सलमान खान गेली तब्बल ५२ वर्षे मुंबईतील वांद्रे येथील गॅलेक्सी अपार्टमेंटमध्ये राहत असून, हे घर त्याच्या आयुष्यातील अनेक आठवणींचा साक्षीदार आहे. आता त्याच्यासाठी नवीन घर तयार होत असले, तरी त्याच्या व्हाईट थीमवर आधारित साध्या आणि आकर्षक घराची चर्चा आजही कायम आहे. या घरातील मिनिमल इंटिरिअर, पांढऱ्या रंगाची सजावट आणि प्रसन्न वातावरणातून घर सजावटीच्या अनेक भन्नाट कल्पना मिळू शकतात.
गॅलेक्सी अपार्टमेंट हे केवळ एका अभिनेत्याचे निवासस्थान नाही, तर अनेक चाहत्यांसाठी ते एक भावनिक ठिकाण बनले आहे. प्रत्येक वर्षी ईद असो किंवा सलमानचा वाढदिवस, हजारो चाहते या घराबाहेर जमून आपल्या आवडत्या अभिनेत्याची एक झलक पाहण्यासाठी तासन्तास वाट पाहतात. सलमानही बाल्कनीत येऊन चाहत्यांचे अभिवादन करतो. गेल्या अनेक दशकांपासून सुरू असलेली ही परंपरा आजही कायम आहे.
सलमान खानचा जन्म १९६५ मध्ये झाला. त्यानंतर काही वर्षांत खान कुटुंब गॅलेक्सी अपार्टमेंटमध्ये राहायला आले आणि तेव्हापासून हेच त्यांचे कायमचे घर बनले. वडील, प्रसिद्ध पटकथालेखक सलीम खान, आई सलमा खान, हेलन आणि संपूर्ण कुटुंब याच परिसरात एकत्र राहत असल्यामुळे सलमानने कधीही हे घर सोडण्याचा विचार केला नाही. पण आता सलमान खानचं नवे घर तयार होत आहे. अशा त्याचं हे व्हाईट थीमचं घर कसं आहे हा प्रश्न अनेकांना पडला असेल तर हा लेख वाचा. (फोटो सौजन्य :- @beingsalmankhan)
व्हाईट थीम का आहे खास?
घर सजवताना पांढऱ्या रंगाचा वापर केल्यास अनेक फायदे मिळतात. हा रंग शांतता, स्वच्छता आणि सकारात्मक ऊर्जा दर्शवतो. लहान घरदेखील अधिक प्रशस्त वाटते. शिवाय पांढऱ्या रंगासोबत लाकडी फर्निचर, हिरवी झाडे किंवा रंगीत कुशन वापरल्यास घर अधिक सुंदर दिसते.सलमानच्या घरातही याच प्रकारची सजावट पाहायला मिळते. मिनिमल डेकोरेशन, कमी पण दर्जेदार वस्तू आणि व्यवस्थित मांडणी यामुळे घराला एक वेगळीच ओळख मिळते.
धर्मापेक्षा माणुसकीला दिले प्राधान्य
सलमान खानच्या कुटुंबात विविध संस्कृती आणि धर्मांचा सुंदर मिलाफ पाहायला मिळतो. वडील सलीम खान मुस्लिम, तर आई सलमा हिंदू कुटुंबातून आलेल्या आहेत. हेलन यांचाही वेगळा सांस्कृतिक वारसा आहे. त्यामुळे घरात ईद, दिवाळी, गणेशोत्सव, ख्रिसमस अशा विविध सणांचा उत्साहाने साजरा होणारा माहोल पाहायला मिळतो.गॅलेक्सी अपार्टमेंटमधील हे वातावरण धर्माच्या भिंतींपलीकडे जाऊन माणुसकी, प्रेम आणि परस्पर आदराचे महत्त्व अधोरेखित करते. सलमान अनेक मुलाखतींमध्येही कुटुंबातील ऐक्य आणि एकमेकांविषयी असलेल्या आदराचा उल्लेख करताना दिसतो.
हिरवळीमुळे वाढते सौंदर्य
सलमान खानला निसर्गाची आवड असल्याचे अनेकदा दिसून आले आहे. घरातही छोट्या इनडोअर प्लांट्सचा वापर करण्यात आला आहे. हिरवी झाडे केवळ सजावट वाढवत नाहीत, तर घरातील हवा शुद्ध ठेवण्यासही मदत करतात.आजकाल स्नेक प्लांट, मनी प्लांट, अरेका पाम किंवा पीस लिली यांसारखी झाडे घराच्या सजावटीत मोठ्या प्रमाणात वापरली जातात.
सलमान खानचं घर
नैसर्गिक प्रकाशाचा सुंदर वापर
घरात मोठ्या खिडक्या असल्यामुळे दिवसभर सूर्यप्रकाश सहज आत येतो. त्यामुळे दिवसा कृत्रिम प्रकाशाची गरज कमी भासते. नैसर्गिक प्रकाशामुळे घरातील वातावरण प्रसन्न राहते आणि ऊर्जा बचतही होते.घर सजवताना शक्य तितक्या नैसर्गिक प्रकाशाचा वापर करणे हा एक उत्तम डेकोरेशन मंत्र मानला जातो.
साधेपणाचं प्रतीक असलेलं घर
सलमान खानच्या घराचा सर्वात मोठा विशेष म्हणजे त्याची साधी आणि शांत सजावट. कोट्यवधींच्या संपत्तीचा मालक असूनही त्याच्या घरात अनावश्यक झगमगाट दिसत नाही. घराचा बहुतांश भाग व्हाईट थीममध्ये सजवण्यात आला आहे.पांढऱ्या रंगाच्या भिंती, हलक्या रंगाचे फर्निचर, मोठ्या काचेच्या खिडक्या आणि नैसर्गिक प्रकाशामुळे घरात प्रसन्न वातावरण तयार होते. त्यामुळे घर अधिक मोठे, स्वच्छ आणि आकर्षक वाटते.
लिव्हिंग रूममध्ये साधेपणा आणि आराम
गॅलेक्सी अपार्टमेंटच्या लिव्हिंग रूममध्ये आरामदायी सोफा, साधे सेंटर टेबल आणि कुटुंबासोबत वेळ घालवण्यासाठी प्रशस्त जागा आहे. भिंतींवर काही निवडक फोटो आणि कलाकृती लावण्यात आल्या आहेत.अनावश्यक शोपीसेस किंवा महागड्या सजावटीपेक्षा वापरात येणाऱ्या वस्तूंना अधिक महत्त्व देण्यात आले आहे. त्यामुळे संपूर्ण जागा स्वच्छ आणि व्यवस्थित दिसते.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
