Gold Silver MCX Rate Fall; फेडच्या व्याजदरवाढीच्या संकेतांनी उडवली बाजाराची झोप; मार्केट उघडताच सोने 1800 रुपयांनी स्वस्त, चांदीची चकाकी 2.40 लाखांच्या खाली

सोन्या-चांदीच्या दरांना उतरती कळा

भारतात सलग दुसऱ्या दिवशी सोन्या-चांदीचे दर घसरले. याआधी शुक्रवारी, गेल्या आठवड्याच्या शेवटच्या व्यवहार दिवशी, फेडरल रिझर्व्हचे अध्यक्ष केविन वॉर्श यांच्या भाषणानंतर सोने आणि इतर मौल्यवान धातूंमध्ये विक्रीचा दबाव वाढला. अमेरिकेतील वाढती महागाई आणि चलनविषयक धोरणावर वॉर्श यांच्या टिप्पणीमुळे सराफा बाजारात नफावसुली सुरू झाली असून सोमवारी, आठवड्याच्या पहिल्या व्यवहार दिवशी, देखील ही घसरण कायम राहिली.

Gratuity Calculator: 10 वर्षे 9 महिने नोकरी अन् 30,000 रुपये बेसिक सॅलरीवर नोकरी सोडल्यानंतर हातात येतील लाखो रुपये, असं आहे Calculation

सोने-चांदीचा आजचा दर काय

आंतरराष्ट्रीय बाजारातील दबावाचा मागोवा घेत सोमवार, 31 ऑगस्ट रोजी, देशांतर्गत बाजारात सलग दुसऱ्या दिवशी सोने आणि चांदीच्या किमतीवरील दबाव कायम राहिला आहे. मल्टी कमोडिटी एक्सचेंज, MCX, वर सोन्याचा वायदा भाव 1.19 टक्के किंवा 1800 रुपयांनी कमी होऊन 1.54 लाखांच्या आसपास व्यवहार करत आहे. तसेच चांदीच्या फ्युचर्स किमती 1.30% म्हणजे सुमारे 3200 रुपयांनी कमी होऊन 2.39 लाखांवर उतरल्या आहेत.

मोदींच्या विकसित भारताच्या स्वप्नाला मोठे आव्हान! आशियातील सर्वात कमजोर चलन, आर्थिक वाढीचा वेग 8 टक्क्यांच्याही खाली

अमेरिकेत व्याजदर वाढीची शक्यता वाढली

गेल्या आठवड्यात जॅक्सन होल येथे फेडरल रिझर्व्हचे केविन वॉर्श यांनी कठोर धोरणाचे (हॉकिश) समर्थन करणारे भाषण केले, ज्यामुळे अमेरिकेत सप्टेंबरमध्ये व्याजदर वाढण्याची शक्यता वाढली. या दरम्यान, वॉर्श यांच्या भाषणानंतर स्पॉट चांदीच्या दरात 4.5% मोठी घसरण होऊन प्रति औंस 66 डॉलर्सवर उतरले.

मे महिन्यात फेडरल रिझर्व्हचे अध्यक्ष म्हणून सूत्रे हाती घेतल्यापासून आपल्या पहिल्या महत्त्वपूर्ण भाषणात वॉर्श यांनी म्हटले की, ‘महागाईत कोणतीही लक्षणीय घट झालेली नाही.’ तसेच किमतींवरील मूळ दबाव कमी होत असल्याचे स्पष्ट पुरावे धोरणकर्त्यांना दिसणे आवश्यक आहे, अन्यथा, मध्यवर्ती बँकेला अजूनही ‘काही काम करणे बाकी’ आहे असे म्हटले.

सरकारकडून मिळणार 5 लाखांचे क्रेडिट कार्ड, दैनंदिन खर्च भागवण्यासाठी शासनाची उत्तम योजनात्यांनी महागाईला 2% लक्ष्यावर परत आणण्याच्या फेडच्या प्रयत्नांचा पुनरुच्चार केला, ज्याला त्यांनी एक ‘ठोस आणि स्थिर’ ध्येय म्हटले आणि सध्याची आर्थिक परिस्थिती प्रतिबंधात्मक नाही असेही सांगितले. अशा परिस्थितीत, वॉर्श यांच्या मर्यादित संवाद धोरणामुळे बाजारांना नजीकच्या भविष्याबद्दल फारसे मार्गदर्शन मिळाले नसून या टिप्पणीनंतर त्यांच्या आर्थिक आणि धोरणात्मक दृष्टिकोनावर अधिक स्पष्टता दिसून आली.