मराठी अभिनेत्री जुई गडकरीने तिच्या यूट्यूब व्लॉगमध्ये झटपट तयार होणाऱ्या नो ऑनियन, नो गार्लिक भरली वांगीची खास रेसिपी चाहत्यांसोबत शेअर केली आहे. कमी साहित्य आणि कमी वेळात बनणारी ही पारंपरिक महाराष्ट्रीयन भाजी डब्यासाठीही उत्तम पर्याय असल्याचं तिने सांगितलं. चविष्ट आणि सात्विक असलेली ही रेसिपी सध्या चाहत्यांचे लक्ष वेधून घेत आहे.
व्हिडिओच्या सुरुवातीलाच जुई म्हणते, “आज मी पहिल्यांदाच माझ्या यूट्यूब चॅनलवर तुम्हाला माझी आवडती रेसिपी करून दाखवणार आहे. भरली वांगी मला खूप आवडतात आणि ही रेसिपी अगदी झटपट तयार होते. सकाळच्या धावपळीत डबा बनवायचा असतो, त्यामुळे मी अशाच पटकन होणाऱ्या रेसिपीज जास्त करते.” विशेष म्हणजे ही भाजी कांदा आणि लसूण न वापरता तयार केली जाते. (फोटो सौजन्य :- @Jui Gadkari)
भरली वांग्याच्या मसाल्यासाठी लागणारे साहित्य
या रेसिपीची खासियत म्हणजे त्यातील सुगंधी मसाला. जुईने घरात सहज उपलब्ध असणाऱ्या साहित्यापासून हा मसाला तयार केला आहे.
साहित्य:
लहान आकाराची वांगी
दीड वाटी ताजं खवलेलं ओलं खोबरं
३ ते ४ चमचे गोडा मसाला
घरचा मिक्स मसाला (ऐच्छिक)
शेंगदाण्याचं कूट
गूळ
हिंग
चवीनुसार मीठ
भरपूर ताजी चिरलेली कोथिंबीर
तेल
मसाला तयार करण्याची पद्धत
सर्वप्रथम एका भांड्यात ताजं खवलेलं खोबरं घ्यावं. त्यात गोडा मसाला, घरचा मिक्स मसाला, गूळ, हिंग, शेंगदाण्याचं कूट, मीठ आणि भरपूर कोथिंबीर घालावी. त्यानंतर हा मसाला हातानेच व्यवस्थित एकजीव करून घ्यावा. यावेळी जुई एक खास टिपही देते. ती म्हणते, “एखाद्या पदार्थाला हाताची चव हवी असेल तर तो हातानेच एकजीव करायला हवा.” त्यामुळे मसाला चमच्याने न मिसळता हाताने मळून घेतल्यास सर्व चव एकत्र येते.
वांग्यांमध्ये मसाला कसा भरायचा?
भरली वांगी करण्यासाठी लहान आकाराची वांगी निवडावीत. प्रत्येक वांग्याला खालीपर्यंत न कापता चार चिरा द्याव्यात. कापल्यानंतर वांगी मिठाच्या पाण्यात काही वेळ ठेवावीत. त्यामुळे त्यांचा रंग बदलत नाही आणि कडूपणाही कमी होतो.यानंतर तयार केलेला मसाला प्रत्येक वांग्याच्या चिरांमध्ये व्यवस्थित भरावा. मसाला आतपर्यंत गेला पाहिजे, त्यामुळे प्रत्येक घासात भरपूर चव मिळते.
फोडणी आणि शिजवण्याची पद्धत
एका कढईत तेल चांगलं गरम करून त्यात फक्त हिंगाची फोडणी द्यावी. त्यानंतर मसाला भरलेली वांगी अलगद कढईत ठेवावीत. उरलेला मसाला वांग्यांच्या भोवती पसरून टाकावा. त्यामुळे शिजताना मसाल्याची चव अधिक छान लागते.कढईवर झाकण ठेवून मंद आचेवर वांगी शिजू द्यावीत. साधारण पाच मिनिटांनी वांगी हलक्या हाताने परतावीत. पुन्हा झाकण ठेवून वाफेवर शिजवावीत. जुईच्या मते ही भाजी अवघ्या १५ ते २० मिनिटांत तयार होते.
जुई गडकरी भरली वांगी रेसिपी
गावठी वांग्यांची चवच वेगळी
व्हिडिओमध्ये जुईने गावठी वांग्यांचाही उल्लेख केला आहे. ती सांगते की, मुंबईत नेहमी गावठी वांगी मिळत नाहीत, त्यामुळे उपलब्ध असलेली वांगी ती वापरते. मात्र, कर्जत किंवा गावाकडे गेल्यावर मिळणाऱ्या हिरव्या गावठी वांग्यांची चव काही वेगळीच असते ती म्हणते, “गावाकडची भाजी आणि तिथली वांगी यांना एक वेगळीच चव असते. शक्य असेल तर हीच रेसिपी गावठी वांग्यांपासून करून बघा.”
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
