PF Auto Transfer Rules Change; नोकरी बदलली तरी थेट ट्रान्सफर होईल पीएफचे पैसे; EPFO च्या नियमात झाला मोठा बदल, कोणाला मिळणार फायदा?

पीएफ हस्तांरणाचा नवीन नियम

ईपीएफओच्या पीएफ ट्रान्सफरबद्दल नव्या बदलानुसार ज्या कर्मचाऱ्यांचा UAN आधारशी जोडलेला आहे आणि ज्यांची KYC प्रक्रिया पूर्ण झाली आहे, त्यांची पीएफ शिल्लक रक्कम आता विहित अटींची पूर्तता केल्यावर आपोआप हस्तांतरित केली जाईल. या बदलाचा सर्वात मोठा फायदा म्हणजे की, कर्मचाऱ्यांना आता पीएफ हस्तांतरणसाठी वेगळा अर्ज सादर करण्याची गरज राहणार नाही. तसेच, यामुळे जुन्या आणि नवीन नियोक्त्यांकडून मंजुरीच्या वेळखाऊ प्रक्रियेतूनही दिलासा मिळेल.

IPO GMPs: देशातील सर्वात मोठ्या Mutual Fund कंपनीचा आयपीओ अखेर खुला झाला; 14000 रुपये गुंतवून 2548 रुपये कमावण्याची संधी!
याआधी पीएफ ट्रान्सफर कसं व्हायचं
यापूर्वी नोकरी बदलल्यावर कर्मचाऱ्याला जुन्या पीएफ खात्यातून नवीन खात्यात निधी हस्तांतरित करण्यासाठी ऑनलाइन किंवा ऑफलाइन अर्ज करावा लागायचा. बहुतेक प्रकरणांमध्ये जुन्या आणि नवीन दोन्ही नियोक्त्यांची मंजुरी देखील आवश्यक होती. याशिवाय ईपीएफओची प्रक्रिया वेळखाऊ होती, ज्यामुळे अनेक कर्मचारी नोकरी बदलूनही जुन्या पीएफ खात्यातील शिल्लक रक्कम हस्तांतरित करू शकत नव्हते.

आता पीएफ ट्रान्सफर ऑटोमेटेड कसं होणार?

पण, आता नव्या प्रणालीनुसार तुमचा UAN आधारशी लिंक असेल आणि केवायसी पूर्ण झाली असेल तर, नोकरी बदलल्यानंतर पीएफ हस्तांतरण प्रक्रिया आपोआप सुरू होईल. मात्र, लक्षात घ्या की नवीन कंपनीत रुजू झाल्यावर लगेच तुमचा पीएफ हस्तांतरित होणार नाही.

ईपीएफओच्या नवीन प्रणालीनुसार, स्वयंचलित हस्तांतरण तेव्हाच सुरू होईल जेव्हा नवीन नियोक्ता तुमच्या खात्यात तुमचे पहिले EPF योगदान जमा करेल. म्हणजे पहिला PF हप्ता जमा झाल्यानंतर प्रणाली हस्तांतरण प्रक्रिया सुरू करेल.

Gold Silver Price Today: युद्धाच्या तणावात सराफा बाजारात उलटफेर; सोन्याच्या भावात मोठी पलटी, चांदीने फुंकला महागाईचा बिगुल

जुन्या कर्मचाऱ्यांनाही नव्या नियमाचा फायदा होईल का?

हाच सध्या नोकरदारांमधील सर्वात मोठा प्रश्न आहे, जो अजूनही अनुत्तरित आहे. काही कायदेतज्ज्ञांनुसार ज्यांनी पूर्वी नोकरी बदलली, पण आपला पीएफ हस्तांतरित केला नव्हता, त्यांनाही या नवीन प्रणालीचा फायदा होऊ शकतो. त्यांनी म्हटले की EPFO प्रणाली एकाच UAN शी लिंक्ड जुने सदस्य आयडी ओळखू शकते आणि त्यांना एकत्र करू शकते. मात्र, नवीन वैशिष्ट्य प्रत्येक बाबतीत आपोआप काम करेल की नाही, याची अद्याप अधिकृत पुष्टी झालेली नाही.

Gold ETFs Inflows: भारतीयांनी Gold Crash चा पुरेपूर घेतला फायदा; 3,443 कोटींची खरेदी केली; जागतिक प्रवासाच्या विरुद्ध गेम फिरवला

प्रत्येक बाबतीत स्वयंचलित हस्तांतरण शक्य नाही

सर्वच कर्मचाऱ्यांचे पीएफ हस्तांतरण आपोआप होणार नाही, असे तज्ञांचे म्हणणे आहे. एखादा कर्मचारी आधीपासूनच नवीन कंपनीत काम करत असेल आणि नवीन खात्यात नियमित पीएफ जमा होत असेल, पण जुनी पीएफ शिल्लक वेगळी असेल तर, अशा प्रकरणांमध्ये स्वयंचलित हस्तांतरण शक्य होणार नाही. अशा परिस्थितीत, कर्मचाऱ्याला ईपीएफओ पोर्टलला भेट देऊन हस्तांतरण प्रक्रिया स्वतः पूर्ण करावी लागू शकते त्यामुळे, स्वतः हस्तांतरण करण्याचा पर्याय उपलब्ध असेल.