रोहित कारकिर्दीचा शेवट शतकाने करेल, सगळ्यांना सडेतोड उत्तर देईल; रिटायरमेंटच्या चर्चांमध्ये कोणी केला दावा?

लॉर्ड्सवर रोहितच्या बॅटमधून शतक निघणार!

या सर्व निवृत्तीच्या वादाच्या पार्श्वभूमीवर रोहित शर्माचा जुना मित्र आणि भारताचा माजी यष्टिरक्षक पार्थिव पटेल त्याच्या समर्थनासाठी पुढे आला आहे. पार्थिवने रोहितबाबत एक मोठा दावा केला आहे. पार्थिव पटेलने एका मुलाखतीत सांगितले की, जर लॉर्ड्सचा हा सामना रोहितचा शेवटचा सामना ठरला, तर तो आपल्या बॅटने टीकाकारांची तोंडे बंद करेल. जर लॉर्ड्स वनडे खरोखरच त्याच्या कारकिर्दीतील शेवटची मॅच असेल, तर रोहित शर्मा एका शानदार शतकासह निरोप घेऊ इच्छितो आणि तो असे करण्यास पूर्णपणे सक्षम आहे.

सर गॅरी सोबर्स यांच्या एक्झिटने क्रिकेट विश्व पोरकं! किंग कोहली आणि मास्टर ब्लास्टर सचिन भावुक, जुन्या आठवणींना दिला उजाळा

टीकाकारांना बॅटने उत्तर देणार

पार्थिवने विराट कोहली आणि रोहित शर्माच्या फलंदाजीच्या शैलीची तुलना करताना एक महत्त्वाचा मुद्दा मांडला. रोहित कदाचित प्रत्येक सामन्यात धावा करणार नाही, पण जेव्हा त्याची बॅट चालते, तेव्हा तो खूप मोठी आणि मॅचविनिंग इनिंग खेळतो. कार्डिफमधील दुसऱ्या वनडेत रोहितने २६ धावा केल्या होत्या आणि खेळपट्टीवर तो चांगल्या लयीत दिसला नव्हता. यावर पार्थिव म्हणाला की, रोहितसाठी टीकाकारांना शांत करण्याची ही एक उत्तम संधी आहे. यापूर्वीही त्याने अनेकदा आपल्या बॅटनेच मैदानातून चोख उत्तर दिले आहे.

IND vs ENG 3rd ODI : आता हे काय! विराट कोहली टीमला सोडून चारचाकीने कुठे गेला, Video होतोय व्हायरल

रोहित शर्मा निवृत्ती घेत नाहीये

दुसरीकडे, बीसीसीआयचे सचिव देवजीत सैकिया यांनी रोहित शर्माच्या निवृत्तीच्या अफवा पूर्णपणे फेटाळून लावल्या आहेत. माध्यमांमध्ये रोहितच्या भविष्याबाबत सुरू असलेल्या सर्व चर्चा निराधार असल्याचे त्यांनी स्पष्ट केले. लॉर्ड्सवर होणारा तिसरा सामना रोहितचा शेवटचा सामना असेल, अशी कोणतीही चर्चा बोर्ड किंवा निवड समितीमध्ये झालेली नाही. रोहित भारतीय संघाचा अत्यंत महत्त्वाचा खेळाडू असून तो पूर्ण वचनबद्धतेने देशासाठी खेळत राहील, असे सांगत त्यांनी चाहत्यांना दिलासा दिला आहे.