Prakash Raj : ‘हुकुमशाहीसारखं वागणारं घाबरट सरकार’, सोनम वांगचुक यांना रुगणालयात दाखल केल्याप्रकरणी प्रकाश राज यांची मोदी सरकारवर टीका

सोनम वांगचुक यांना दिल्लीतील जंतर मंतरवरून नेण्यात आलं, तेव्हा कोणालाही काही दिसू नये म्हणून त्यांना पांढऱ्या चादरीनं झाकण्यात आलं होतं. प्रकाश राज यांनीही यावर टोला लगावला. सोशल मीडियावर पोस्ट करत प्रकाश राज यांनी लिहिलं की, ‘परदे के पीछे क्या है, छप्पन इंच का डरा हुआ नंगापन’
Medha Manjrekar : ‘ट्रीपवरून आल्यावर टेस्ट केली, 8 महिन्यांपासून कॅन्सरचा प्रवास सुरू आहे’, आजारपणावर मेधा मांजरेकर यांची प्रतिक्रिया

प्रकाश राज यांचा सरकारवर निशाणा

प्रकाश राज यांनी पुन्हा एकदा सरकारवर निशाणा साधत लिहिलं की, ‘जग एका घाबरट सरकारला पाहतंय, या सरकारला तरुणांशी संवाद साधायचा नाही, उलट हुकूमशाहीसारखं वागत आहे. सोनम वांगचुक यांना सक्तीनं घेऊन जाणं आणि विद्यार्थ्यांच्या शांततापूर्ण आंदोलनात अडथळा आणणं हे भीतीचं लक्षण आहे. किती लाजिरवाणी गोष्ट आहे.’

अतुल कुलकर्णी यांनी या विषयावर थेट भाष्य न करता, १९८४ मध्ये सोनम वांगचुक यांचे वडील, सोनम वांग्याल, उपोषणावर असताना तत्कालीन पंतप्रधान इंदिरा गांधी यांनी लेहला धाव घेऊन त्यांचं उपोषण कसं संपवलं होतं, याची आठवण सांगितली. त्यांनी यासंबंधीचे एक पोस्टर त्यांच्या ट्विटर अकाउंटवर शेअर करत लिहिलं, ‘उपोषण सोडण्याचा आणखी एक मार्ग.’

अभिनेता रणवीर शौरीनंही सोनम वांगचुक यांना जंतर मंतरवरून रुग्णालयात नेण्यावर प्रतिक्रिया दिली. ‘हे सरकार आता स्वतः विरोधी पक्षालाच शस्त्रे पुरवत आहे. किती उदात्तपणा आहे.’

दरम्यान, सोनम वांगचुक कॉकरोच जनता पार्टीच्या सहकार्यानं जंतर मंतरवर आंदोलन करत होते. ते ६ जून रोजी जंतर मंतरवर आले. नीट पेपरफुटी आणि इतर परीक्षांमधील अनियमिततेवरून सोनम वांगचुक यांनी शिक्षणमंत्री धर्मेंद्र प्रधान यांच्या राजीनाम्याची मागणी केली. त्यांनी २८ जून रोजी उपोषण सुरू केलं आणि त्यामुळे त्यांची प्रकृती खालावत गेली. २१ दिवसांच्या उपोषणादरम्यान सोनम वांगचुक यांचं वजन जवळपास १० किलो कमी झालं आहे.