Chandrapur Politics: काँग्रेस नेत्याच्या मदतीने सत्ता; चंद्रपूर मनपात विजयानंतर सुधीर मुनगंटीवारांचा मोठा गौप्यस्फोट

चंद्रपुरात सत्ता स्थापनेनंतर ‘किंगमेकर’ म्हणून मुनगंटीवार यांची चर्चा होऊ लागली आहे. शहरात तशा आशयाचे बॅनरही झळकले. हे सारे घडत असतानाच त्यांनी नागपुरात पत्रकारांशी संवाद साधला. ते म्हणाले, ‘चंद्रपूर महापालिकेत सर्वाधिक २७ जागा जिंकत काँग्रेस सर्वांत मोठा पक्ष ठरला. पण, त्यांना सत्तेचे गणित जुळविता आले नाही. मंगळवारी शेवटच्या क्षणी भाजपच्या संगीता खांडेकर यांनी अटीतटीच्या लढतीत अवघ्या एका मताच्या फरकाने महापौरपदाची निवडणूक जिंकली. उपमहापौरपदी शिवसेना (उबाठा) ला पाठिंबा देणारे अपक्ष उमेदवार प्रशांत दानव हे ईश्वरचिठ्ठीने विजयी झाले. मुळात काँग्रेस आणि भाजप अशा दोन्ही पक्षांना बहुमत नव्हते. पण, आलेल्या संधीचे आम्ही सोने केले.

Rajendra Janjal : संजय शिरसाटांना लेकीला उपमहापौर करायचं होतं, म्हणून मला विरोध; शिवसेना नेत्याचा गंभीर आरोप
राहुल पुगलिया हे काँग्रेस पक्षाचे असले तरी त्यांनी आम्हाला मदत केली. त्यांनी पहिली बैठक त्यांच्याच घरी घडवून आणली होती. त्यातून एक चांगले वातावरण चंद्रपूर महानगरात तयार झाले. आमचे कुटुंब हे इतक्या वर्षांपासून काँग्रेसचे असले, तरी चंद्रपूरमध्ये अपेक्षित विकास तुम्हीच करू शकाल हा विश्वास आम्हाला आहे. आमचे हृदय काँग्रेसचेच आहे. पण, महापौरपदासाठी आम्ही तुम्हाला मदत करू असे पुगलिया यांनी सांगितले होते,’ असा दावाही मुनगंटीवार यांनी केला. शिवसेना (उबाठा)चे जिल्हाप्रमुख संदीप गिऱ्हे, अपक्ष उमेदवार नंदू नागरकर, प्रशांत दानव यांच्यासोबत पुगलियांचेही त्यांनी आभार मानले.

Eknath Khadse : सावदा पोलीस ठाण्यात खडसे आणि पोलीस अधिकाऱ्यात वाद? शिवीगाळ केल्याचा आरोप, एकनाथ खडसेंवर गुन्हा दाखल
आमदार किशोर जोरगेवार यांचा मुनगंटीवारांना टोला
‘चंद्रपूर मनपात भाजपने बाजी मारल्याचे श्रेय घेण्याचा प्रयत्न माझ्याकडून कधीच झाला नाही. उलट त्यांच्याकडूनच झाला,’ असा टोला आमदार किशोर जोरगेवार यांनी आमदार सुधीर मुनगंटीवार यांना लगावला आहे. चंद्रपूर महापालिका निवडणुकीची जबाबदारी भाजपमधून सुधीर मुनगंटीवार आणि किशोर जोरगेवार या दोन आमदारांना देण्यात आली होती. कमी संख्याबळ असतानाही राजकीय डावपेचाच्या आधारावर सत्ता स्थापन केली.

आमदार मुनगंटीवार यांना ‘किंगमेकर’ म्हणून संबोधले जाऊ लागले आहे. यानंतर जोरगेवार यांनी पत्रकारांशी संवाद साधत आपली भूमिका मांडली. ते म्हणाले, संख्याबळ जुळवाजुळवा करण्यासाठी मी प्रयत्न केला. त्यासाठी व्हीप काढल्याचेही त्यांनी नमूद केले. एका क्षणी काँग्रेसचे विधिमंडळातील पक्षनेते विजय वडेट्टीवार हे शिवसेना (उबाठा)ला महापौरपद देण्यास तयार झाले होते. मात्र काँग्रेसच्या काही नेत्यांना सांगितल्यावर वरिष्ठ पातळीवरून असे न करण्याविषयी सांगितले गेले. तेव्हा वडेट्टीवार हे बॅकफूटवर गेल्याचेही आमदार जोरगेवार म्हणाले.

Chandrapur Mayor Election : ठाकरेंची साथ, भाजपची ‘सायलेंट’ सत्ताखेळी; सर्वाधिक जागा मिळवूनही काँग्रेस सत्तेबाहेर कसं? वाचा इन्साईड स्टोरी
चंद्रपुरात लाज कुणी काढली : सपकाळ
‘इतरांची लाज काढण्यापेक्षा चंद्रपुरात जी लाज घालवली ती कुणी घालवली, कशी घालवली हे तपासून पाहणे आवश्यक आहे, अशा शब्दांत काँग्रेसचे प्रदेशाध्यक्ष हर्षवर्धन सपकाळ यांनी शिवसेना (उबाठा)ला टोला लगावला आहे. ते म्हणाले, काँग्रेसचे निवडून आलेले २७ नगरसेवक एकत्र होते. तिथे कोणतेही दोन गट नव्हते किंवा दोन मतप्रवाह नव्हते. आम्ही त्यात चार अधिकचे जोडून ३१ केले. शिवसेना ‘उबाठा’ची साथ मिळाली असती तर काँग्रेसचा महापौर झाला असता. त्यांनाही सत्तेत वाटा मिळाला असता. त्यांना स्थायी समितीचे अध्यक्षपद किंवा स्थानिक पातळीवर ठरलेले मिळाले असते, असेही सपकाळ म्हणाले.