Rutuja Patil : परीक्षेपूर्वी ऋतुजा पाटील हिला ७७ प्रश्न मिळाले होते. त्यासाठी तिच्या वडिलांनी बारा लाख रुपये मोजले होते. ऋतुजाच्या लग्नासाठी जमवलेली रक्कम त्यांनी ती औषध निरीक्षक होण्यासाठी वापरल्याचे पोलिसांनी म्हटले आहे.
या प्रकरणात दोन आरोपी फरार असून पोलिस त्यांचा शोध घेत आहे. आरोपींनी आणखी उमेदवारांना प्रश्न दिल्याचा संशय असून, या प्रकरणाची व्याप्ती वाढण्याची शक्यता पोलिसांनी व्यक्त केली आहे.
बारा लाखांना ७७ प्रश्न
अन्न आणि औषध प्रशासनातील औषध निरीक्षक, गट-ब, अन्न व औषध प्रशासन या संवर्गाची चाळणी परीक्षा २२ मार्च २०२६ रोजी एमपीएससी मार्फत घेण्यात आली. मात्र, परीक्षेपूर्वी काही दिवस आधी तज्ज्ञांनी तयार केलेल्या प्रश्नसंचातून ७७ प्रश्न प्राप्त करून त्याचा वेगळा प्रश्नसंच तयार करून तो पुढे इतर व्यक्तींना उपलब्ध करून दिल्याची माहिती लोकेश उर्फ गौरव पाटील या तरुणाने ‘एमपीएससी’ला दिली. ऋतुजाला काही प्रश्न चुकीचे सोडवण्याचाही सल्ला देण्यात आला होता, जेणेकरुन संशय येणार नाही, अशी माहिती सूत्रांनी दिली आहे.
सहा जणांना अटक
या प्रकरणात गुन्हा दाखल करून मुंबई गुन्हे शाखेच्या विशेष पथकाने तपास सुरू केला. तपासादरम्यान पुढे आलेल्या माहितीनुसार पोलिसांनी ‘एमपीएसी’चे सहायक कक्ष अधिकारी विश्वेश्वर नकाते, अवर सचिव अभिजित लेंडवे, सहायक कक्ष अधिकारी गोपाळ मराठे, नंदुरबारच्या कौटिल्य अकादमीचे संचालक प्रवीण पाटील, ज्या मुलीला प्रश्न मिळाले त्या ऋतुजा पाटीलचे वडील अमृत पाटील आणि लोकेश उर्फ गौरव राजेंद्र पाटील यांना अटक करण्यात आली असून, हे सर्व आरोपी दोन सप्टेंबरपर्यंत पोलिस कोठडी आहेत.
ऋतुजा पाटीललाही नोटीस
आरोपींच्या चौकशीत ऋतुजाचे वडील अमृत पाटील यांनी प्रश्नांसाठी बारा लाख रुपये खर्च केल्याचे सांगितले. अमृत यांनी प्रवीण पाटील याच्याकडे पैसे दिले आणि त्याने एमपीएससीच्या अधिकाऱ्यांपर्यंत पोहोचवले. दरम्यान या प्रकरणातील एक दुवा असलेला मयूर ठाकरे याचा पोलिस शोध घेत आहेत. त्याचप्रमाणे ऋतुजा हिलाही नोटीस देण्यात आल्याचे पोलिसांनी सांगितले.
जुने मोबाईल नादुरुस्त
अभिजित लेंडगे आणि प्रवीण पाटील यांना पोलिसांनी त्यांचे मोबाइल जमा करण्यास सांगितले. त्या वेळी या दोघांनी नवीन मोबाइल पोलिसांना दिले. परीक्षेपूर्वी देखील हे मोबाइल वापरत होता का? असे विचारले असता नाही असे उत्तर दोघांनी दिले. जुने मोबाइल खराब झाल्याचे कारण त्यांनी पुढे केले. इतकेच नाही तर पैशाच्या देवाणघेवाणीबाबत काहीच आठवत नसल्याचे दोघांनी सांगितल्याचे पोलिसांनी म्हटले आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
