‘जीवनाचे सत्य हेच आहे की, प्रत्येक सुरुवातीचा एक शेवट असतो. या सत्याचा सन्मान करून पुढे जाण्याची वेळ आली आहे. फलंदाजीत मी नेहमीच ‘टायमिंग’वर विश्वास ठेवला, आताही तेच करत आहे’, असे अजिंक्य म्हणाला. या संवादादरम्यान त्याचे भावूक होणेही स्वाभाविकच होते. ‘मला आज वाटतेय की, पुढे जाण्याची योग्य वेळ आली आहे; म्हणूनच मी आंतरराष्ट्रीय क्रिकेट आणि एकूणच सर्वप्रकारच्या क्रिकेटमधून निवृत्ती घेत आहे. क्रिकेटला सुरुवात करताना मोठी किटबॅग घेऊन डोंबिवलीहून मुंबईकडे प्रवास केला. तेव्हापासून ते आतापर्यंत मी या खेळाला सर्वस्व अर्पण केले. सरावाचा पहिला दिवस, प्रत्येक डाव आणि फलंदाजीची प्रत्येक संधी स्वीकारताना मनात एकच स्वप्न होते, भारताचे प्रतिनिधित्व करणे…’, असेही अजिंक्यने सांगितले.
Jayden seales : 18 धावांत 5 विकेट्स, पाकिस्तानचा कर्दनकाळ ठरला; कोण आहे वेस्ट इंडिजचा स्टार जेडन सील्स?
सध्या अजिंक्य जगभरात विविध भाषांमध्ये क्रिकेट समालोचन करत आहे. यामुळे आपण खेळाशी कायम जोडलेले राहू, असे तो सांगतो. ‘मी कायमच देशाला प्राधान्य देत संघहीत जपले, तसा नियमच मी मानला. मी प्रामाणिक क्रिकेट खेळलो. मी प्रथम श्रेणी क्रिकेटपटू म्हणून सुरुवात केली तेव्हापासून आजपर्यंत भारतीय क्रिकेटने बरीच प्रगती केली आहे. गेल्या २० वर्षांपासून मी या प्रगतीचा एक भाग आहे, याचा मला अभिमान वाटतो’, असे अजिंक्य म्हणाला.Dilip Vengsarkar : ‘अजिंक्यवर अन्याय झाला… ऑस्ट्रेलियाला लोळवल्यावरही बाकावर बसवलं’; रहाणेच्या निवृत्तीनंतर माजी क्रिकेटर वेंगसरकर उघड बोलले
कसोटीत फलंदाजी करताना माझा सर्वांत लाडका जोडीदार… जिंक्स (अजिंक्य) शानदार कारकिर्दीबद्दल अभिनंदन, मित्रा, तुझे योगदान मोठे आहे. तुझ्यासह स्लिपमध्ये क्षेत्ररक्षण करणेही पर्वणीच वाटत असे. देव तुला नेहमी आनंदी ठेवो, असं विराट कोहली म्हणाला.Ajinkya Rahane Retirement : तुझं जास्त कौतुक झालं नाही, पण तरीही तूच आमचा हिरो! अजिंक्य रहाणेच्या निवृत्तीनंतर आई-वडिलांचं भावूक पत्र
अजिंक्य मैदानात आणि मैदानाबाहेरही तुझ्यासोबतचे क्षण मला सन्मानाचे वाटतात. पुढील वाटचालीसाठी तुला आणि तुझ्या कुटुंबाला अनेक शुभेच्छा. तुझी कारकीर्द अभिमानास्पद आहे, असं चेतेश्वर पुजारा म्हणाला.
पुरेसे कौतुक न झालेला सर्वोत्तम क्रिकेटपटू म्हणजे अजिंक्य. परदेशात भारताचा सर्वांत मोठा, संस्मरणीय कसोटी मालिका विजय साकारणारा कर्णधार म्हणजे अजिंक्य… शांतचित्ताने गोलंदाजांची पिसे काढणारा, पण यशाचा कधीच गाजावाजा न करत सर्वोत्तम योगदान देणारा क्रिकेटपटू म्हणजे अजिंक्य… तुझी दुसरी इनिंगही अशीच सर्वोत्तमच ठरो, असं वीरेंदर सेहवाग याने म्हटलं आहे.Mrunal Yashasvi Dating : मृणाल ठाकूरला डेट करतोय यशस्वी जयस्वाल? एका व्हिडिओने रंगलेल्या चर्चांमागचं सत्य काय?
जिंक्स (अजिंक्य) तुझे २०१४च्या इंग्लंड दौऱ्यावरील लॉर्ड्सला झालेले शतक मला आजही आठवते. भारतीय संघ दडपणाखाली होता, तू मात्र दर्जेदार खेळ करत डाव सावरत भारताला यश मिळवून दिलेस. तुझी कारकीर्द ही धैर्य, प्रतिकूल परिस्थितीत साकार झालेल्या अविश्वसनीय झुंजार खेळींचा परिपाठच आहे, असं पी. व्ही. सिंधू म्हणाली.Ajinkya Rahane : मानलं भावा! अजिंक्य रहाणेने निवृत्ती घेतली पण 2015चा रेकॉर्ड कोणीच मोडू शकलं नाही, काय आहे तो अनब्रेकेबल विक्रम ; जाणून घ्या
भारतीय क्रिकेटमधील एका उल्लेखनीय अध्यायाचा हा समारोप आहे. क्रिकेटवरील श्रद्धा, दडपणाच्या स्थितीतही साकारलेल्या संयमी खेळी, असे सारेच उल्लेखनीय आहे. अजिंक्य रहाणे हा मुंबई क्रिकेटचा सर्वोत्तम ब्रँड अॅम्बेसिडर आहे. त्याचा वारसा भावी पिढ्यांना प्रेरणा देत राहील, मुंबई क्रिकेट संघटनेचे अध्यक्ष अजिंक्य नाईक म्हणाले.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाइनमध्ये एक्झिक्युटिव्ह कंटेंट प्रॉड्युसर म्हणून कार्यरत आहेत. ते २०२४ पासून मटा ऑनलाइनसोबत जोडले गेले आहेत. गेली सात वर्षे ते विविध मीडिया समूहांमध्ये काम करत आहेत. त्यांना स्पोर्ट्स, क्राइम आणि राजकीय बातम्यांमध्ये विशेष रुची आहे.
पत्रकारितेमधील अनुभव
पुण्यात पत्रकारितेचे शिक्षण घेत असताना झी २४ तास आणि सकाळ या माध्यम समूहांमध्ये इंटर्नशीप केली होती. त्यानंतर मास मीडियाच्या शेवटच्या वर्षाला असताना ‘थोडक्यात’ या वेब पोर्टलमध्ये इंटर्न म्हणून काम केले आहे. त्यानंतर थोडक्यात मध्येच नोकरीची संधी मिळाली, तिथेच काही दिवसांनी शिफ्ट इंचार्ज म्हणून जबाबादारी सांभाळली. यादरम्यान लोकसभा आणि विधानसभा २०१९ निवडणुकांचे टेक्स्ट बातम्यांमधून वार्तांकन केले. मराठी चित्रपटसृष्टीतील ‘श्रीराम समर्थ’ या चित्रपटातील संत रामदासांची भूमिका साकारणारे मराठी अभिनेते शंतून मोघे यांची छोटेखानी मुलाखत घेतली. (लिंक : https://youtu.be/-wsyyekJ-DE?si=SaJ_OC9nUgLFmKXK)
‘थोडक्यात’ नंतर सकाळ डीजिटलमध्ये सोशल मीडिया एक्सेक्युटिव्ह म्हणून काम पाहिले आहे, त्यावेळी टी-२० वर्ल्ड कपचे लाईव्ह करत क्रीडाप्रेमींना माहिती दिली. त्यानंतर ‘पोलीसनामा’मध्ये काम करत असताना सीडीआर वाचून समजून घेत अनेक स्टोरी साध्या आणि सोप्या शब्दात बातमी लेखन केले. यादरम्यान कॉलेज पूर्ण झाल्यावर झी २४ तासमध्ये संधी मिळाली, मुंबईत झी २४ तासमध्ये महाराष्ट्र केसरी कु्स्ती स्पर्धेवर विशेष स्टोरी केल्या आहेत. टीव्ही९ मराठीमध्ये Sub-Editor, Social Media Executive म्हणून काम पाहिले आहे. त्यानंतर २०२४ मध्ये महाराष्ट्र टाइम्स ऑनलाइनमध्ये जॉइन झाले.
महाराष्ट्र टाइम्स ऑनलाइनमध्ये महाराष्ट्र, क्राइम आणि स्पोर्ट्स या तिन्ही सेक्शनमध्ये ट्रेंडनुसार बातमी लेखन करतात. आता पार पडलेल्या विधानसभा निवडणूक आणि निकालांचे कव्हरेज बातम्यांच्या माध्यमातून केले. महापालिका निवडणुकांमध्ये मुंबई, पुणे आणि पिंपरी चिंचवड आणि कोल्हापूर या महत्त्वाच्या जिल्ह्यांचे स्थानिक पातळीवर भागानुसार सविस्तर वार्तांकन केले आहे. महापालिका निवडणुकीमध्ये सायली वांजळे यांची मुलाखत घेतली होती. लिंक: https://youtu.be/Wejw-eMnXqI?si=jyeD36tRboIc9bpJ. त्यासोबतच आता टी-२० वर्ल्ड कप २०२६ चे कव्हरेज पाहत आहेत.
शैक्षणिक पात्रता
हरीश मालुसरे यांचे पदवीपर्यंतचे शिक्षण पुणे जिल्ह्यातील नामांकित आबासाहेब गरवारे महाविद्यालयातून झाले आहे. तिथूनच 2022 साली एम. ए. जर्नलिझम आणि मास कम्युनिकेशनचे शिक्षण पूर्ण केले. त्यांचे मराठी हिंदी आणि इंग्रजी भाषेवर प्रभुत्व असून डिजिटल पत्रकारितेतील सातहून अधिक वर्षांचा अनुभव आहे.… आणखी वाचा
