Raj Thackeray : ‘तुम्ही मोदींचं कौतुक करताय, भारतावर एवढं प्रेम आहे तर दुबईत का राहता?’ राज ठाकरेंचा विवेक ओबेरॉय आणि आर. माधवनला टोला

राज ठाकरे यांची टीका

अलीकडेच, मनसेच्या विद्यार्थी संघटनेच्या (महाराष्ट्र नवनिर्माण विद्यार्थी सेना – मनव्हीएस) २० व्या वर्धापन दिनानिमित्त आयोजित एका रॅलीत राज ठाकरे यांनी आर. माधवन आणि विवेक ओबेरॉय यांच्यावर टीका केली. विवेक ओबेरॉय आणि आर. माधवन यांनी मोदी सरकारचं कौतुक केलेलं. याबद्दल बोलताना राज ठाकरे म्हणाले की, ‘जर मोदींनी सर्व काही इतकं चांगलं केलं आहे, तर तुम्ही परदेशात का राहत आहात?’

‘पंतप्रधान मोदींवर चित्रपट बनवणारा आणि त्यात त्यांची भूमिका साकारणारा विवेक ओबेरॉय दुबईला स्थायिक झाला आहे. देश बदलला आहे असं म्हणत असूनही, मोदींचं कौतुक करणारा आर. माधवनसुद्धा दुबईत स्थायिक झाला आहे. जर देश बदलला असेल आणि तुम्हाला भारतावर प्रेम असेल व तुम्ही पंतप्रधान मोदींचं कौतुक करताय, तर तुम्ही परदेशात का राहताय? हे कलाकार कुटुंबासकट दुबईला जाऊन का राहतायत? इथे येणार, सरकारी स्पॉन्सर चित्रपटांमध्ये काम करणार. ते ‘धुरंधर’ वगैरे… इथे कमाई करुन परत जाणार दुबईला. देशात खूप चांगलं चाललं आहे. मी चाललो दुबईला, असं म्हणत जातात. ही माणसं दुबईला जातायेत’ असंही राज ठाकरे पुढे म्हणाले.
Om Puri : ‘त्यांचं मोलकरणीसोबत अफेअर होतं, तरी आम्ही लग्नाचा निर्णय घेतला’, ओम पुरींबद्दल एक्स पत्नीचा दावा; म्हणाली, ‘खूप उशीर झालेला’
दरम्यान, आर. माधवन आणि विवेक ओबेरॉय यांनी मुलाखतींमध्ये ते दुबईत का राहतात याचं स्पष्टीकरण दिलं आहे. माधवननं सांगितलं की, कोविड-१९ दरम्यान आपल्या मुलाच्या करिअरसाठी त्याला दुबईला स्थलांतरित व्हावं लागलं. दुसरीकडे, विवेक आपला व्यवसाय पुढे नेण्यासाठी दुबईला गेला.
Divya Bharti : ‘मला वाचवा…’ दिव्या भारतीचा शेवटचा सीन अन् दुसऱ्या दिवशी तिच्या निधनाची बातमी; दिग्दर्शकानं सांगितला प्रसंग
विवेक ओबेरॉय शेवटचा ‘मस्ती ४’ या चित्रपटात दिसला होता. हा चित्रपट नोव्हेंबर २०२५ मध्ये प्रदर्शित झालेला. तसेच आर. माधवन शेवटचा ‘धुरंधर २’ मध्ये दिसला असून हा सिनेमा ब्लॉकबस्टर ठरलेला.