Varanasi Viral Video: वाराणसीतील काशी विश्वनाथ मंदिरात VIP दर्शनाच्या नावाखाली म्हैसूर येथील एका कुटुंबाची ४ हजार रुपयांची फसवणूक करण्यात आली. पुजाऱ्याच्या वेशातील व्यक्ती पैसे घेऊन फरार झाला. मात्र, पोलिसांनी तातडीनं आरोपीला पकडून पैसे परत मिळवून दिले आणि कुटुंबाला दर्शनही घडवून आणलं.
नेमकं घडलं काय?
म्हैसूर येथील नंदिनी या आपल्या कुटुंबासह वाराणसीतील काशी विश्वनाथ मंदिरात दर्शनासाठी आल्या होत्या. श्रावण महिना सुरू असल्यामुळे मंदिरात भाविकांची खूप मोठी गर्दी होती. या गर्दीतून मार्ग काढत दर्शन घ्यायला बराच वेळ लागेल, अशी शक्यता होती. दरम्यान, पुजाऱ्याच्या वेशातील एक व्यक्ती त्यांच्या समोर आला आणि त्याने ४ हजार रुपयांच्या बदल्यात VIP दर्शन करून देण्याचं आमिष दाखवलं. नंदिनी यांनी त्याच्यावर विश्वास ठेवून त्याला पैसे दिले. मात्र, तो पैसे घेऊन फरार झाला. फसवणूक झाल्याचं लक्षात येताच कुटुंबाने पोलिसांकडे तक्रार केली. त्यानंतर पोलिसांनी तातडीने CCTV कॅमेऱ्यांच्या मदतीने आरोपीला पकडलं, महिलेचे पैसे परत मिळवून दिले आणि नंदिनी व त्यांच्या कुटुंबीयांना काशी विश्वनाथ मंदिरात दर्शनही घडवून आणलं.
नेटकरी करताहेत कठोर कारवाईची मागणी
हा व्हिडिओ विविध सोशल मीडिया प्लॅटफॉर्मवर मोठ्या प्रमाणात व्हायरल होत आहे. तसेच, या प्रकरणी नेटकऱ्यांनी पोलिसांच्या तत्पर कारवाईचं भरभरून कौतुक केलं आहे. कारण पोलिसांनी प्रकरणाचं गांभीर्य ओळखत अवघ्या काही मिनिटांत आरोपीला पकडलं आणि त्याच्याकडून आणखी फसवणूक होण्यापासून रोखलं. अनेकांनी संबंधित आरोपीवर कठोर कारवाई करण्याची मागणीही केली आहे. असो, पण अनोळखी व्यक्तींवर विश्वास ठेवून कोणताही आर्थिक व्यवहार करू नका, असा महत्त्वाचा सल्ला पोलिसांनी भाविकांना दिला आहे.
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा
