Pravin Pote and Ravi Rana Reconcile: निवडणुकीच्या सुरुवातीला माजी खासदार नवनीत राणा यांनी भाजपचे शहराध्यक्ष नितीन धांडे यांच्या नावाचा आग्रह धरला होता. यानंतर पोटे यांचा उमेदवारी अर्ज दाखल करताना राणा दाम्पत्य अनुपस्थित होते.
युवा स्वाभिमान पक्षाचे २६ नगरसेवक आणि नवनीत राणांचा भाजपमधील एक गट मिळून ही मते पोटे यांच्यासाठी अत्यंत निर्णायक होती. त्यामुळे राणांची ही साशंक भूमिका पोटे यांच्या गोटात चिंता वाढवणारी ठरत होती. अमरावती मतदारसंघात विजयासाठी २२७ मतांची गरज आहे. महायुतीकडे हक्काची २५० मते आहेत. यात भाजपची १५२ मते आहेत. काँग्रेस सुरुवातीला आक्रमकतेने लढत होती, ते पाहता पोटे यांना कोणतीही जोखीम पत्करायची नव्हती. आता राणांच्या युवा स्वाभिमान पक्षाची २६ मते पोटे यांच्या पारड्यात अधिकृतपणे पडणार असल्याचे स्पष्ट झाल्याने महायुती सुरक्षित झोनमध्ये पोहोचल्याची चर्चा वाढली आहे.
Nashik Politics: वादग्रस्त फाइलसाठी नगरसेवकाचा कनिष्ठ अभियंत्यावर हात उगारत थयथयाट, महापालिकेतच वादावादी, नेमकं काय घडलं?
काँग्रेस ‘व्हेंटिलेटरवर’
महायुतीने आपली अंतर्गत फळी मजबूत केली असताना, दुसरीकडे काँग्रेसमध्ये अभूतपूर्व गोंधळ आणि उदासीनतेचे वातावरण आहे. काँग्रेसचे अधिकृत उमेदवार हर्षजित देशमुख हे गेल्या पाच दिवसांपासून ‘नॉट रिचेबल’ राहिल्याने आणि थेट नागपूरच्या रुग्णालयातील आयसीयूमध्ये दाखल झाल्याने काँग्रेसच्या प्रचाराचा पुरता बोजवारा उडाला आहे. काँग्रेस नेत्या अॅड. यशोमती ठाकूर यांनी स्वपक्षाच्या उमेदवारावर १५ ते २० कोटी रुपयांचा ‘घोडेबाजार’ करून निवडणूक मॅनेज केल्याचा जाहीर आरोप केल्याने महाविकास आघाडीच्या गोटात नैराश्य वाढले आहे.
Farmer Loan Waiver: शेतकरीहितासाठीच कर्जमाफी; 40 लाख जणांना अटींविना लाभ मिळणार, मुख्यमंत्र्यांची माहिती
फडणवीस, बावनकुळे यांची फिल्डिंग
मुख्यमंत्री देवेंद्र फडणवीस आणि महसूलमंत्री चंद्रशेखर बावनकुळे यांची शिष्टाई यशस्वी ठरली आहे. बावनकुळे यांनी सातत्याने राणांच्या संपर्कात राहून डॅमेज कंट्रोलची धुरा सांभाळली. दुसरीकडे, काही दिवसांपूर्वीच राज्यसभा निवडणुकीच्या निमित्ताने राणा दाम्पत्याने मुंबईत मुख्यमंत्र्यांची भेट घेतली होती. या बैठकीत मुख्यमंत्र्यांनी पोटे यांच्या विजयासाठी संपूर्ण ताकदीने पाठीशी राहण्याचे स्पष्ट निर्देश राणा यांना दिले होते. याच वरिष्ठ पातळीवरील ‘पॉवर गेम’ मुळे पोटे थेट राणांच्या दारी पोहोचले आणि अमरावतीच्या राजकारणातील मनोमिलनावर शिक्कामोर्तब झाले.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
