50 टक्क्यांहून स्वस्त झाला स्टॉक
गेल्या 22 महिन्यांत आलोक इंडस्ट्रीज लिमिटेडच्या शेअरमध्ये 50% हून अधिक घसरण झाली असून गुंतवणूकदारांचे अर्ध्याहून अधिक पैसे बुडाले. तसेच हा स्टॉक सध्या 13 रुपयांच्या खाली व्यवहार करत असून 23.50 रुपये या स्टॉकचा उच्चांक आहे.
Ancestral Property: वडिलोपार्जित संपत्तीवर कुणाचा हक्क? हक्क सोडपात्रातून लेकीचा हक्क मुलाला दिला मग, मुलगी दावा करू शकतो का? कोर्टाचा निकाल वाचा
काही काळापासून आलोक इंडस्ट्रीजचा शेअर जोरदार तेजीत होता, पण या महिन्याच्या सुरुवातीला गळती सुरू झाली. गेल्या आठवड्याच्या शेवटी, शुक्रवारी, हा छुटकू शेअर 13.18 रुपयांवर क्लोज झालेला तर, सोमवारी 13.11 रुपयांवर घसरणीसह उघडला. सुरुवातीची घसरण हळूहळू आणखी वाढली आणि दुपारी 2 वाजता 1.52% घसरणीसह 12.98 रुपयांवर खाली आला.
एका वर्षात किती घसरला
अलीकडच्या घसरणीशिवाय हा स्टॉक सहा महिन्यांत जवळपास 19 टक्क्यांनी खाली आला तर, एका वर्षात 30% पेक्षा जास्त घसरला आहे. एका वर्षापूर्वी शेअरची किंमत सुमारे 20 रुपयांवर होती, जी आता 13 रुपयांच्या खाली घसरली आहे. म्हणजे एका वर्षात या स्टॉकची किंमत जवळपास 35 टक्के घसरली आहे.Maya Tata: माया टाटा आहेत तरी कोण? नोएल टाटांची मुलगी महासाम्राज्यात मोठी जबाबदारी पेलणार, TATA ग्रुपमध्ये त्यांची चर्चा का?
इतकेच नव्हे तर, आलोक इंडस्ट्रीजचा शेअर 22 महिन्यांत 50 टक्केपेक्षा जास्त घसरला असून यामुळे गुंतवणूकदारांचे अर्ध्याहून जास्त नुकसान झाले आहे. सप्टेंबर 2024 च्या सुरुवातीला शेअरची किंमत 27 रुपयांच्या आसपास होती, तर आता 12.95 रुपयांवर व्यवहार करत आहे. म्हणजे 22 महिन्यांत शेअर 53% घरंगळला असून एखाद्या गुंतवणूकदाराने त्यावेळी या शेअरमध्ये 1 लाखाची गुंतवणूक केली असेल तर, आता त्यांची गुंतवणूक 47000 रुपयांपर्यंत घसरली असेल.Gold Price Today: तेजीनंतर सोन्याला उतरती कळा, चांदीच्या दरातही किंचित घसरण; आजचा दर पाहूनच खरेदीचा विचार करा!
आलोक इंडस्ट्रीजचा व्यवसाय काय
वस्त्रोद्योग व्यवसायात गुंतलेली या कंपनीचे 2020 मध्ये दिवाळखोरीच्या प्रक्रियेदरम्यान रिलायन्स इंडस्ट्रीज आणि जेएम फायनान्शियल असेट रिकन्स्ट्रक्शनने अधिग्रहण केले. मुकेश अंबानींच्या RIL चा आलोक इंडस्ट्रीजमध्ये 40.01% हिस्सा आहे तर, जेएम फायनान्शियल असेट रिकन्स्ट्रक्शन कंपनीच्या 34.99% हिस्सेदारीसह प्रमोटर्सचा एकूण वाटा 75 टक्के होतो आणि शिल्लक 25% वाटा सार्वजनिक भागधारकांकडे आहे. बीएसईच्या अधिकृत वेबसाइटनुसार, कंपनीचे बाजार भांडवल 6.47 कोटी रुपये आहे.
(Disclaimer: या लेखामधील शिफारसी वैयक्तिक विश्लेषक किंवा ब्रोकरेज कंपन्यांच्या आहेत, महाराष्ट्र टाइम्सच्या नाही. शेअर बाजारातील परिस्थितीत झपाट्याने बदल होऊ शकतो, त्यामुळे गुंतवणूकदारांनी कोणताही गुंतवणुकीचा निर्णय घेण्यापूर्वी प्रमाणित तज्ञांचा सल्ला घेण्याचे आम्ही सुचवतो.)
लेखकाबद्दलप्रियांका वर्तकप्रियांका वर्तक, महाराष्ट्र टाइम्स डिजिटलमध्ये प्रिन्सिपल डिजिटल कंटेंट प्रोड्युसर म्हणून कार्यरत आहे. गेल्या 9 वर्षांपासून पत्रकारीता आणि वेबसाइट मीडियामध्ये सक्रिय आहे. मी गेल्या तीन वर्षांपासून महाराष्ट्र टाइम्समध्ये काम करत आहेत आणि क्रीडा व बिझनेस क्षेत्रात कार्यरत आहे. आतापर्यंत मला फ्री प्रेस जर्नल इंग्लिश वेबसाईट आणि लेट्सली मराठी या ठिकाणी कामाचा अनुभव आहे. मी पर्यंत कंटेंट रायटर आणि डिजिटल प्रोड्युसर या पदांवर काम केले आहे. एस. के. सोमय्या कॉलेजमधून BMM चे शिक्षण पूर्ण केले त्यानंतर मुंबई विद्यापीठातून कम्युनिकेशन अँड जर्नलिज्ममध्ये मास्टर्स पदवी घेतली आहे. राष्ट्रीय तसेच आंतरराष्ट्रीय शेअर बाजारातील वेगवेगळ्या घडामोडी, क्रिकेट, टेनिस, बॅडमिंटन, लेटेस्ट ट्रेंड या घडामोडींमध्ये मला रस आहे.… आणखी वाचा
