SRA Fraud Mumbai: मुंबईत मोठा SRA घोटाळा समोर आला आहे. ४७ जणांची तब्बल ५.५ कोटींची फसवणूक झाली. या प्रकरणात एका आमदाराच्या पीएचाही समावेश आहे.
चार ते पाच एजंटनी एसआरए अधिकाऱ्यांशी चांगली ओळख असल्याचे भासवून ४७ जणांकडून तब्बल साडेपाच कोटी उकळले. चार एजंटविरोधात निर्मलनगर पोलिस ठाण्यात गुन्हा दाखल करण्यात आला आहे. आरोपींमध्ये एसआरएच्या एका निवृत्त अधिकाऱ्याचा समावेश आहे.
Pravin Darekar : देवेंद्र फडणवीस यांची महाराष्ट्राला गरज, लोकं त्यांना दिल्लीला पाठवण्याची का घाई करत आहेत? प्रवीण दरेकर यांचा सवाल
घरांची खरेदी-विक्री करणाऱ्या एजन्सीच्या दिलेल्या तक्रारीनुसार, ही कारवाई करण्यात आली आहे. एजन्सीचे कार्यालय सांताक्रूझ येथे आहे. त्यांच्या कार्यालयात घरे खरेदी-विक्रीचा व्यवसाय करणारा एक एजंट आला. त्याला एजन्सीचालकाने एसआरएतील घरांबाबत विचारणा केली. त्यावर एसआरएचे एजंट आणि निवृत्त अधिकारी राखीव घरे मिळवून देत असल्याचे त्याने सांगितले. त्याने एजन्सीचालकांची निवृत्त अधिकारी आणि एसआरए एजंटसोबत भेट घडवून आणली. एजंटनी परिसरानुसार घरांचे दर दिले.
एजन्सीचालकांनी ४७ ग्राहकांना माहिती दिली. काहींनी पूर्ण, तर काहींनी आगाऊ रक्कम एजन्सीकडे जमा केली. एजन्सीचालकांनी पाच कोटींपेक्षा अधिक रक्कम एजंटना दिली. एसआरएसाठी पुरावे, इतर कागदपत्रे या एजंट मंडळींनी दिली. मात्र घरांचा ताबा मिळत नसल्याने एजन्सी आणि ग्राहकांनी एसआरए कार्यालयात जाऊन चौकशी केली असता, ही कागदपत्रे बनावट असल्याचे दिसून आले, अशी माहिती पोलिसांनी दिली.
Health Scheme: धक्कादायक! खोटे रुग्ण आणि बनावट कागदपत्रे दाखवून ३ रुग्णालयांनी लाटले सरकारचे दोन कोटी रुपये
आमदाराच्या ‘पीए’चाही सहभाग
पैसे देऊनही घरे मिळत नसल्याचे पाहून सर्वांनी एजंटकडे पैसे परत मिळण्यासाठी तगादा लावला. त्यावेळी पश्चिम उपनगरातील एका आमदाराचा स्वीय सहायक आपले काम करून देणार असल्याचे एजंटनी सांगितले. त्यांनी या ‘पीए’ची भेटही घडवून आणली. ‘ पीए ‘ने घरे मिळवून देण्यासाठी २५ लाख रुपयांची मागणी केली. यातील काही रक्कम त्यांना देण्यात आली, मात्र त्यांनीही फसविल्याचा आरोप तक्रारीत आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
