Groom Dies Two Days Before Wedding: बोहल्यावर चढण्यापूर्वीच भंडाऱ्यातील नवरदेवाचा अपघाती मृत्यू झाल्याची दुर्दैवी घटना घडली आहे. या घटनेनं कुटुंबावर दु:खाचा डोंगर कोसळला आहे.
नेमकं काय घडलं?
कवडसी फाट्यावर गुरुवारी रात्री राष्ट्रीय महामार्ग ओलांडत असताना दुर्गेशला भंडाराकडून नागपूरकडे जाणाऱ्या भरधाव ट्रकने (एम. एच.१४ एल. एक्स.४२१९ (MH14 LX 4219)) त्याला धडक दिली. अपघात इतका भीषण होता की, दुर्गेशच्या डोक्याला गंभीर दुखापत झाली. यातच त्याचा जागेवरच मृत्यू झाला. दुर्गेशचा गावातीलच युवतीशी ११ जानेवारीला विवाह होणार होता. घरात लग्नाची तयारी सुरू असताना पिपरी पुनर्वसनजवळील कवडसी फाट्यावर ते कामानिमित्त गेले होते. नियतीच्या मनात काही वेगळं होतं. संसार थाटायच्या आधीच तरुणाने जीव गमावला. दुर्गेशच्या मृत्यू झाल्याने लांजेवार कुटुंबावर संकट कोसळले आहे.
Nashik News: जीवघेण्या थंडीचा पहिला बळी; निफाडमध्ये कडाक्याच्या थंडीने 22 वर्षीय तरुणाचा मृत्यू, परिसरात हळहळ
वर-वधू दोघेही एकाच गावातले असल्याने गावातही उत्साहाचे वातावरण होते. पण हे सुखाचे क्षण दु:खात बदलले. शुक्रवारी त्यांच्या पार्थिवावर अंत्यसंस्कार करण्यात आले. घरात शुभकार्य अन् त्यात असं घडल्याने परिसरात हळहळ व्यक्त केली जात आहे. जवाहरनगर पोलिसांनी ट्रकचालकाला ताब्यात घेतले आहे. पुढील तपास पोलीस उपनिरीक्षक भिमाजी पाटील करीत आहेत.
Nashik Crime: नाशिकमध्ये 24 लाखांचे ड्रग्ज जप्त; लष्करात पुरवठा केल्याचा संशय, तिघे अटकेत
सहप्रवासी महिलेचा मृत्यू
तर दुसऱ्या एका घटनेत, भरधाव जीपच्या धडकेत दुचाकीवरील सहप्रवासी महिलेचा मृत्यू झाल्याची घटना नरवीर तानाजी मालुसरे रस्त्यावरील (सिंहगड रस्ता) वडगाव बुद्रुक परिसरात बुधवारी सायंकाळी घडली. या अपघातात दुचाकीस्वार महिला गंभीर जखमी झाली असून, पोलिसांनी जीपचालकाला अटक केली आहे. प्रतिभा दत्तात्रय घडशी असे मृत महिलेचे नाव आहे. अपघातात दुचाकीस्वार मंगला अशोक काकडे गंभीर जखमी झाल्या. या प्रकरणी जीपचालक राजकुमार ज्ञानेबा राजपंगे याला अटक करण्यात आली आहे. काकडे यांनी सिंहगड रस्ता पोलिस ठाण्यात तक्रार दिली. अपघातानंतर चालकाचे नियंत्रण सुटल्याने जीप आणखी दोन दुचाकींना धडकली.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा