खुश, सोशल मीडियावर व्यक्त केल्या भावना
‘तुला सांगायला खूप आनंद होतोय, आषाढी एकादशी २५ जुलैला आहे आणि २६ तारखेला मी अक्कलकोटला सगळ्या माऊलींसाठी एक सेवेचा कार्यक्रम करतोय. प्रवीण, तुला खूप शुभेच्छा. मी पहिल्या ‘देऊळबंद’मध्ये होतो, दुसऱ्यामध्ये नव्हतो आता तिसऱ्यामध्ये नक्की मला घे.’ असं आदेश बांदेकर प्रवीण तरडे यांना म्हणाले. Mahesh Tilekar : अश्विनी भावेंकडून इग्नोर, एका फोनवर दाक्षिणात्य सुपरस्टारचा होकार; महेश टिळेकरांनी सांगितला प्रसंग
त्यावर लगेच प्रवीण तरडे म्हणतायत की, ‘मला खरंच आनंद होईल, पण आदेशजी खरंच बिझी होते. नाहीतर आपण एकत्र काम केलंच असतं. देहू, आळंदी करत पंढरपूरपर्यंत वारकऱ्यांबरोबर चालत यायचं आणि उद्या अक्कलकोटला सेवेचा कार्यक्रम हे खरंच खूप छान आहे. माझे आई-वडील सुद्धा दरवर्षी वारीला जातात. मी आणि पिट्या सुद्धा वारीत जमेल तसं सहभागी होतो.’
प्रवीण तरडे यांची पोस्ट
तसेच प्रवीण तरडे यांनी सोशल मीडियावर आदेश बांदेकर यांच्यासोबतचे वारीतले फोटो शेअर करत लिहिलं की, ‘वारी मध्ये सारेच माऊली… पण आदेशजींच्या अचानक झालेल्या भेटीमुळे जाहला सोहळा अनुपम्य…वारीमधील दोनचार दिवस सुध्दा वर्षभर तुम्हाला मातीशी, माणसांशी जोडून ठेवतात…राम कृष्ण हरी माऊली’
लेखकाबद्दलतेजश्री कुलयेतेजश्री कुलये महाराष्ट्र टाइम्स ऑनलाईनमध्ये गेल्या एक वर्षापासून ‘कन्सल्टन्ट’ या पदावर कार्यरत आहेत. डिजिटल पत्रकारितेची सुरुवात त्यांनी ‘महाराष्ट्र टाइम्स ऑनलाईन’ मधूनच केली. पत्रकारितेचा डिप्लोमा करत असताना त्यांना महाराष्ट्र टाइम्स ऑनलाईनमध्ये इंटर्नशिप करण्याची संधी मिळाली. इंटर्नशिप करताना बऱ्याच नव्या गोष्टी शिकायला मिळाल्या. वेब स्टोरी, फोटो गॅलरी करण्यात त्यांचा हातखंडा आहे. चार महिने इंटर्नशिप केल्यानंतर त्यांना महाराष्ट्र टाइम्स ऑनलाईनमध्येच ‘कन्सल्टन्ट’ म्हणून नेमण्यात आलं.
तेजश्री यांना मनोरंजन क्षेत्रातील घडामोडींसोबतच, चालू घडामोडी, क्राईम, राजकीय, फॅशन, या विषयांवर बातम्या लिहिण्याचा अनुभव आहे. वाचकांची दिशाभूल न करता, घडलेली घटना साध्या आणि सोप्या शब्दांत वाचकांपर्यंत कशी पोहोचेल, हाच कायम त्यांचा प्रयत्न असतो. मनोरंजन क्षेत्रातील नवनवीन बदल, गोष्टी जाणून घेण्यासाठी कायम त्यांची धडपड असते. अनेक कलाकारांच्या मुलाखती ऐकून त्याचा ‘सार’ वाचकांपर्यंत पोहोचवण्याचा त्यांचा कायम प्रयत्न असतो. मालिकांची आवड असल्यामुळे त्यातील काही रंजक गोष्टी त्या सोप्या भाषेत वाचकांपर्यंत पोहोचवतात. एखादा सिनेमा किंवा वेब सीरिजवर वाद सुरू असेल तर तेजश्री स्वतः ती कलाकृती पाहून त्यानंतरच त्या विषयावर लेखन करतात.
तेजश्री यांना शाळा शिकत असतानाच मराठी भाषेची गोडी निर्माण झाली, त्यामुळे मराठी भाषेत काहीतरी करायचं, असं त्यांनी शालेय जीवनातच ठरवलं. म्हणूनच त्यांनी ‘मराठी साहित्य’ मध्ये पदवी (BA In Marathi Literature) घेण्याचा निर्णय घेतला. मराठी भाषेचा इतिहास, साहित्यशास्त्र, भाषाविज्ञान या विषयाचा गाढा अभ्यास त्यांनी केला. महाविद्यालयाच्या मासिकासाठी त्यांनी लेखन केलं आहे. ‘मराठी साहित्यात’ पदवी घेत असतानाच नाटक, कविता, कथा, कादंबरी, या कलाकृतींची गोडी अधिकच वाढली. तेजश्री यांनी वझे केळकर महाविद्यालयातून पदवी घेतली आहे. BA In Marathi Literature मध्ये त्यांनी दुसरा क्रमांक मिळवला आहे. पदवीनंतर तेजश्री यांनी CHM महाविद्यालयातून मराठी साहित्यातच पदव्युत्तर (MA In Marathi Literature) शिक्षण घेतलं. त्यावेळीही त्यांनी नाट्यशास्त्र, साहित्यशास्त्र या विषयांचा सखोल अभ्यास केला. महाविद्यालयीन शिक्षण घेत असताना पहिली ते पाचवीच्या विद्यार्थ्यांचे क्लासेसही त्यांनी घेतले आहेत.
पदव्युत्तर शिक्षणानंतर तेजश्री यांनी मुंबई विद्यापीठाच्या गरवारे शिक्षण संस्थेतून मराठीमध्ये पत्रकारितेचा डिप्लोमा केला. पत्रकारितेच्या डिप्लोमामध्ये त्यांनी दुसरा क्रमांक पटकवला. पत्रकारितेच्या डिप्लोमानंतर तेजश्री यांचा ‘महाराष्ट्र टाइम्स ऑनलाईन’ मध्ये प्रवास सुरू झाला असून त्या रंजक आणि विश्वासार्ह माहिती वाचकांपर्यंत पोहोचवण्याचं काम करत आहेत.… आणखी वाचा
