Ajay Salame : २६ वर्षीय महिलेच्या पतीचे निधन झालं असून तिला दोन अपत्यं आहेत. दोन वर्षांपूर्वी आरोपी अजय सलामे याची पीडित महिलेशी ओळख झाली. विवाहित असतानाही त्याने महिलेला लग्नाचे आमिष दाखवत तिच्यावर वारंवार अत्याचार केल्याचा आरोप आहे.
अजय यापूर्वी एका माजी खासदाराचाही अंगरक्षक होता. या घटनेने पोलिस विभागासह राजकीय वर्तुळात खळबळ उडाली आहे.
पतीनिधनानंतर पीडितेची आरोपीशी ओळख
पोलिसांकडून प्राप्त माहितीनुसार, २६ वर्षीय महिलेच्या पतीचे निधन झाले असून, तिला दोन अपत्ये आहेत. दोन वर्षांपूर्वी अजयची पीडित महिलेशी ओळख झाली. त्यानंतर अजय तिच्या सतत संपर्कात राहू लागला. विवाहित असतानाही त्याने महिलेला लग्नाचे आमिष दाखवले आणि तिच्यावर वारंवार अत्याचार केल्याचा आरोप आहे.
लग्नाची टाळाटाळ, फोटो व्हायरल करण्याची धमकी
दरम्यान, गेल्या काही दिवसांपासून महिला त्याच्याकडे लग्नासाठी आग्रह करू लागली. मात्र, अजय लग्नास टाळाटाळ करू लागला. तीन दिवसांपूर्वी महिलेने त्याला लग्नाबाबत विचारणा केली असता, त्याने तिचे आक्षेपार्ह छायाचित्र व्हायरल करण्याची धमकी दिली. तसेच, पिस्तुलाचा धाकही दाखवला, असा आरोप महिलेने केला आहे.
Rajkumar Jaat : कपडे काढले, 51 किमी चालत राहिला, 23 वर्षीय UPSC उमेदवाराची बॉडी सापडली, कुटुंबीयांचे गंभीर आरोपपीडित महिलेने थेट पोलिस अधीक्षक हर्ष पोद्दार यांच्याकडे तक्रार केली. घटनेचे गांभीर्य लक्षात घेऊन पोद्दार यांनी सलामे याच्याविरुद्ध गुन्हा दाखल करण्याचे निर्देश दिले. त्यानंतर बुधवारी रामटेक पोलिसांकडून अजय सलामे याच्याविरुद्ध अत्याचार केल्याप्रकरणी गुन्हा दाखल करण्यात आला आहे.
गुन्हा दाखल होण्याची कुणकुण लागताच अजय पसार झाला. पोलिस त्याचा शोध घेत आहेत. या प्रकरणात एका महिलेची भूमिकाही संशयास्पद असल्याची माहिती आहे.
नितेश कराळे यांना ॲट्रॉसिटी प्रकरणात अटक
दुसरीकडे, सोशल मीडियावर एका विशिष्ट समाजाविषयी आक्षेपार्ह वक्तव्य केल्याप्रकरणी वर्धा शहर पोलिसांनी राष्ट्रवादी काँग्रेस (शप)चे कार्यकर्ते नितेश कराळे यांना अटक केली आहे. गुरुवारी पहाटेच्या सुमारास अमरावती येथून त्यांना ताब्यात घेण्यात आले. कराळे यांनी सोशल मीडियावर पोस्ट केलेल्या व्हिडीओत एका समाजाबद्दल आक्षेपार्ह वक्तव्य केल्याचा आरोप करीत काहींनी पोलिसांत तक्रार दाखल केली होती. या तक्रारीच्या आधारे कराळे यांच्याविरुद्ध अनुसूचित जाती-जमाती अत्याचार प्रतिबंधक कायद्यासह भारतीय न्याय संहितेतील विविध कलमांनुसार गुन्हा दाखल करण्यात आला. यानंतर त्यांचा शोध घेऊन पोलिसांनी त्यांना अमरावतीतून ताब्यात घेतले. न्यायालयात हजर केले असता त्यांची न्यायालयीन कोठडीत रवानगी करण्यात आली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
