Bhandara Crime: आंतरजातीय विवाहातून ३० वर्षीय युवकाची निर्घृणपणे हत्या केल्याची धक्कादायक घटना घडली आहे. खून मेव्हणा, सासूसह पाच जणांवर हत्येचा गुन्हा दाखल करण्यात आला आहे.
प्रकरण काय?
आकाश शालिक शेंडे (३०) रा. बेटाळा, असे मृत युवकाचे नाव आहे. आरोपींमध्ये आकाशची सासू अंजू रमेश कुंभलकर (४२), मेव्हणा चेतन रमेश कुंभलकर (२२), भारत बाळकृष्ण मोहतुरे (२६), महेंद्र बकाराम बोरकर (३१), दिनेश उर्फ सचिन मोहन ईश्वरकर (३७) सर्व रा. बेटाळा यांचा समावेश आहे.
आकाशचे गावातीलच एका तरुणीसोबत प्रेमसंबंध होते. दोघेही लग्न करणार होते. ही बाब मुलीच्या कुटुंबीयांना कळताच त्यांनी लग्नास विरोध केला. परंतु, दोघांनीही कुटुंबीयांच्या विरोधात जाऊन प्रेमविवाह केला. मुलीच्या कुटुंबीयांनी आकाशला संपविण्याचे ठरविले. मुलीची आई अंजू आणि भाऊ चेतन कुंभलकर या दोघांनी गावातील मोहतुरे, बोरकर आणि ईश्वरकर यांना सोबत घेऊन आकाशची हत्या करण्याचे ठरविले.
Crime News: ‘चित्रपट पाहताना माझ्या नाही तर त्याच्या शेजारी का बसले?’, कपडे बदलताना पत्नीने चाकू घेतला अन्…
२५ जानेवारी रोजी मोहतुरे याने आकाशला भेटण्यासाठी बाहेर बोलविले. आकाश त्याला भेटण्यासाठी घराबाहेर पडला, तो परतलाच नाही. त्यामुळे आकाशच्या कुटुंबीयांनी त्याचा शोध सुरू केला. अखेर २६ जानेवारी रोजी सकाळी ८ वाजताच्या सुमारास वैनगंगा नदीच्या काठावर आकाशचा मृतदेह आढळून आला. आकाशचा गळा आवळून खून केल्याचे प्राथमिक तपासातून स्पष्ट झाले.
Ajit Pawar Plane Crash: अजितदादांचा अपघात संशयास्पद, त्यांचं विमान जाणीवपूर्वक…; धक्कादायक घटनेनंतर वकिलाच्या आरोपाने खळबळ
घटनेची माहिती मिळताच मोहाडी पोलिसांनी तातडीने घटनास्थळ गाठून मृतदेह ताब्यात घेतला. पोलिसांनी तपासाची चक्रे वेगाने फिरवली आणि पाचही आरोपींना अटक केली. अधिक तपास पोलिस निरीक्षक सुरेंद्र बेलखेडे, पोलिस उपनिरीक्षक राहुल चौधरी करीत आहेत.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा