Richest People Luxury House; अँटिलिया सर्वात महाग निवासस्थान, अंबानींच्या शेजारी वसलंय दुसरे सर्वात महागडे घर; टॉप 10 घरांच्या किमतीत पूर्ण गावच घेता येईल

यात कोणतीच शंका नाही की या यादीत ‘अँटिलिया’ आघाडीवर आहे. अल्टमाउंट रोड, ज्याला ज्याला ‘भारतातील अब्जाधीशांचा मार्ग’ किंवा ‘बिलियनेअर्स रो’ म्हणूनही ओळखले जाते, वर स्थित अँटिलियाचा उल्लेख न भारतातील आलिशान रिअल इस्टेटची चर्चा अपूर्ण आहे. मुकेश अंबानींच्या परिवाराचे 27 मजली खासगी निवासस्थान 4,00,000 चौरस फूट क्षेत्रफळावर पसरलेले असून या जमिनीची किंमत अमूल्य आहे. मर्यादित पुरवठा, दक्षिण मुंबईशी जवळीक आणि अरबी समुद्राच्या विस्मयकारक दृश्यांमुळे अल्टमाउंट रोडवरील जमिनीच्या किमती आशियातील सर्वाधिक मूल्यांपैकी मानल्या जातात.

रेमंड ग्रुपचे सर्वेसर्वा गौतम सिंघानिया जेके हाऊसचे मालक आहेत. अल्टमाउंट रोडवर स्थित हे घर भारतातील दुसरे सर्वात महागडे निवासस्थान आहे. दक्षिण मुंबईतील ब्रीच कँडी-अल्टमाउंट रोड परिसरात असलेल्या या सुमारे 30 मजली इमारतीत आलिशान निवासस्थाने, स्पा सुविधा आणि मनोरंजनासाठी जागांसह हेलिपॅडचीही सोय आहे. जेके हाऊस मुकेश अंबानींच्या अँटिलियाच्या शेजारी वसलेले आहे.

वांद्रे येथील पाली हिलमढी ‘अबोड’ येथे उद्योगपती अनिल अंबानी आपल्या कुटुंबासह राहतात.मुंबईतील सर्वात उच्चभ्रू निवासी जिल्ह्यांपैकी म्हणून प्रसिद्ध पाली हिल येथे अनेक सेलिब्रिटी आणि उद्योगपतींची घरे आहेत. या बहुमजली हवेलीमध्ये आलिशान जागा आणि असंख्य खाजगी सोयी-सुविधा आहेत.

पिरामल कुटुंबाने ईशा अंबानी आणि आनंद पिरामल यांना गुलिता लग्नाची भेट म्हणून दिलेले. ही पाच मजली इमारत वरळी सी-फेसवर वसलेली असून येथून समुद्राचे विहंगम दृश्य दिसते, तर सी-लिंकमुळे वांद्रे-वरळी भारतातील प्रमुख उंच इमारतींचे मार्केट बनले आहे.

सीरम इन्स्टिट्यूटचे चेअरमन आणि अब्जाधीश सायरस पूनावाला यांचे दक्षिण मुंबईतील पॉश बीच क्रेडी परिसरातील लिंकन हाऊस भारतातील पाचवे सर्वात महागडे निवासी मालमत्ता आहे. या घराची किंमत अंदाजे 750 कोटी रुपये असून सुमारे 2 एकर परिसरात पसरलेले असून लिंकन हाऊस याआधी अमेरिकेचा दूतावास असायचे आणि वांकानेरच्या महाराजांनी अमेरिकन सरकारला दान केले, तर 2015 मध्ये सायरस पूनावाला यांनी खरेदी केले.

मलबार हिल येथे स्थित जाटिया हाऊस कुमार मंगलम बिर्ला यांच्या मालकीचे असून ही तीन मजली हवेली सुमारे 25000 चौरस फूट क्षेत्रात पसरलेली असल्याचे सांगितले जाते. या बंगल्याचं वैशिष्ट्य म्हणजे की येथून अरबी समुद्राचे विहंगम दृश्य दिसते. मर्यादित घरे आणि मरीन ड्राइव्हचे अद्वितीय दृश्य यामुळे मलबार हिल भारतातील सर्वात महागड्या निवासी परिसरांपैकी मानला जातो.

अदानींच्या दिल्लीतील मालकीच्या ल्युटियन्स बंगल्याचाही या लिस्टमध्ये समावेश आहे. मोठे भूखंड, वसाहतकालीन स्थापत्यशैली आणि संसद व इतर सरकारी इमारतींशी असलेली जवळीक दिल्लीतील प्रतिष्ठित LBZ मध्ये स्थित अदानींच्या या निवासस्थानचे वैशिष्ट्ये आहे. या ठिकाणी वारसा जतनाशी संबंधित कडक नियमांमुळे पुनर्विकासावर कडक निर्बंध आहेत.

अझीम प्रेमजींचे बेंगळुरू येथील निवासस्थान शहरातील वाढत्या अत्यंत आलिशान गृहनिर्माण बाजाराचे उत्तम उदाहरण आहे. IT क्षेत्रातील रोजगाराची केंद्रे आणि उत्तम मेट्रो कनेक्टिव्हिटीमुळे व्हाईटफील्डचा परिसर एक आलिशान निवासी क्षेत्र म्हणून विकसित केला गेला असून हा भाग प्रामुख्याने मोठ्या ‘गेटेड कम्युनिटीज’ आणि आलिशान व्हिलांसाठी ओळखला जातो.

देशातील 10 सर्वात महागड्या घरांच्या यादीत बजाज ऑटोचे चेअरमन नीरज बजाज यांच्या घराचा दहावा क्रमांक लागतो. या घराला ‘मलबार हिल्स ट्रायप्लेक्स’ असे म्हणतात. 2023 मध्ये घेतलेल्या दक्षिण मुंबईत सुमारे 18000 चौरस फूट क्षेत्रात पसरलेल्या नीरज बजाज यांच्या घराची अंदाजे किंमत 252 कोटी रुपये आहे.