Pune Shiv Sena Ravindra Dhangekar on BJP Vijay Chaudhary and Amrish Patel Audio Clips; महायुतीत पुन्हा जुंपली? ‘एकनाथ शिंदेंमुळे भाजप सत्तेत’; विजय चौधरींच्या कथित ऑडिओ क्लिपने रविंद्र धंगेकर संतापले

‘तुम्ही तुमच्या नेत्यांना जाब विचारा, अन्यथा…’

यावरून कथित ऑडिओ संभाषणावरून आता महायुतीत तणाव वाढला आहे. उदय सामंत यांनी ही ऑडिओ क्लिप खरी आहे का? यासाठी पोलिसांत अर्ज दाखल करणार असल्याचं सांगितलं आहे. तर दुसरीकडे शिवसेना नेते आणि पुणे शहर महानगर प्रमुख रवींद्र धंगेकर यांनी थेट भाजप प्रदेशाध्यक्ष रवींद्र चव्हाण यांनाच आवाहन केलं असून ‘तुम्ही तुमच्या नेत्यांना जाब विचारा, अन्यथा मी चंद्रकांत पाटील यांचे रोज नवे कारनामे बाहेर काढेल’, असा थेट इशारा वजा धमकीच दिली आहे. त्यामुळे विजय चौधरी यांच्यामुळे आधीच अडचणीत आलेली भाजपा आता थेट महायुतीत मित्र पक्षाच्या सुद्धा टार्गेटवर आली आहे.

रवींद्र धंगेकर या कथित ऑडिओ क्लिप बद्दल म्हणाले, ‘आज जी भाजप सत्तेत आहे ती सगळी उपमुख्यमंत्री एकनाथजी शिंदे यांनी सुरू केलेल्या लाडकी बहीण योजनेची कृपा आहे. आज जर राज्यातील लोकप्रिय आमदारांची लिस्ट केली तर उदय सामंत साहेब व शिवसेनेचे सर्व लोकप्रतिनिधी राज्यात अव्वल आहेत. त्यामुळे भाजपने शिवसेनेचे आभार मानावे व त्यांच्या पदाधिकाऱ्यांनी शिवसेनेविरुद्धची वक्तव्ये थांबवावी. आमचे नेते आणि राज्याचे उद्योगमंत्री उदय सामंत यांच्याबाबत भाजपचे विजय चौधरी आणि अमरीश पटेल यांनी केलेल्या आक्षेपार्ह विधानाचा मी जाहीर निषेध करतो. अशी आक्षेपार्ह विधाने आम्ही कधीच खपवून घेणार नाही’, असं धंगेकर म्हणाले आहेत.

Dhule News : आई-बापाच्या डोळ्यांतील स्वप्न, अंगावर खाकीची इच्छा, अचानक सर्व संपलं, धावताना हृदयविकाराचा झटका; सुहासने जागीच प्राण सोडले

स्वतःला प्रसिद्धीच्या झोतात आणण्याचा प्रयत्न

‘ लाडकी बहीण योजना ही तत्कालीन मुख्यमंत्री आणि शिवसेनेचे मुख्य नेते एकनाथ शिंदे यांनी राज्यात सुरू केली. या योजनेमुळे भाजपसह महायुतीचे सर्व आमदार निवडून आले. याचे श्रेय एकनाथ शिंदे यांना जाते, हे वारंवार आक्षेपार्ह विधान करणाऱ्या वाचाळ भाजपच्या नेत्यांनी ध्यानात घ्यावे. राज्याच्या विकासासाठी, उद्योग वाढीसाठी सतत झटणारा नेता अशी उदय सामंत यांची जनमाणसात प्रतिमा आहे. त्यांनी कायमच जनतेच्या हिताला प्रथम प्राधान्य दिलं आहे. अशा नेत्यांवर आक्षेपार्ह विधान करून स्वतःला प्रसिद्धीच्या झोतात आणण्याचा हा चौधरी आणि पटेल यांचा केविलवाना प्रयत्न दिसतो आहे’, असही धंगेकर यांनी स्पष्ट म्हटलं आहे.

Pune Police: सिंघमगिरी पुणे पोलिसांच्या अंगलट! तीन आरोपींना कारवर बसवून शहरात फिरवणाऱ्या PI ची बदली, पोलीस महासंचालकांना नोटीस

भाजपला धमकीवजा इशारा

दरम्यान, ‘भारतीय जनता पक्षाचे प्रदेशाध्यक्ष रवींद्र चव्हाण यांनी अशा वक्तव्याची दखल घेऊन, पक्षशिस्त न पाळणाऱ्या संबंधितांस योग्य तो जाब विचारावा. अन्यथा, उच्च व तंत्रशिक्षण मंत्री चंद्रकांत पाटील यांचे कारनामे पुराव्यांसकट दररोज सोशल मीडियाच्या माध्यमातून जनतेसमोर आणू’, असा थेट इशारा सुद्धा रवींद्र धंगेकर यांनी भाजपला दिला आहे. त्यामुळे येत्या काळात हा वाद किती टोकाला जातो याकडं राज्याचं लक्ष लागलं आहे.