गर्लफेंडला ‘जाड’ म्हणून हिणवलं, ख्रिस्तियानो रोनाल्डोनं ट्रोलर्सची तोंडंच बंद केली, नेमकं काय म्हणाला?

एक ओळ, एक शब्द, एक वाक्य अनेकदा आपण बघतो सोशल मीडियावरुन महिला असोत किंवा पुरुष त्यांच्या शरीरावरुन हिणवलं जातं. परंतू याचा परिणाम समोरच्या व्यक्तीच्या जीवनावर होत असतो. त्याच्या दैनंदिन जीवनात या गोष्टीने फरक पडतो, याची जाणीव या नेटीझन्सना नसते. असाच काहीसा प्रकार आता समोर आला आहे, तो प्रसिद्ध फुटबॉलपटू ख्रिस्तियाने रोनाल्डोच्या गर्लफ्रेंडबाबत.

चर्चेमागचं नेमकं कारण काय?

होय ख्रिस्तियाने रोनाल्डोची गर्लफ्रेंड यावेळी कोणत्याही लग्झरी लाईफ, किंवा फॅशन अथवा रेड कार्पेटमुळे चर्चेत आली नाही तर ती चक्क ट्रोलमुळे चर्चेत आली आहे. तिच्या शरीरावरुन तिला कमेंट्समधून हिणवलं गेलं आहे. यॉटवर सुट्टी घालवताना रोनाल्डोची गर्लफ्रेंड जॉर्जियाना रॉड्रिग्ज हिने काही बिकिनीमधील फोटो सोशल मीडियावर शेअर केले होते. हे फोटो थोडक्या अवधीत प्रचंड व्हायरल झाले. या सर्व फोटोंमध्ये नेटकऱ्यांचे लक्ष जॉर्जियानाच्या शरीरावर गेले. यावरुनच त्यांनी तिला जाडी म्हणतं हिणवलं. त्याशिवाय काहींनी तिला तुझं सौंदर्य आता संपलं आहे, असंही म्हटलं. दरम्यान, जॉर्जियाना रॉड्रिग्जला यापूर्वीही अशा प्रकारे ट्रोल केलं गेलं, पण यावेळी ती याबद्दल शांत नाही राहिली.

Ishan Kishan News : क्रिकेटर इशान किशन RBI बँकेत मोठ्या पदावर कार्यरत; सरकारी नोकरीची स्टोरी अन् पगाराचा आकडा माहितीये का?

जॉर्जियाना रॉड्रिग्ज या ट्रोलिंगवर बोलताना म्हणाली की, मला सर्वात जास्त वाईट याचं वाटलं की लोक मला आता जाड म्हणत आहेत. यावेळी तिने कबूल केले की, सौंदर्यांवरच कारकिर्द उभी राहते तेव्हा अशा प्रकारे कमेंट्स येणं साहजिक आहे, पण तरीही अशा प्रकारच्या कमेंट्समुळे त्रास होत आहे.

दरम्यान, अशा प्रकारे गोष्टी स्वीकारणं हे अजिबात सोपं नसतं, पण जॉर्जियानानं हे मान्य केलं. कारण की सोशल मीडियावर स्टार्स अनेकदा आपणच खरे असे दाखवण्याचा प्रयत्नात असतात. पण जॉर्जियानाने तिचे मत स्पष्टपणे जगासमोर मांडले.

ख्रिस्तियाने रोनाल्डोने काय म्हटलं?

स्वतःला होणाऱ्या त्रासाबद्दल पार्टनर रोनाल्डोला तिने सांगितलं की, “लोक मला जाड म्हणत आहेत. मला भीती वाटत आहे, कारण माझे करिअर-आयुष्य हे माझ्या दिसण्यावरच अवलंबून आहे.” त्यानंतर रोनाल्डेने दिलेल्या उत्तराने सर्वांचे मन जिंकले आहे. तो म्हणाला की, तूझी केवळ फोटोमुळे ओळख नाही तर तुझ्या व्यक्तीमत्त्वामुळे आहे. तू एक अद्भूत स्त्री, आई, यशस्वी व्यक्ती, चांगली व्यक्ती आहेस , तुला प्रेमाने आयुष्य जगता येते. यापेक्षा आणखी काय हवं.”

दरम्यान, जॉर्जियाना रॉड्रिग्जने या पोस्टमध्ये सांगितलं की प्रत्येक उन्हाळ्यामध्ये तिचे असे फोटो व्हायरल होतात आणि लोक तिला ट्रोल करतात. तिने या पोस्टमध्ये काही प्रश्नही उपस्थित केले आहेत. ती म्हणाली की, “योग्य शरीर नेमकं कसं असणार? आणि हे नेमकं कोण ठरवतं? जीवन जगताना आनंदाचा उपभोग घेताना काही प्रमाणं ठरवायचं असतं का?”

जिममध्ये गेल्याने मानसिक शांतता मिळते..

तिने सांगितलं की, ती जिममध्ये वजन कमी करण्यासाठी जात नाही. तर तिथे तिला मानसिक शांतता मिळते. एक शिस्त, ऊर्जा आणि स्वत:वर प्रेम करण्याचा जिम हा एक मार्ग आहे. मला याच शरीराने मातृत्वाचा आनंद दिला आहे. माझ्या शरीराच्या ठेवणीवर मला प्रेम आहे. हेच शरीर मला खचल्यानंतर पुन्हा उर्जेने उभा राहायला शिकवतं, ते कसेही असले तरीही त्याचा आदर झाला पाहिजे. त्याला प्रेम मिळालं पाहिजे, असं जॉर्जियाना रॉड्रिग्जने म्हटलं आहे.

दोन मुलींची आई असलेल्या जॉर्जिनाने शेवटी लिहिले की, “तिच्या मुलींनी कधीही असे समजू नये की त्यांचे मूल्य त्यांच्या शरीरावरून ठरते. एखाद्या व्यक्तीची किमंत अन् ओळख ही तिच्या चारित्र्यामध्ये, मूल्यांमध्ये आणि स्वभावामध्ये असते, ना की तिच्या वजनावर किंवा जाडपणावर.”