गेल्या अनेक वर्षांपासून केंद्रीय सरकारी कर्मचाऱ्यांच्या बोनसची गणना 7,000 रुपये रक्कमेच्या आधारावर करण्यात येत आहे. जर रक्कम 21,000 रुपये करण्यात आली तर गणना करण्याची बेस्ड रक्कम वाढल्यामुळे कर्मचाऱ्यांना मिळणाऱ्या बोनसची रक्कमही वाढेल.
NC-JCM च्या सचिवांनी कॅबिनेट सचिवांना पाठवले पत्र
देशात सणांचा हंगाम सुरू झाला आहे. दसऱ्याचा सणही जवळ येत आहे त्यामुळे केंद्र सरकार बोनसबाबत आदेश काढण्याच्या तयारीत आहे. याची खबरदारी घेत, NC-JCM चे सचिव शिवगोपाल मिश्रा यांनी कॅबिनेट सचिवांना पत्र पाठवले आहे. या पत्रात त्यांनी बोनस गणन्याची मर्यादा रक्कम 7,000 रुपयांवरून 21,000 करण्यात यावे अशी मागणी केली आहे. संघटनेचा प्रस्ताव केंद्र सरकारकडून अद्याप मंजूर करण्यात आला नाही.
ऑल इंडिया एनपीएस एम्प्लॉईज फेडरेशनचे राष्ट्रीय अध्यक्ष मंजित सिंह पटेल यांनी या मुद्द्यावर त्यांचे मत नोंदवले आहे. त्यांचे म्हणणे आहे की, एप्रिल 2026 मध्ये केंद्र सरकारने विविध श्रेणीतील कर्मचाऱ्यांसाठी प्रतिदिन वेतन रक्कम 783 रुपये ते 1,035 रुपयांच्या दरम्यान निश्चित केले आहे. कर्मचाऱ्यांना मिळणाऱ्या या एक दिवशीय रक्कमेचा विचार केला तर बोनस रक्कम 27,694 रुपयांपर्यंत जाते.
“आधी कायदेशीर मर्यादेत वाढ मग कर्मचाऱ्यांच्या मागण्या”
11 मे 2026 रोजी झालेल्या NC-JCM च्या 49 व्या बैठकीत कर्मचाऱ्यांच्या बोनसची मर्यादा वाढवण्याची मागणी करण्यात आली होती. त्यावेळी सरकारच्या अधिकृत बाजूकडून सांगण्यात आले होते की आधी बोनसची कायदेशीर मर्यादा केंद्र सरकारकडून बदलली जाईल त्यानंतरच कर्मचाऱ्यांच्या मागणीवर विचार करता येईल.
मोदींच्या विकसित भारताच्या स्वप्नाला मोठे आव्हान! आशियातील सर्वात कमजोर चलन, आर्थिक वाढीचा वेग 8 टक्क्यांच्याही खालीश्रम मंत्रालयाने बोनससाठी पात्र वेतनमर्यादेत केली वाढ
विशेष म्हणजे श्रम मंत्रालायने वेतनमर्यादेत नुकतीच वाढ केली आहे. नव्याने निश्चित करण्यात आलेली वेतनमर्यादा 21,000 रुपये आहे. एकंदरीत, 21,000 रुपयांपर्यंत मासिक वेतन असणारे कर्मचारी बोनसला पात्र आहेत. श्रम मंत्रालयाच्या या निर्णयानंतर NC-JCM ने केंद्र सरकारला पत्र लिहून 7,000 ची बोनस गणना मर्यादा वाढवून 21,000 रुपये करण्याची मागणी केली आहे. NC-JCM ने केलेली मागणी अद्याप मंजूर नाही परंतु जर केंद्र सरकारकडून मंजूरी मिळाली तर येत्या दसऱ्यात कर्मचाऱ्यांच्या बोनसमध्ये वाढ होण्याची शक्यता आहे.
लेखकाबद्दलदिवेश चव्हाणदिवेश दिनेश चव्हाण हे मराठी पत्रकार असून ते सध्या महाराष्ट्र टाइम्स येथे कंटेंट रायटर म्हणून कार्यरत आहेत. ऑगस्ट 2026 पासून ते महाराष्ट्र टाइम्स येथे अर्थ, पर्सनल फायनान्स आणि देश-विदेशातील बातम्यांसंबंधित लेखन करत आहेत. शेअर बाजारातील घडामोडी, बँकिंग, नवे आर्थिक धोरण आणि तांत्रिक नियम अतिशय सोप्या भाषेत आणि सविस्तर पद्धतीने समजावून सांगणे हे त्यांचे वैशिष्ट्य आहे.
यापूर्वी ते नवराष्ट्र या मराठी वेबसाइटसाठी कंटेंट रायटर म्हणून काम करत होते. या काळात त्यांनी अर्थ, व्यवसाय, करिअर आणि नोकरीसह विविध क्षेत्रातील घडामोडींचे वार्तांकन केले आहे. यासोबतच काल्पनिक कथा लेखन आणि एखाद्या कथेचे स्वारस्यपूर्ण विश्लेषण करण्यातही ते पटाईत आहेत.
त्यांचे शिक्षण ठाणे येथील जोशी बेडेकर महाविद्यालयात झाले. याच ठिकाणी त्यांनी पत्रकारितेचे शिक्षण पूर्ण केले. त्यांच्याकडे मास्टर ऑफ आर्ट्स इन मल्टीमीडिया अँड मास कम्युनिकेशन ही पदव्युत्तर पदवी आहे. विविध विषयांवर अचूक आणि विश्वासार्ह बातम्या पुरवणे हा त्यांच्या लेखन, पत्रकारितेच्या माध्यमातून वाचकांना दर्जेदार माहिती देऊन त्यांना जागतिक घडामोडींविषयी जागरुक ठेवणे हा त्यांचा हेतु आहे.
जोशी बेडेकर महाविद्यालयात शिक्षण घेत असताना महाविद्यालयीन वार्षिक अंक Rta मध्ये इंग्रजी रिपोर्टींग विभागाचे हेड म्हणून त्यांनी कारोभार सांभाळला आहे.… आणखी वाचा
