Dhule Crime News : धुळे जिल्ह्यात काल एक धक्कादायक घटना उघडकीस आली. या घटनेत एकजण जखमी झाला आहे. अर्ज माघारीतून धुळ्यात गोळीबार करण्यात आला. या घटनेनं संपूर्ण परिसरात एकच खळबळ उडाली आहे.
पेटलेल्या वादाचा दुपारच्या सुमारास पुन्हा भडका
राष्ट्रवादी काँग्रेसचे शहराध्यक्ष कैलास चौधरी प्रभाग 4-ड मधून उमेदवारी करीत आहेत, तर त्यांच्या मातोश्री कमल चौधरी या प्रभाग 5-क मधून निवडणुकीच्या रिंगणात आहेत. प्रभाग 5-क मध्ये भाजपच्या उमेदवार संध्या सागर कांबळे या आहेत. या दोन्ही गटांमध्ये सकाळी शाब्दिक चकमक झाली. यानंतर तेथे हाणामारीचा प्रकारही घडला. या घटनेत कैलास चौधरी हे जखमी झाले असून, त्यांना शासकीय हिरे रुग्णालयात उपचारासाठी दाखल करण्यात आले आहे. तेथे पेटलेल्या वादाचा दुपारच्या सुमारास पुन्हा भडका उडाला. 
PMPML बसमध्ये विनापरवाना शूट, कंडक्टरचे आक्षेपार्ह चित्रण, Atharva Sudame याला नोटीस, सात दिवसात कोथरुडला…
आमचे पॅनल का फोडताय?
प्रभाग 5 मधूनच उमेदवारी करत असलेले रमेश बोरसे आणि सागर कांबळे यांच्यामध्ये पुन्हा वाद झाला. आमचे पॅनल का फोडताय? असे म्हणून वादाला सुरुवात झाली. हा वाद इतका विकोपाला गेला की, एका गटाने थेट गोळीबार केला. या गोळीबारात सागर कांबळे यांचा भाऊ उमेश कांबळे यांच्या पोटाला गोळी चाटून गेली. त्यात ते जखमी झाल्याचे झाल्याने त्यांना शहरातील खासगी रुग्णालयात उपचारासाठी दाखल करण्यात आले. या घटनेमुळे परिसरात एकच धावपळ उडाली. यानंतर घटनास्थळी पोलिस दाखल झाले. पोलिसांना त्याठिकाणी तलवारी व धारदार शस्त्रे मिळून आली.Nashik News : भाजप नेत्याने बंडखोराला अर्जमाघारीला नेलं, पण पाच मिनिटांनी खेळ फिरला, प्रवेशद्वारातच काय नाट्य घडलं?
संशयितांची धरपकड
यानंतर जिल्हा पोलीस अधीक्षक श्रीकांत धीवरे, उपविभागीय पोलीस अधिकारी राजकुमार उपासे, देवपूर ठाण्याचे निरीक्षक समाधान वाघ, स्थानिक गुन्हे शाखेचे निरीक्षक श्रीराम पवार यांच्यासह मोठा फौजफाटा घटनास्थळी दाखल झाला. कांबळे दाखल असलेल्या खासगी रुग्णालयाबाहेर कांबळे समर्थकांनी गर्दी केली होती. या घटनेनंतर पोलिसांनी जखमी उमेश कांबळे याचा जवाब घेत संशयितांची धरपकड सुरू केली आहे. दरम्यान, परिसरात तणावपूर्ण शांतता असून, एकमेकांचे जाबजवाब घेऊन गुन्हा नोंद करणार असल्याचे पोलीस उपअधीक्षक अजय देवरे यांनी सांगितले.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा