Maharashtra Rain Update: नवी मुंबईतील कामोठे सेक्टरमध्ये सदनिकेच्या बेडरूमच्या छताचे प्लास्टर बुधवारी पहाटे कोसळून सूरज लोखंडे (४५) यांचा मृत्यू झाला. या दुर्घटनेत १४ वर्षांची मुलगी जखमी झाली.
मुंबई महानगरात दोन बळी
मंगळवारपासून सुरू झालेल्या मुसळधार पावसाने मुंबईला तडाखाचा दिला. मंगळवारी आणि बुधवारी मुंबईत अनेक ठिकाणी झाडे आणि फांद्यांची पडझड होण्याबरोबरच घरांच्या भिंती कोसळण्याच्या आणि शॉर्ट सर्किटच्याही घटना मोठ्या प्रमाणात घडल्या. मंगळवार आणि बुधवारी एकूण १३५ झाडे व फांद्या पडण्याच्या घटना घडल्या. या घटनांमध्ये काही ठिकाणी वाहनांचेही नुकसान झाले. मरोळमध्ये रस्त्यावरून जाणाऱ्या वाहनावरच झाड पडल्याची घटना बुधवारी घडली. तर प्रभादेवीतही झाड पडून वाहनांचे नुकसान झाले. वाळकेश्वरमध्ये बाल्कनीचा भाग कोसळून ५१ वर्षीय व्यक्तीचा मृत्यू झाला. संतोष भरसकर असे मृत व्यक्तीचे नाव आहे.
POP Ganesh Murti: गणेश विसर्जन गेल्यावर्षीप्रमाणेच राहावे! पीओपी मूर्तीबाबत राज्य सरकारची उच्च न्यायालयात विनंती
पाण्यातून विजेचा धक्का
नवी मुंबई : नेरुळ येथील एल. पी .ब्रिज येथून पायी चालत निघालेल्या दोन विद्यार्थिनींना पावसाच्या पाण्यात उतरलेल्या विद्युत प्रवाहाचा धक्का लागल्याने त्या जखमी झाल्या. वाहतूक पोलिसांनी व एका रिक्षाचालकाने दोघींची सुटका करून त्यांना रुग्णालयात दाखल केल्याने त्यांचे प्राण वाचले. शुभांगी सुभाष बलखंडे (वय १७, रा. गांधीनगर, तुर्भे एमआयडीसी) आणि उज्ज्वला लक्ष्मण वाघ (वय १९, रा. शिरवणे गाव, सेक्टर-१) अशी दोघींची नावे आहेत.
हिमाचलमध्ये सात बळी
नवी दिल्ली : पाऊस व त्याच्याशी संबंधित भूस्खलन, पूर आदी आपत्तींमुळे हिमाचल प्रदेशात सात जण मृत्युमुखी पडले. कर्नाटकात मंगळुरूमध्येही भूस्खलनामुळे तीन जण मृत्युमुखी पडले. उत्तर प्रदेशात वीज पडून दोघांचा मृत्यू झाला आणि चार मुलांसह आठ जण गंभीर जखमी झाले. अरुणाचल प्रदेश, आसाममध्येही पूर आला आहे. या राज्यांत आपत्कालीन व्यवस्थापन सुरू झाले आहे.
Ajinkya Naik : ना देवरा ना अहिर; 2029 मध्ये वरळीतील लोकप्रिय चेहरा दक्षिण मुंबईतून NDA चा लोकसभा उमेदवार? सोशल मीडियावर चर्चांना पेव
राज्यभरात काय स्थिती ?
कोकणात रायगड आणि पालघर जिल्ह्यात मुसळधार पाऊस सुरू असून, दुर्गम भागांत शाळांना सुट्टी जाहीर करण्यात आली आहे. छत्रपती संभाजीनगर, धाराशिवसह मराठवाड्यातील अन्य काही भागात बुधवारी पावसाने हजेरी लावली. बीडमध्ये रिमझिम, तर परभणी जिल्ह्यात हलका पाऊस झाला. नाशिक शहरात १ ते ३० जून या कालावधीत ५९.१ मिलिमीटर पावसाची नोंद झाली. बुधवारी सकाळी काही भागांत मध्यम स्वरूपाच्या सरी कोसळल्या.
धरणाचे नाव -पाणीसाठा -टक्केवारी -दिवसभरातील धरण क्षेत्रांतील पाऊस (मिमीमध्ये)
खडकवासला –०.३१ –१५.४७ –०४
पानशेत –१.८० –१६.९१ –१४
वरसगाव –१.५६ –१२.१५ –१३
टेमघर –०.०० –०.०० –१५
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
