Yavatmal Crime: लग्नाला न बोलावल्यावरुन वाद पेटला. ३५ वर्षीय तरुणाला निर्घृणपणे संपवलं. याप्रकरणी विधिसंघर्षग्रस्त बालकासह एकाला अटक करण्यात आली आहे.

नेमकं काय घडलं?
सय्यद वसीम सय्यद हबीब (३५) रा. वडगाव असे मृताचे नाव आहे. याप्रकरणी सय्यद शहेबाज सय्यद लियाकत यांनी अवधूतवाडी पोलिस स्टेशनमध्ये तक्रार दाखल केली आहे. हे मृताचे मोठे भाऊ असून त्यांचा तीन वर्षांपूर्वी गणेश कनाके यांच्या मुलीशी प्रेमविवाह झाला होता. यावरून दोन कुटुंबात वाद निर्माण झाला होता. यातच सय्यद शहेबाज सय्यद लियाकत यांच्या पत्नीच्या चुलत बहिणीचे लग्न झाले. या लग्नाला या दोघांनाही बोलविण्यात आले नाही. या विषयावरून सय्यद वसीम आणि मंगेश कनाके यांच्याशी वाद झाला होता. यावरून दोन्ही कुटुंबात तणाव कायम असतानाच मंगळवारी सकाळी सय्यद वसीम याच्यावर हल्ला झाला. त्याच्या छातीवर, पोटावर चाकूने वार करण्यात आले.
Dombivli Crime: 140 तरुणींना ‘प्रेमाचा’ फास; त्यांच्या नावावर लाखोंचं कर्ज काढणारा ‘इन्स्टा’वरील ‘आदर्श’ भामटा जेरबंद
रुग्णालयात दाखल केले असता डॉक्टरांनी त्याला मृत घोषित केले. याप्रकरणात अवधूतवाडी पोलिसांनी मंगेश कनाके आणि त्याच्यासोबत असलेल्या विधीसंघर्षग्रस्त बालकाला अटक केली आहे. अधिक तपास अवधूतवाडी पोलिस स्टेशनचे ठाणेदार नंदकुमार काळे करीत आहेत.
Nagpur Crime: सख्खा भाऊ पक्का वैरी! पैशांसाठी मोठ्या भावाने धाकट्याला संपवलं, नागपूर हादरलं
सीसीटीव्ही फुटेजमुळे घटना उघड
सय्यद वसीम यांच्या खुनाचा तपास करताना पोलिसांनी वडगाव परिसरातील सीसीटीव्हीची पाहणी केली. दुचाकीच्या शोरूमजवळ असलेल्या खांबावरील फुटेजची पाहणी केली असता मंगेश कनाके व त्याच्यासोबत एक विधीसंघर्षग्रस्त बालक सय्यद वसीमबरोबर झटापट करताना दिसून आला होता. यानंतर अवधूतवाडी पोलिसांनी कनाके आणि विधिसंघर्षग्रस्त बालकाला ताब्यात घेतले.

