Mother Excluded From Wedding: एका कर्मचाऱ्याने आई दिसायला कुरूप असल्यामुळे तिला आपल्या लग्नापासून दूर ठेवलं. हा प्रकार जेव्हा कंपनीच्या बॉसला समजला तेव्हा त्यानं या कर्मचाऱ्याला नोकरीवरून काढून टाकलं. म्हणाला, जो आपल्या आईचा आदर करत नाही तो कंपनीत नोकरी करू शकत नाही.
आईला लग्नात का बोलावलं नाही?
SCMP ने दिलेल्या वृत्तानुसार, ही घटना चीनमधील हेनान प्रांतात घडली. हेनान कुआंगशान क्रेन कंपनीचे अध्यक्ष कुई पेइजुन हे आपल्या एका कर्मचाऱ्याच्या लग्नात शुभेच्छा देण्यासाठी गेले होते.
मात्र, त्यावेळी त्यांना एक खूपच विचित्र गोष्ट दिसली. नवरदेवाची आई लग्नसमारंभात कुठेच दिसत नव्हती. तिला दूर एका कोपऱ्यात बसवण्यात आलं होतं. अर्थात, ही गोष्ट कुई पेइजुन यांना फारच विचित्र वाटली. त्यामुळे त्यांनी याबाबत नवरदेवाकडे विचारणा केली. त्यावेळी त्यानं अत्यंत धक्कादायक उत्तर दिलं. “माझी विधवा आई दिसायला फारच कुरूप आहे, त्यामुळे तिला दूर ठेवलं आहे,” असं तो म्हणाला. हे कारण ऐकून सीईओ संतापले आणि त्यांनी त्याला लगेचच नोकरीवरून काढून टाकलं. त्यानंतर त्यांनी त्या कर्मचाऱ्याच्या आईलाच आपल्या कंपनीत नोकरी दिली. “जो मुलगा आपल्या आईचा आदर करत नाही, त्याला माझ्या कंपनीत स्थान नाही,” अशी भूमिका त्यांनी घेतली.
(फोटो सौजन्य – AI25.Studio AI GENERATIVE/pexels.com)
नेटकरी काय म्हणताहेत?
हे प्रकरण सध्या सोशल मीडियावर चर्चेचा विषय ठरलं आहे. या प्रकरणावर नेटकरी संमिश्र प्रतिक्रिया देत आहेत. काहींच्या मते, कंपनीच्या अध्यक्षांनी घेतलेला निर्णय योग्य आहे. तर काहींनी या निर्णयावर नाराजी व्यक्त केली आहे. कर्मचाऱ्यांच्या वैयक्तिक आयुष्यात हस्तक्षेप करण्याचा अधिकार बॉसला नसल्याचं काही जणांचं मत आहे. असो, अध्यक्षांच्या जागी तुम्ही असता, तर कोणता निर्णय घेतला असता? तुमच्या प्रतिक्रिया आम्हाला नक्की कळवा.
(फोटो सौजन्य – Vitaly Gariev/pexels.com)
(महत्वाची टीप – या बातमीमध्ये नमूद करण्यात आलेली माहिती ही पूर्णपणे सोशल मीडियावरील पोस्टवर आधारित आहे. त्यामध्ये करण्यात आलेल्या दाव्यांची सत्यता maharashtratimes.com ने स्वतंत्रपणे पडताळून पाहिलेली नाही.)
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा
