Gujarat Suthar Family dies in US Fire : मॉटेलच्या इमारतीत धूर आणि आगीच्या ज्वाळा पसरु लागताच हितेशने मदतीसाठी मोटेलच्या फ्रंट डेस्कवर फोन केला, मात्र त्यांना मिळालेला सल्ला जीवघेणा ठरला
दोन वर्षांपूर्वी अमेरिकेत स्थायिक
मूळचे गुजरातच्या खेडा जिल्ह्यातील नडियाद येथील असलेले हे कुटुंब सुमारे दोन वर्षांपूर्वी अमेरिकेत स्थायिक झाले होते. हितेश नोकरी करत असलेल्या ‘इकोनो लॉज’ या मोटेलमध्येच तिघांच्या राहण्याची सोय करण्यात आली होती. स्थानिक वेळेनुसार मध्यरात्री दीड वाजताच्या सुमारास मोटेलमध्ये आग लागली.
बाथरुममध्ये लपण्याचा सल्ला
इमारतीत धूर आणि आगीच्या ज्वाळा पसरु लागताच हितेशने मदतीसाठी मोटेलच्या फ्रंट डेस्कवर फोन केला. आग लागली तेव्हा ड्युटीवर असलेला हॉटेल कर्मचारी एप्रिल ग्रेझर यांनी सांगितले की, या कुटुंबाने फ्रंट डेस्कशी संपर्क साधला. तेव्हा त्यांना बाथरुममधील पाणी चालू करुन तिथेच थांबण्याचा सल्ला देण्यात आला. आपत्कालीन सेवांना बोलावले जाईपर्यंत वाट पाहण्यास सांगण्यात आले.
Pune Crime : लोहगडावरुन केतनला कसं ढकलायचं, लुल्लानगरच्या टेकडीवर केलेली प्रॅक्टिस; पकडलं गेल्यास काय? सिया-चेतनचं प्लॅनिंग समोर
“त्यांनी मला मदत मिळवून देण्याची विनवणी केली, कारण ते इमारतीच्या आत अडकले होते. त्यांना आपल्या खोलीतून बाहेर पडता येत नव्हते. मला त्यांचे रडणे आणि ओरडणे ऐकू येत होते” असे ग्रेझर म्हणाले.
“काही तासांनंतर आग, धूर आणि लोकांचा आरडाओरडा ऐकून मला जाग आली” असे मॉटेलच्या आगीत अडकलेल्या प्रत्यक्षदर्शीने सांगितले. “मी खिडकीतून बाहेर पाहिले, तेव्हा आग माझ्या गाडीच्या अगदी जवळ पोहोचल्याचे दिसले; त्यामुळे मी गाडी तिथून हलवली आणि त्यानंतर अवघ्या काही क्षणांतच उरलेली इमारत आगीच्या भक्ष्यस्थानी पडली.” असेही तो पुढे म्हणाला.
Chandrakant Khaire | सचिन अहिरांचा शिवसेनेत प्रवेश, चंद्रकांत खैरेंनी गद्दार म्हणत चांगलंच सुनावलं
अग्निशमन दलाचे जवान बचावाला
अग्निशमन दलाचे जवान मध्यरात्री दीड वाजताच्या सुमारास वूस्टर टाउनशिपमधील ‘इकोनो लॉज’ येथे पोहोचले, तेव्हा आगीच्या ज्वाळा इमारतीच्या छतातून बाहेर पडत होत्या. काही जण अजूनही आत अडकले असून त्यांना बाहेर पडता येत नसल्याची माहिती त्यांना आपत्कालीन कॉलद्वारे मिळाली होती.
अग्निशमन दलाच्या जवानांनी घटनास्थळी पोहोचल्यावर अत्यंत गंभीर परिस्थिती असल्याचे सांगितले. इमारतीत आगीचा मोठा भडका उडाला होता आणि आग वेगाने पसरत होती. वूस्टर टाउनशिपचे अग्निशमन प्रमुख डॅलस टेरेल यांनी सांगितले की, आत अडकलेल्यांपर्यंत पोहोचण्याचा प्रयत्न अग्निशमन दलाच्या पथकांनी त्वरित सुरु केला.
छतातून आगीच्या प्रचंड ज्वाळा
“घटनास्थळाकडे जात असतानाच आम्हाला नियंत्रण कक्षाकडून माहिती मिळाली की, काही लोक ९११ वर फोन करुन आपण इमारतीत अडकल्याचे सांगत आहेत. आमचे पहिले अग्निशमन वाहन घटनास्थळी पोहोचले तेव्हा छतातून आगीच्या प्रचंड ज्वाळा बाहेर पडत होत्या; त्या खोलीतील लोकांपर्यंत पोहोचण्यासाठी अनेक प्रयत्न केले गेले, परंतु ते प्रयत्न यशस्वी ठरले नाहीत.” असे टेरेल यांनी सांगितले.Kerala Nurse : ट्राफिकमध्ये अडकलेल्या कार चालकाला हार्ट अटॅक, दोन नर्सची एसटीतून उडी, गाडीतच CPR देऊन प्राण वाचवले
आगीची तीव्रता वेगाने वाढली आणि तिच्या प्रचंड स्वरुपामुळे तिला अत्यंत गंभीर दर्जाची आग म्हणून वर्गीकृत करण्यात आले. आग नियंत्रणात आणण्यासाठी सुमारे १५ अग्निशमन विभाग आणि अग्निशमन दलाच्या जवळपास ७० जवानांना पाचारण करण्यात आले.
सुतार कुटुंबापर्यंत पोहोचेपर्यंत बराच वेळ गेला होता. त्यामुळे तिघांचाही धुरामुळे गुदमरुन मृत्यू झाल्याचा अंदाज वर्तवण्यात येत आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
