IND vs SL Test Turnig Point : भारत आणि श्रीलंका दुसरा कसोटी सामना अनिर्णित राहिला. भारताच्या हातात हा सामना होता, मात्र श्रीलंका संघाचा एकटा खेळाडू खेळपट्टीवर टिकून राहिला आणि त्याने गेम फिरवला, कोण आहे तो खेळाडू ? जाणून घ्या.
काही वर्षांपासून तळाचे फलंदाज भारतास सतावत आहेत. हेच या कसोटीतही घडले.सोनल दिनुशाने या मालिकेतील चारपैकी तीन डावांत शतक केले, त्याचे ‘स्वीप’ ही भारतास रोखता आले नाही. त्याने आणि तळाच्या फलंदाजांनी दिलेला फटका भारतास दीर्घकाळ भोवणार आहे. भारताची या कसोटीतही मदार फिरकी गोलंदाजांवर होती; मात्र दिनुशाने त्यांच्याविरुद्ध ‘स्वीप’चा सहज वापर केला. दिनुशाने त्याच्या मर्यादा जाणून फलंदाजी केली; मात्र त्याला चुकीचा फटका खेळण्याच्या मोहात पाडण्यात भारतीय गोलंदाज अपयशी ठरले.
Sonal Dinusha IND vs SL : टीम इंडियाला विजयापासून रोखलं, पण सामन्यानंतरच्या वक्तव्याने भारतीयांचं मन जिंकलं! दिनुशा नेमकं काय म्हणाला?
भारतीयांनीविकेटसाठी प्रयत्न केले; पण त्यात सातत्य नव्हते. उपाहारापूर्वी भारतीयांना एकही विकेट मिळाली नाही. मानव सुतारच्या फिरकी घेतलेल्या, तसेच अचानक उसळलेल्या चेंडूवर नुवांता चकला. तीन विकेट शिल्लक असताना श्रीलंकेची आघाडी अवधी ११७धावांची होती; मात्र श्रीलंकेच्या तळाच्या फलंदाजांनी झुंज कायम ठेवली. पहिल्या डावात फॉलोऑन श्रीलंका टाळणार असे वाटत असतानाच कुमारा बाद झाला होता; मात्र त्याने ही चूक दुसऱ्या डावात टाळली. त्याने केवळ १२ धावा केल्या; पण तो दोन तास खेळपट्टीवर होता. ‘बूट मार्क’ मुळे जाडेजाचा चेंडू भेदक झाला, त्यावरच कुमारा चुकला; मात्र तोपर्यंत श्रीलंकेने पराभव टाळला होता. त्यानंतर भारतीयांनी बदली गोलंदाजांकडे चेंडू सोपवून विजयाची संधी दुरावली असल्याचे स्वीकारले.
Devdutt Padikkal : नंबर-3 असो वा कुठलीही जागा, देशासाठी खेळणं महत्त्वाचं; देवदत्त पडिक्कल मालिकावीर पुरस्कारानंतर बोलताना काय म्हणाला?
सुतार, जाडेजा आणि सारांश जैन यांनी दुसऱ्या डावात किमान ३५ षटके मारा केला. त्यांचे चेंडू क्वचितच वळले. त्यात भेदकतेचाही अभाव होता. काही चेंडूंनीच फलंदाजांची परीक्षा पाहिली. या दरम्यानचे चेंडू फलंदाजांच्या अपेक्षेनुसारच होते. वेगवान गोलंदाजांशी खेळपट्टी फटकून वागली. सिराजने त्याही परिस्थितीत दिनुशावर आखूड टप्प्याचे चेंडू टाकले. त्यावर दिनुशा पूर्ण नियंत्रण राखू शकला नाही; मात्र तो डगमगला नाही.
श्रीलंकेचा सुपरमॅन
श्रीलंकेसाठी जणू सुपरमॅन झालेल्या या डावखुऱ्या फलंदाजाने ४२० मिनिटांत २६४ चेंडू खेळून काढले. या मालिकेतील दोन कसोर्टीत त्याने ११३९ मिनिटे फलंदाजी केली; तसेच ७२२ चेंडू खेळले. त्याच्या या खेळीमुळे श्रीलंकेला त्यांचा दुसरा डाव घोषित करता आला, पाचव्या दिवशी सकाळी ताठ मानेने मैदानात प्रवेश केलेला भारतीय संघ संध्याकाळी निराश होता.
भारताचा मार्ग अवघड
श्रीलंकेविरुद्धच्या क्रिकेट कसोटी मालिकेत २-० असे धवल यश मिळवून जागतिक कसोटी क्रमवारीत बांगलादेशला मागे टाकण्याची भारतास संधी होती; मात्र मालिकेतील दुसऱ्या कसोटीत भारतास बाराऐवजी चार गुणांवरच समाधान मानावे लागले. या गमावलेल्या आठ गुणांमुळे भारताचा जागतिक कसोटी विजेतेपद लढतींसाठी पात्र ठरण्याचा मार्ग खूपच खडतर झाला आहे. पहिली कसोटी १६५ धावांनी जिंकलेल्या भारतास दुसऱ्या कसोटीतही विजयाची संधी होती. विजयाने गुण दुरावल्याने भारत जागतिक कसोटी क्रमवारीत पाचव्या स्थानावर कायम राहिला.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाइनमध्ये एक्झिक्युटिव्ह कंटेंट प्रॉड्युसर म्हणून कार्यरत आहेत. ते २०२४ पासून मटा ऑनलाइनसोबत जोडले गेले आहेत. गेली सात वर्षे ते विविध मीडिया समूहांमध्ये काम करत आहेत. त्यांना स्पोर्ट्स, क्राइम आणि राजकीय बातम्यांमध्ये विशेष रुची आहे.
पत्रकारितेमधील अनुभव
पुण्यात पत्रकारितेचे शिक्षण घेत असताना झी २४ तास आणि सकाळ या माध्यम समूहांमध्ये इंटर्नशीप केली होती. त्यानंतर मास मीडियाच्या शेवटच्या वर्षाला असताना ‘थोडक्यात’ या वेब पोर्टलमध्ये इंटर्न म्हणून काम केले आहे. त्यानंतर थोडक्यात मध्येच नोकरीची संधी मिळाली, तिथेच काही दिवसांनी शिफ्ट इंचार्ज म्हणून जबाबादारी सांभाळली. यादरम्यान लोकसभा आणि विधानसभा २०१९ निवडणुकांचे टेक्स्ट बातम्यांमधून वार्तांकन केले. मराठी चित्रपटसृष्टीतील ‘श्रीराम समर्थ’ या चित्रपटातील संत रामदासांची भूमिका साकारणारे मराठी अभिनेते शंतून मोघे यांची छोटेखानी मुलाखत घेतली. (लिंक : https://youtu.be/-wsyyekJ-DE?si=SaJ_OC9nUgLFmKXK)
‘थोडक्यात’ नंतर सकाळ डीजिटलमध्ये सोशल मीडिया एक्सेक्युटिव्ह म्हणून काम पाहिले आहे, त्यावेळी टी-२० वर्ल्ड कपचे लाईव्ह करत क्रीडाप्रेमींना माहिती दिली. त्यानंतर ‘पोलीसनामा’मध्ये काम करत असताना सीडीआर वाचून समजून घेत अनेक स्टोरी साध्या आणि सोप्या शब्दात बातमी लेखन केले. यादरम्यान कॉलेज पूर्ण झाल्यावर झी २४ तासमध्ये संधी मिळाली, मुंबईत झी २४ तासमध्ये महाराष्ट्र केसरी कु्स्ती स्पर्धेवर विशेष स्टोरी केल्या आहेत. टीव्ही९ मराठीमध्ये Sub-Editor, Social Media Executive म्हणून काम पाहिले आहे. त्यानंतर २०२४ मध्ये महाराष्ट्र टाइम्स ऑनलाइनमध्ये जॉइन झाले.
महाराष्ट्र टाइम्स ऑनलाइनमध्ये महाराष्ट्र, क्राइम आणि स्पोर्ट्स या तिन्ही सेक्शनमध्ये ट्रेंडनुसार बातमी लेखन करतात. आता पार पडलेल्या विधानसभा निवडणूक आणि निकालांचे कव्हरेज बातम्यांच्या माध्यमातून केले. महापालिका निवडणुकांमध्ये मुंबई, पुणे आणि पिंपरी चिंचवड आणि कोल्हापूर या महत्त्वाच्या जिल्ह्यांचे स्थानिक पातळीवर भागानुसार सविस्तर वार्तांकन केले आहे. महापालिका निवडणुकीमध्ये सायली वांजळे यांची मुलाखत घेतली होती. लिंक: https://youtu.be/Wejw-eMnXqI?si=jyeD36tRboIc9bpJ. त्यासोबतच आता टी-२० वर्ल्ड कप २०२६ चे कव्हरेज पाहत आहेत.
शैक्षणिक पात्रता
हरीश मालुसरे यांचे पदवीपर्यंतचे शिक्षण पुणे जिल्ह्यातील नामांकित आबासाहेब गरवारे महाविद्यालयातून झाले आहे. तिथूनच 2022 साली एम. ए. जर्नलिझम आणि मास कम्युनिकेशनचे शिक्षण पूर्ण केले. त्यांचे मराठी हिंदी आणि इंग्रजी भाषेवर प्रभुत्व असून डिजिटल पत्रकारितेतील सातहून अधिक वर्षांचा अनुभव आहे.… आणखी वाचा
