Yavatmal Crime: वंजारी फैल भागात राहणारा पालवे हा एका सामाजिक संस्थेच्या रुग्णवाहिकेवर चालक म्हणून काम करतो. मांत्रिक म्हणून त्याची ओळख असल्याने दिग्रस येथील नीतू जयस्वाल या उपचारासाठी येत होत्या. त्यांच्यासोबत १४ वर्षांची मुलगीही सोबत येत होती.
नेमकं प्रकरण काय?
महादेव परशुराम पालवे उर्फ माउली, असे या मांत्रिकाचे नाव आहे. वंजारी फैल भागात राहणारा पालवे हा एका सामाजिक संस्थेच्या रुग्णवाहिकेवर चालक म्हणून काम करतो. मांत्रिक म्हणून त्याची ओळख असल्याने दिग्रस येथील नीतू जयस्वाल या उपचारासाठी येत होत्या. त्यांच्यासोबत १४ वर्षांची मुलगीही सोबत येत होती. उपचाराच्या नावाखाली पूर्जाअर्चा करून मांत्रिकाने त्यांना संमोहित केले. यानंतर मायलेकी मांत्रिकाच्या घरीच राहू लागल्या. काही दिवसांनंतर मुलीलाही बाधा झाल्याचे सांगून त्याने अघोरी उपचार सुरू केले. उपचाराच्या नावाखाली तो चटके देत होता. बाहेरच्या शक्तींनी शरीरात प्रवेश केल्याचे सांगून बेदम मारहाणही करायचा. जेवण बंद केल्याने दोघीही अशक्त झाल्या. दोन दिवसांपासून मांत्रिकाकडे काही तरी वेगळेच भयानक कृत्य सुरू असल्याचा संशय शेजाऱ्यांना आला. त्यांनी शहर पोलिसांना याविषयीची माहिती दिली. माहिती मिळताच ठाणेदार रामकृष्ण जाधव यांनी पथकासह मांत्रिकाच्या घरावर छापा टाकला. नीतू यांच्यासह त्यांच्या मुलीची सुटका केली.
दुर्दैवी! ‘तू घरी जा, मी नंतर येतो!’ पत्नीला घरी पाठवलं; पण काळाने शेतमजुराची वाट अडवली, रस्त्यात नको ते घडलं
नीतू या पतीपासून वेगळ्या राहत असल्याने वडील आणि भाऊ नाराज होते. त्यांनी मुलीशी संबंध तोडले होते. म्हणूनच वर्षभरापासून मांत्रिकाने त्यांना डांबून ठेवले असतानाही कुणीही चौकशी केली. हीच संधी साधून मांत्रिक पालवे हा मायलेकींना शौचासाठीही घराबाहेर जाऊ देत नव्हता. पोलिसांना एका खोलीत पूजेचे साहित्य, शौचासाठीच्या पिशव्यांचा साठा आढळला.शेतकरी कवटाळतोय मृत्यूला! सहा महिन्यांत १७४ घटनांची नोंद, यवतमाळ जिल्ह्यातील धगधगतं वास्तव
पोलिसांना पाहताच स्वतःचा कापला गळा
पोलिसांना पाहताच मांत्रिक पालवे याने चाकूने स्वतःचा गळा कापून दबाव टाकण्याचा प्रयत्न केला. मात्र प्रसंगावधान राखत पोलिसांनी जखमी मांत्रिकाला वसंतराव नाईक शासकीय वैद्यकीय महाविद्यालयाच्या रुग्णालयात दाखल केले.
आम्ही गुवाहाटीला गेलो, पण…बच्चू कडू पत्रकारांवर संतापले, काय घडलं?
गुप्तधनासाठी गुरुपौर्णिमेला नरबळीची योजना?
मागील दोन दिवसांपासून मांत्रिक पालवे याच्या घरी अघोरी पूजा वाढल्या देवघराच्या शेजारी त्याने मोठा खड्डा खोदला. गुरुपौर्णिमेला नीतूच्या मुलीचा गुप्तधनासाठी नरबळी देण्याची योजना त्याने आखली होती, अशी शंका व्यक्त होत आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
