Sunita Ahuja : ‘लेकीच्या वयाच्या मुलीसोबत फिरतोय, त्याला लाज वाटली पाहिजे’, गोविंदावर भडकली सुनीता अहुजा, काय घडलं?

‘रूपा’ चित्रपटाच्या घोषणेपासून गोविंदा अभिनेत्री कोमल राणीसोबत काम करत असल्यामुळे चर्चेत आहे. त्या दोघांचं अफेअर असल्याच्या चर्चा आहेत. गोविंदा आणि कोमल विमानतळावर एकत्र दिसले होते. त्यावर सुनीतानं आपला राग व्यक्त केला होता. आता, गोविंदा आणि कोमल पुन्हा एकदा एकत्र दिसले आहेत. यावर सुनीतानं प्रतिक्रिया दिली आहे.

गोविंदाबद्दल काय म्हणाली सुनीता?

सुनीता म्हणाली की, ‘आधी सिनेमा बनवायला लागतो, चित्रपट बनल्यानंतर प्रमोशन होतं. काय बोलायचं…लेकीच्या वयाच्या मुलीला घेऊन फिरतोय. त्याला थोडी लाज वाटायला पाहिजे. त्यानं काहीतरी मर्यादा पाळायला पाहिजेत.’ पुढे, कोमलला उद्देशून सुनीता म्हणाली की, ‘तुझा ‘शुगर डॅडी’ इतका श्रीमंत आहे, तू किमान चांगले कपडे तरी घालायला हवेत. आमच्याकडे बघ, आम्ही किती स्टाईलमध्ये फिरतो. हे खूप वाईट आहे, त्याचं डोकं फिरलं आहे.’
कोमल आणि गोविंदा गेल्या चार वर्षांपासून रिलेशनशिपमध्ये आहेत, अशा चर्चा आहेत. मात्र, गोविंदानं या नात्याला दुजोरा दिलेला नाही. एएनआयला दिलेल्या मुलाखतीमध्ये गोविंदा सुनीताबद्दल बोलताना म्हणालेला की, ‘ती मला अतिशय प्रेमानं शिव्या देते आणि मीसुद्धा ते आनंदाने स्वीकारतो. मला वाटतं की, देवाने ज्या व्यक्तीला जिथं ठेवलं आहे आणि जी जबाबदारी दिली आहे, ती त्यांनी निभावली नसती तर आज आपण जे काही यशस्वी झालो आहोत तिथे पोहोचलोच नसतो. आमच्या कुटुंबातील प्रत्येक मुलाला तिनं अत्यंत प्रेमानं सांभाळले आहे. स्वतःच्याच माणसांबद्दल वाईट बोलून यश मिळवणं सोपं असतं. सुनीता हे काम खूप हुशारीनं करतं. ती चार शब्द कौतुकाचे बोलते आणि शेवटी एक टीका करून जाते. पण मला त्यातही तिचं प्रेमच दिसतं.’