Today’s Gold Silver Prices 31 August 2026: सोने आणि चांदीच्या दरांमध्ये पुन्हा एकदा हालचाल सुरू झाली आहे. गेल्या आठवड्यात सोन्याची किंमत 6,157 रुपयांनी कमी झाली तर, चांदीची चकाकी 9,893 रुपयांनी उतरली. गेल्या काही दिवसांपासून सोन्या-चांदीच्या किंमतीत तेजीचा कल पाहायला मिळत होता, पण यूएस फेड अध्यक्षांच्या विधानानंतर या तेजीला उतरती कळा लागली, ज्यामुळे पुन्हा एकदा गुंतवणूकदारांची धाकधूक वाढली आहे.
सोन्या-चांदीच्या दरांना उतरती कळा
भारतात सलग दुसऱ्या दिवशी सोन्या-चांदीचे दर घसरले. याआधी शुक्रवारी, गेल्या आठवड्याच्या शेवटच्या व्यवहार दिवशी, फेडरल रिझर्व्हचे अध्यक्ष केविन वॉर्श यांच्या भाषणानंतर सोने आणि इतर मौल्यवान धातूंमध्ये विक्रीचा दबाव वाढला. अमेरिकेतील वाढती महागाई आणि चलनविषयक धोरणावर वॉर्श यांच्या टिप्पणीमुळे सराफा बाजारात नफावसुली सुरू झाली असून सोमवारी, आठवड्याच्या पहिल्या व्यवहार दिवशी, देखील ही घसरण कायम राहिली.
सोने-चांदीचा आजचा दर काय
आंतरराष्ट्रीय बाजारातील दबावाचा मागोवा घेत सोमवार, 31 ऑगस्ट रोजी, देशांतर्गत बाजारात सलग दुसऱ्या दिवशी सोने आणि चांदीच्या किमतीवरील दबाव कायम राहिला आहे. मल्टी कमोडिटी एक्सचेंज, MCX, वर सोन्याचा वायदा भाव 1.19 टक्के किंवा 1800 रुपयांनी कमी होऊन 1.54 लाखांच्या आसपास व्यवहार करत आहे. तसेच चांदीच्या फ्युचर्स किमती 1.30% म्हणजे सुमारे 3200 रुपयांनी कमी होऊन 2.39 लाखांवर उतरल्या आहेत.
अमेरिकेत व्याजदर वाढीची शक्यता वाढली
गेल्या आठवड्यात जॅक्सन होल येथे फेडरल रिझर्व्हचे केविन वॉर्श यांनी कठोर धोरणाचे (हॉकिश) समर्थन करणारे भाषण केले, ज्यामुळे अमेरिकेत सप्टेंबरमध्ये व्याजदर वाढण्याची शक्यता वाढली. या दरम्यान, वॉर्श यांच्या भाषणानंतर स्पॉट चांदीच्या दरात 4.5% मोठी घसरण होऊन प्रति औंस 66 डॉलर्सवर उतरले.
मे महिन्यात फेडरल रिझर्व्हचे अध्यक्ष म्हणून सूत्रे हाती घेतल्यापासून आपल्या पहिल्या महत्त्वपूर्ण भाषणात वॉर्श यांनी म्हटले की, ‘महागाईत कोणतीही लक्षणीय घट झालेली नाही.’ तसेच किमतींवरील मूळ दबाव कमी होत असल्याचे स्पष्ट पुरावे धोरणकर्त्यांना दिसणे आवश्यक आहे, अन्यथा, मध्यवर्ती बँकेला अजूनही ‘काही काम करणे बाकी’ आहे असे म्हटले.
सरकारकडून मिळणार 5 लाखांचे क्रेडिट कार्ड, दैनंदिन खर्च भागवण्यासाठी शासनाची उत्तम योजनात्यांनी महागाईला 2% लक्ष्यावर परत आणण्याच्या फेडच्या प्रयत्नांचा पुनरुच्चार केला, ज्याला त्यांनी एक ‘ठोस आणि स्थिर’ ध्येय म्हटले आणि सध्याची आर्थिक परिस्थिती प्रतिबंधात्मक नाही असेही सांगितले. अशा परिस्थितीत, वॉर्श यांच्या मर्यादित संवाद धोरणामुळे बाजारांना नजीकच्या भविष्याबद्दल फारसे मार्गदर्शन मिळाले नसून या टिप्पणीनंतर त्यांच्या आर्थिक आणि धोरणात्मक दृष्टिकोनावर अधिक स्पष्टता दिसून आली.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
