बहुतेक लोक घर घेताना केवळ चौरस फूट किमतीच्या आधारावर निर्णय घेतात, पण आपण प्रत्यक्षात किती जागेसाठी पैसे देतो हेच त्यांना समजत नाही. कार्पेट एरिया, बिल्ट-अप एरिया आणि सुपर बिल्ट-अप एरिया यांसारख्या संज्ञा अनेकदा मालमत्तेच्या जाहिरातींमध्ये वापरल्या जातात, पण सर्वांचे अर्थ वेगवेगळे आहेत.
Gold Rate Today: सोन्या-चांदीच्या घसरणीचा ट्रेंड कायम! सराफा बाजारांत अस्थिरता; 90 दिवसांत गोल्डची मागणी 6% घटली, आताच खरेदी करावं का?
अशा स्थितीत, घर घेतल्यावर खरेदीदार अनेकदा तक्रार करतात की जाहिरातींमध्ये जागा मोठी असल्याचे सांगितलेले, पण प्रत्यक्षात खूपच छोटी आहे. त्यामुळे घर बुक करण्यापूर्वी या तीन संज्ञांमधील फरक समजून घेणे महत्त्वाचे आहे.
यामध्ये कार्पेट एरिया म्हणजे काय ?
रिअल इस्टेट रेग्युलेटरी अथॉरिटी – RERA – नुसार कार्पेट एरिया तुमच्या घरातील अशी जागा जी तुम्ही दररोज वापरू शकता. म्हणजे अशी जागा – जसे की घरातील बेडरूम, लिव्हिंग रूम, डायनिंग एरिया, किचन, बाथरूम आणि घरातील अंतर्गत भिंतीं – जिथे तुम्ही फर्निचर ठेवू शकता किंवा आरामात राहू शकता.च्या जागेचा समावेश होतो.
KOSPI Crash: 4 कोटींचा नफा, साडे चार कोटी नुकसान! कुणी फ्लॅट गमावला तर कुणी आयुष्यभराची कमाई, कोरियन मार्केटमध्ये 40 टक्क्यांची घसरण
पण बाहेरील भिंती, सर्व्हिस शाफ्ट, बाल्कनी, व्हरांडा आणि मोकळ्या टेरेसचा यामध्ये समावेश होत नाही. त्यामुळे घर खरेदी करताना कार्पेट एरियाचा विचार नक्की करा, जे तुमची प्रत्यक्ष राहण्याची जागा आहे.
बिल्ट-अप एरिया म्हणजे काय?
बिल्ट-अप एरिया सहसा कार्पेट एरियापेक्षा मोठा असतो. यामध्ये कार्पेट एरिया तसेच घराच्या आतील आणि बाहेरील भिंतींची जाडी असते. अनेक प्रकल्पांमध्ये बाल्कनीची जागा देखील बिल्ट-अप एरियामध्ये जोडलेली असते. वेगवेगळे बिल्डर बिल्ट-अप एरियाचे वेगवेगळे कॅल्क्युलेशन करतात. त्यामुळे घर खरेदी करण्यापूर्वी तुमचा बिल्डर बिल्ट-अप एरियामध्ये काय-काय जोडत आहे, हे नक्की समजून घ्या.
सुपर बिल्ट-अप एरिया म्हणजे काय?
यामध्ये इमारतीचे बांधकाम क्षेत्र (बिल्ट-अप) तसेच कॉमन एरियाचा समावेश असतो, ज्यामध्ये लॉबी, जिने, लिफ्ट, कॉरिडॉर, प्रवेशद्वार लॉबी, क्लबहाऊस आणि इतर सामायिक सुविधांचा समावेश होतो. बहुतेक बिल्डर फ्लॅटची किंमत याच क्षेत्राच्या आधारावर ठरवतात, म्हणूनच याला सेलेबल एरिया असेही म्हटले जाते.
तिघांमधील अंतर इतकं महत्त्वाचं का?
कधीकधी दोन अपार्टमेंट 2000 चौरस फूट असल्याचे म्हटले जाते, पण प्रत्यक्षात दोन्हीमधील राहण्याची जागा वेगळी असू शकते.
उदाहणार्थ, एका फ्लॅटचे सुपर बिल्ट-अप एरिया 2000 चौरस फूट आहे पण, कार्पेट एरिया 1420 चौरस फूट असेल. दुसऱ्या फ्लॅटचा सुपर बिल्ट-अप एरिया देखील 2000 चौरस फूट असेल पण, कार्पेट एरिया 1600 चौरस फूट असू शकतो. म्हणजे, कागदोपत्री दोन्ही फ्लॅट समान आकाराचे आहेत, पण दुसऱ्या फ्लॅटमध्ये 180 चौरस फूट अधिक वापरण्यायोग्य जागा दिली गेली आहे.
अशा परिस्थितीत, तुम्हाला फ्लॅटमध्ये अधिक कार्पेट एरिया मिळतो, म्हणजे तुमच्या खोलीचा आकार, फर्निचरसाठी जागा आणि राहण्यासाठी जास्त जागा मिळते, ज्याचा परिणाम फ्लॅटच्या किमतीवरही होतो. त्यामुळे घर खरेदी करताना केवळ सुपर बिल्ट-अप एरियाचाच नव्हे, तर कार्पेट एरियाचाही विचार करा.
घर घेताना ग्राहक अनेकदा कोणत्या चुका करतात?
अनेक खरेदीदार केवळ फ्लॅटचा एकूण आकार आणि किंमत यानुसारच निर्णय घेतात, तर कार्पेट एरियाकडे दुर्लक्ष करतात.सर्व बिल्डर सुपर बिल्ट-अप एरिया एकाच पद्धतीने सांगतात असे गृहीत धरतात आणि संपूर्ण तपशील विचारत नाहीत. या चुकांमुळे प्रत्यक्ष जागा अपेक्षेपेक्षा लहान वाटू शकतात. त्यामुळे घर किंवा फ्लॅट बुकिंग करण्यापूर्वी कार्पेट एरिया आणि जागेचा इतर तपशील पूर्णपणे समजून घ्या.
त्यामुळे, घर बुक करण्याआधी कार्पेट एरिया, बिल्ट-अप, सुपर बिल्ट-अप, बाल्कनी एरिया, कॉमन एरिया लोडिंग, फ्लोअर प्लॅन आणि रेरा नोंदणी तपासायची खात्री करा.
